من الله عليك واديتي فريضة الحج تعالي وشاركينا

موضوع بحد ذاته جميل ،،، وفيه روحانيه كبيـره،،
ولسه صراحه ماحجيت ويارب ييسرها لي ياااااارب...
وقوولوووو يااااااارب نحج هالسنه انا وخواتى المسلمات وييسـرها ربي علينا ،،،

ننتظر المشاركات،،،

أنا حجيت عام 1424 لما كنت ثالث ثانوي ولله الحمد
أهم النصايح الملابس اخذي ملابس خفيفة حيل والملابس الداخلية اخذي اللي تجي استخدام واحد ولازم بنطلون قطن وفازلين واخذي معك معلبات جبن سايل وغيرو لإن مو دايم أكل الحملة يعجبك اخذي فلوس مصروفة معك خمسات وعشرات عشان الصدقة وحطي في بالك لو ميزانيتك تسمح يكون يوم غداء الحملة أوعشاهم عليك اطعام الطعام اجرهم كبير
الحملة صراحة ناسية اسمها بس رحت أنا وأمي الله يرحمها ويسكنها الجنة لاتنسونها من دعائكم واي استفسار أنا حاضرة
لاتنسون كريمات الترطيب الجو يتغير ويجف الجسم ويسبب حساسية
اي صح والموقف اللي صار كان كل مصروفنا معي وإحنا بالطواف انسرقت كل الفلوس اللي معي والله يابنات حتى حق الموية ماعاد لقيناه بس تسلفنا من مدرسة كانت معنا بالحملة الله يجزاها خير ويعوض عليها عشان كذا الفلوس خلي نص معك ونص مع زوجك أو أخوك عشان لو ضاعت من واحد يكون في احتياط
ادعو لي يتحقق اللي في بالي واي سؤال لاتستحون

اي صح نسيت اقولكم بطاقات الشحن هناك سعرها اغلى الأفضل لو تشحنين جوالك من هينا
وبالنسبة للروحانية صراحة شعور لايوصف لإنها كانت أول مرة أروح لمكة ولما دخلنا الحرم صراحة أحس إنو قلبي انفصل عن العالم الخارجي وتعلقت في الكعبة وبس الله يتقبل منا يارب ويرحم أمي ويسكنها الجنة

أنا حجيت الحمد لله عام 1431 هـ

الحج شي خياااااااال ..

على الزحمه والحر والتعب والمشي المستمر (( أختكم سمينه وما تتحمل المشي الطويل ))

لكن والله نفسي أحج مره ثانية .. أعجز عن وصف مشاعري

حجيت مع حملة الراجحي الله يجزاهم الخير .. الحمله مجانيه ..

أهم النصائح ::

لا تكثرين ملابس وتثقلين الشنطة .. هذي المشكلة عانيت منها مره

الحمد لله كان كل شي ميسر ومتوفر ..

أنا طبعي ما أنام في اي مكان والصداع يستمر معي .. لكن بفضل الله ما عانيت ابد لا من صداع ولا قلة نوم

الشي اللي اتعبني فقط هو المشي .. بس استفدت لأنه نزل وزني ههههههههه

أتمنى للكل الحج الميسر والله تجربه لا تتكرر

الحمد لله على كل الأحوال