احب زوجي وهو مامقدر حبي شو اسوي انصحوني؟؟؟

:( بصراحة ماعارفة شو اقول انا اترددت قبل مااكتب في المنتدى بس لما قرأت كثير من مشكلات الاخوات توكلت على الله انا متزوج من 3 سنين وعندي بنت ولد ريلي مزاجي جدا وتاعبني معاه وايد ساعة يحن على ويقول انا زوجته وحبيبته وام اولادة وفجأ وبدون مقدمات يتغير واحس انه يكرهني ومن اتفة الاسباب يقول روحي بيت اهلك او انه يحلف بالطلاق لو ماسويت هذا الشي اللي يطلبه بصراحة انا شخصيتي قوية بس قدامة ولاشي حتى لو زعلني وهو الغلطان اروح انا واراضيه ومايرضى الابعد الاهانات والتجريح وفي الاخر اطلع انا الغلطانه ودايما يقول انه خاطره عايفني واحاول اتناسه كلامةعشان مااخرب بيتي بايدي تخيلوا اني وانا حامل كان بطلقني لوعرفتوا اسبب بتضحكون عشان خليت خادمة امة تساعدي في ترتيب الملابس وطبعا معروف منو اللي قاله واسبب يقول انه مايحب الخادمة تسوي حجه شي مع انه في بيت اهله ياكل من ايد الشغالة والشغالة هي اللي تغسل ملابسة هذا مثال بسيط بصراحة انا ماعارفة شو اسوي غير انه يحتقر اهلي وايد مع انهم يحبونه وايد والفترة الخيرة قمت احس انه يكلم وحدة في التلفون وسألته بس دايما ينكر وبعصبيه ويقول حتى لو اكلم انت مايخصج ؟؟؟؟انا تعبانة وكل مرة افكر بالطلاق لكني الحاتي اولادي لانه يهدد انه لو طلقني بياخذهم مني :(
ســـــــــــــــــــــــــاعدوني انا ماعارفة كيف اتصرف

4 تعليق 1,607 مشاهدة

شاركي في النقاش

سجلي الدخول لإضافة تعليق.

التعليقات

4
  1. @bnt_alhm

    الله يهديه انشالله فترة وتزووول بس انتي خلج ثابتة و فكري في بيتج وعيالج قبل اي شي واله يوفقكم وانشالله الله بيهديه
  2. @dubai_baby

    ماعرف شو اقولج يا غناتي

    اول شي لا تعطين ريلج مجال يحتقر هلج..لازم يكونون على عينه و راسه و اي كلمه والله اجلب البيت على راسه..كله و لا الاهل..في حدود الواحد ما يتعداها

    ثاني الامور تقدرين تحلينها انج تلبسينه ...شكله ريلج اذا لنتي وياه يكبر راسه عليج
    و زخيه و قوليله الطلاق مب شي هين تطريه عند اصغر مشكله او كلما يا في بالك..هاي كلمه عوده ما تنطرى على اللسان..يعني بلا حركات يهال و خليج صارمه و ازعلي بعد فتره خله يتعلم الادب

    ثالثا عليج بالدعاء و الله يسخر لج هالريل
  3. @ghla_glagl

    اذا تكلم على اهلك لاتسمحين ابد وقولي له اهلي دائما يجيبون طاريك بالخير بس انت الله حسيبك وحاولي تتجاهلينه اذا شفتيه معصب سمي وقولي اللهم اجعل نغمته بردا وسلاما علي كما النار بردا وسلاما على ابراهيم واجعل بيني وبين زوجي والمشاكل سدا
  4. @am_mrar

    صاحبة الموضوع
    تسلمون على هذي الحلول بس ريلي حاط في باله اني انا واهلى متفين علية ونكذب علية مع انه والله ان اهلى وايد يساعدوا لما يكون محتاج لهم اكثر من اهلة

تابعي تجارب أخرى من هذا القسم.