اختي من صغرنا وهي كذا

شنو يكون تصرفك اذا كانت اختك كذا

اختي من يوم كنا صغار كانت تحط الاولوية لغيري
سواء صديقات بنات خالات بنات عمات الي يكونون
للعلم كان مصروفنا قليل بس كنت اوفر منه .. وتجي تستلف مني وبعدين اقول لها لا ترجعينه حلال عليك
وهي اذا عندها شئ للتوزيع تعطيهم قبلي وتقولي عادي انتي اختي وما احصل شئ
وهذي كلمتها المعتادة عند كل شئ
تسوي اي شئ حق العالم ولين توصل لي توقف
احتاجيتها لاشياء كثيرة كانت تخليني للاحتياط
الي كلفت عمرها وجهدها لي هو تجهيز خطوبتي وعرسي لا تقولون لانها اختك جهزتك هي تجهز اعراس الكل من بنات واولاد عائلتنا طبعا بفلوس المعاريس بس هي ترتب وتنسق وتتشرى وتضيف شوي من عندها ... تدرون ليه لانها من يوم يومها تموت وناسة لما يقولون هذي فولانة سوته هذي من ذوق فولانه هذي من اختيار فولانة

يوم زواج اخوي حجزت حق 7 وحدات للصالون وقبل العرس بليلة اتصلت لي وقالت ما تقدرين تجين معانا لان بنات خالتي بيجون معاي

وقبل العرس كنا متفقين نروح معةبعض نخيط فستان للعرس راحت مع بنات خالتي ولا خبرتني ولما سألتها ما رحنا نتشرى للفستان قالت : اووووه تراني شريت وخلصت ونسيتك


واشياء كثيرة صارت لي اخجلتني من زوجي ... لا تقولون لا تخبرين زوجك .. كيف ما تبغونه يعرف وانا قلت له عن حجز الصالون وبالاخير ما رحت وعن الفستان اني راح اخيط معاها وماىصار واضطريت البس فستان العيد

الحين اختي تشتغل مدرسة في مدرسة ثانوية .. وبنتي لازم تروح نفس المدرسة الي اختي تدرس فيها
والوزارة بالخطأ حولوا بنتي على مدرسة مو من منطقتنا

زوجي قالي كلمي اختك تاخذ لنا اوراق قبول التحويل من المدرسة ... قلت له ما ابغى لاني عارفة ردها وبعدين راح تضايقني بسببها
ولان بنتي عندها طلبت منها هالشئ من غير تفكير اختي قالت ما اقدر بنتي عارفة خالتها الي هي اختي وقالت حاول وكذا وقالت اختي راح احاول

عارفة ومتاكدة انها يا بتنسى او ما راح تحاول تتصرف بجد

24 تعليق 3,411 مشاهدة

شاركي في النقاش

سجلي الدخول لإضافة تعليق.

التعليقات

24
  1. @hrfalghla

    جربي حظك معاها هالمره وكلميها يمكن تقدر تسوي شي وتساعدك الله يهديها ويسخرها لك ومهما كان أنتوا خوات
  2. @barsheed

    خلاص لاتعتمدين عليها سوي اعمالك لحاالك
    اعتمدي على نفسك واذا احد يعزك وبنتك ماشاء **** في التانوي
    يعني خذي ذوقهااا واساليها
    بنتك بتحن عليك اكثر من اختك

تابعي تجارب أخرى من هذا القسم.