السلام عليكم
صباحكم // مسائكم رضا من الرحمن
انا بدخل بالموضوع على طول لاني حيل مخنوقه
انا متزوجه وبكمل سنه الاسبوع الجاي وباقي يومين واخلص نفاس الحمدلله
السالفه انه عندنا زواج اخت زوجي بشهر 11 وانا كنت ناويه البس من الفساتين اللي شريتها قبل لاني ماقد لبستها عندهم ابد بس ماجت مقاسي وطلبت زوجي فلوس وقالي ماعندي
طبعا عشان تكونون بالصوره انه راتبه اقل من 5 الاف والحمدلله
اوقات يجي اخر الشهر مامعاه شي وانتو عارفين كيف الغلا هالوقت
والاسبوع الجاي بجلس معاه بشقه وهو متكفل بايجارها واليوم اللي بكمل فيه سنه اخذ بفندق غالي شوي بس عشان خاطري وقالي اذا تبيني اعطيك الفلوس خلاص ماراح اجيب لك هديه الاسبوع الجاي
قصده انه دام انتي محتاجتها بهالشي خلاص خذيها وجيبي اللي خاطرك فيه
انا محتاره وربي هل اشتري الفستان من عندي واقوله اني دبرتها والا وش اسوي
خوفي انه يتعود ع هالشي مع انه اول زواج احضره من بعد زواجي واضطر اشتري
ودي اساعده واخفف عنه لان صرفيه الاسبوع الجاي عليه وغير انه لما بروح بيتي لازم اتقضى له لاني من زمان عند اهلي وهو دايم مايقصر علي بشي
هو طيب وحنون حيل وماعمره حتى رفع صوته علي الحمدلله :: ماشاءالله تبارك الله ::
فعشان كذا متردده
مابي اضغط عليه لاني حاسه فيه وبنفس الوقت مابي يتعود ..
شورو علي يالغوالي يمكن احد فيكم عنده خبره اكثر مني ولا رايها سديد وتدلني على شي ماااندم عليه ..
بانتظار ردودكم الله يسعدكم ..
شاركي في النقاش
سجلي الدخول لإضافة تعليق.
التعليقات
21- شوفي يآعسل ..
آنآ رأيي دآم فيهآ يجيب لك هديه خلاص بلاشي فستآن
دبريه من عندك كلها كم سآعه وترميه بالدولاب ..
الهديه تتذكريه فيهآ دآآيم ..
والله يوفقك ويسعدك .. - وعليكم السلام
اشري ولاتقوليله انك شريتي قولي بلبس من الي عندي طبعا بعد ماتشرين قولي هالكلام ودامه ماخذلك فندق وبيجيبلك هدية خلاص هو ماارخصك بس ماعنده وظرفة لازم تقدرية - المساعدة مع زوج يستاهل حلو بس مو بتلة
الله يسخرلك زوجك ويسخر لنا يارب - عادي حبيبتي اذا دبرتي الفستان من عندك وما اتوقع انه يتعود من مرة وحدة واذا مرة خايفة قوليله اخدته سلف وخليه يعطيك فلوسه بعد فترة على أساس انك ترجعيها وانا اشوف انه عادي لو من عندك اذا كان حالك ميسور
- قدري ضروفه واشتري من عندك يكفي فكر في هديتك
مواضيع مشابهة
تابعي تجارب أخرى من هذا القسم.