حالتي النفسيه يرثى لها كرهت زوجي وعيالي محتاجه مساعدة صاااادقه

اولاً الف شكر لردودكم والله يجزاكم خير
ثانياً الوظيفه حكايتها انه هو مقدم خدمة عن طريق عمله لشخص صاحب شركات معروووف
وانه دايم يساعدهم في انهاء احتياجاتهم في عمله وموفر عليهم وقت وجهد
فصاحب الشركات هذا عرض عليه انه يجيب اوراق اي احد يعز عليه اخوه او اخته او زوجته ويوظفه عنده كمكافئه لمجهوده فزوجي قال اجيب اوراق زوجتي افضل عشان الراتب يكون لنا بدال مايروح لاخوه او اخته مع العلم ان زوجي في البدايه رفض بس الرجال لزم عليه وقال له هذا حقك !!!
والشي الاهم اهاناته قدام عيالي
انا مرات اكون مصدوومة واحس بشلل كامل لانه يسوي هالشي قدام عيالي وما اعرف ارد او اسوي شي بس اروح لمكان ثاني وتنزل دموعي !!
طيب للي قاله وقفيه عند حدة من هالناحيه ايش اسوي اعطوني افكار وانا بطبقها والله صرت زي المجنون اللي ماعاد يميز ولا يعرف يفكر
واني اطلع مشاكلي لاهلي انا ماأحب لان الزوجين ينسون واالاهل ماينسون
قبل فترة شكيت ع امي وانحلت المشكله من غير مايدخل احد وخصوصا الوالد والاخوان
فامي قالت خليه اللين تجين ونوقفه عند حدة
وتتقابلنا بعد عشر ايام تقريباً وهي زعلانه ع زوجي وحتى مارضت تسلم عليه الا بعد محاولاتي اقناعها وبعدين ماعجبها اننا نسينا السالفه ومرت كان ودها اكلم الوالد يتفاهم معه وعلمتها انه خلاص كل شي راح
اتجمعنا بعد فترة وكنا نسولف ونضحك مع امي وخواتي وحريم اخواني
وقلت اني سويت شي جدا بسيط وعادي بس زوجي مايحب بحكم الغيرة
ضحكت امي وقالت ايه سوي عشان لا سافرتي يسوي فيك ويسوي
انا هنا انصددددددمت وانشل لساني وكل حركاتي
امي تعايرني ؟؟؟
ولا قدام المجلس
اااااه حرمت اقولها شي عن مشاكلي اموت في بيتي الف مرة ولا اموت قدام الناس مرة  

اتعلمي تمارين التنفس والاسترخاء ودايما كافئي نفسك بشي تحبه لو حمام بانيو مع روائح عطرية لو بقطعة شوكلاتة المهم يكون لك وقت استرخاء وراحة،، واقري عن طريقة التنفس الصحيحة لانك متوترة وهالشي بيأثر بعلاقتك مع الكل ، واجعلي راحتك في صلاتك وفي قيام الليل ومناجاة ربنا ابكي بتضرع لله
عزوجل وبثي همومك وشكواك له ،، اتصدقي كثيرررر حتى تتطهرو من المال الحرام ،،وحاولي تكوني علاقات مع جاراتك حتى لو بالتلفون بس حتى توسعي من دائرة علاقاتك الاجتماعية واحرصي على بعض الامور البسيطة اللي تحسن مزاج زوجك
مثل استقباله بعد عودته من الدوام بابتسامة وعصير طازج منعش وتوفير الراحة له وايضا وقت النوم تنوميه كأنه طفلك ،، وبساعات الصفا تناقشيه بهدوء وتذكري اول شي محاسنه وايجابياته وبعدين تقوليله بكل هدوء وبساطة عن احتياجاتك من احترام وتكوين صداقات وبدون كلام كثير لانه الرجل يتوه ويكره الكلام الكثير

الحين بداية دوام عيالي
فحابه انهم يعيشو في جو هادي وبدون مشاكل والفاظ بذيئه عشان ما يأثر ع مستقبلهم
بس كيف اقنعه بهالشي كيف اخليه يبطل وهو مااايفكر الاانه كيف يغيظني
فايش اسوي معه ؟؟؟؟؟

سبحانك اللهم وبحمدك اشهد ان لا اله الا انتاستغفرك واتوب اليك ]

ربي يفرجها عليك