كيف تتعاملي مع شغالتك لو كانت كذااااا

سلام عليكم يا حلوين 
بقولكم على اللهد اللي عندي  قدمتلي على شغاله  اثيوبيه  
وجتني ليلة العيد  ومافيني اكتب عن الأفلام اللي سوتها من ثاني يوم جات وانا مريضه بسافر وتعبانه
وقتلها خلاص امشي بس استني الين ماتفتح المكاتب ذحين عيد وجلستها عندي زي الضيفه يابنات أنا اللي اكنس وارتب وهيه بس نائمه تصحي تأكل وتشرب وترجع تنام ولا تصحي تتفرج فيه وانا اكنس واغسل المهم  
وأخذها  زوجي ووداها مستشفى خاص وكلفنا علاجها ال500 ريال طلعت معاها جرثومه بالمعده المهم فتح المكتب وراح زوجي  بيوديها قامت تبكي وتصيح وتقول أنا مسكين أنا أبغى شغل أنا كنت مريضه ماقدر شفل الحين أنا بعد علاج كويس الحمدلله أنا عندي بزوره المهم وكلمها صاحب المكتب إثيوبي زيها والله العالم ايش قلها ويقول هيه ما تبغى تروح وتبغى شغل وقلي زوجي حرام نقطع رزقها مسكينه كانت تعبانه خلينا نجربها ونشوف المهم ما كملت الشهر عندي بطيئه بدرجة تفقع القلب تموت بشي اسمه نوم تنام السعاه 10 واصحيها 6 لما يروحو البزوره المدرسة  تكنس الصاله وغرفة البزوره وتغسل الحمامات وترجع تنام  تصحى الظهر ويادوب تغسل مولعين الغداء وصالة البيت وترجع تنام  تقوم العصر تكوي الملابس لا ن الغسيل مره سهل عندي غساله  فل اتومتك  وتروح للدولاب وترص الملابس بدون ترتيب الدواليب حويسه وطول النهار أنا اللي الم البيت وراء عيالي واشيل اي شي يرموه قلتلها المفروض كل شوي تدخلي غرفة الأولاد ترتبيها وتشوفي ايش رموا والله يبنات الحلاوه يرمونها  والنمل يتلم عليها ولا تشيلها الا لما أقولها لان على ماتكنسها الصباح ماتدخلها ثاني تعبت وانا اقولها شيلي ذا وحطي ذا المشكله تعرف عربي أنا جبتها مشتغله وتتكلم عربي اوريها الشي واقولها كذا وكذا وتقولي طيب ومن جنبه بزورتي يجون من المدرسة ويرمو الشرار يب في المدخل تمشي من جنبها ولا تشيلها وانا قايلتلها ووريتها بس بكيفها متي ماحبت تشيل الشي تشيله 
وانا والله مره طيبه معاها الأكل تأكل كل اللي تبغي وانا معتبره صدقه لوجه الله مامنعها من شي  واعطيها بزود وليه فتره اقولها لاتحوسي الملابس مع بعضها أولادي مع بناتي أنا أوريك  ووريتها والله تجيب الملابس وتحطها على بعض والدولاب حايس على بعضه واليوم قلتلها تعالي نرتب الدولاب والله يابنات اقولها هذا هنا وهذا هنا تخسرني وتلم الملابس كلها على بعض واحس ضغطي ارتفع منها قلتها وخري وانزل ملابس أولادي كلها وانا أطبقها وهيه تتفرج فيه  وانا طبقت الدولاب كله  وهيه انتفخت شوي وتنفجر خلعتني وربي قلتلها ليش انتي زعلانه أنا لازم أقولك كذا الشغل انتي جيتي تشتغلي وانا أوريك شغل كيف ابغاه ماترد
ونزلت دولاب بناتي وأقولهاطبقي البلايز شوي صغيره علشان يكفي الدولاب  وطبقت نصها وانا اوريهاتعاند وتطبقها كبيره والبناطيل حويسه فوق بعض لهدتني  وقلت لها انتي ماكنتي اول تطبقي ملابس والله انا ماني عارفه اللي كانت تشتغل عندهم ايش كانت تسوي لاتعرف تكنس ولا تغسل انا اللي علمتها الظاهر شكلها ترعى غنم
وجلست اطبق وهيه تتفرج فيه بعد ماخلصت من الدولاب رحت الم واكنس غرفتي لأني ماخليها تدخلها ورجعت لقيتها طالعه من غرفة أولادي والغرفة  والصاله حايسه وهيه حاطه كرسي وجالسه بالمطبخ  لميت الغرفه والصاله وهيه بتنفجر كله علشان وريتها كيف ترتب الدولاب 
وتعرفون هذول مالهم أمان وزوجي خاصمني يقولي لاتكلميها مؤ ناقصينها احنا 

وماني عارفه كيف اتعامل معاها واخليها تفر فر بالبيت  
بيتي مره صغير الصالون مقفل مافي غير غرفتة أولادي  والصاله والمطبخ وغرفتي أنا اللي أرتبها واكنسها
الصراحة الشي الوحيد اللي نفعتني فيه الكوي وغسيل المواعين وعارفين الشغل كثير وجات المدارس والله العام لما سافرت شغالتي كنت مالقى وقت أذاكرلبزورتي 24 ساعه وانا ابرم في البيت وانا من النوع اللي احب البيت يكون مرتب ونظيف على طول واشيل هم اي شي مكركب في البيت مره تعبت
ايش رايكم همن كذا الاثيوبيات كسولات ولا يتعلمون ولا فيه امل تفهم وتتعدل
 والاخلاق الصراحه تطالع بنص عين ماتدرين ايش جواتهم وزجي يقولي خلينا نرجعها قبل الثلاثة شهور ونجيب غيرها  بس اناكرهت هالجنسيه مره مؤ مريحه وماني عارفه ايش اسوي 
ايش رايكم اخليها وممكن تتعدل ولا شكلها بتكمل الثلاث شهور وتقولي بسافر امس قالتلي بكلم اولادي وانا اشتريت لها بالعيد بطاقه وخليتها تكلمهم في. العيد وبعده وجبتلها كمان  ثاني قلت حرام وكلمتهم وشوي تبكي واقولها ايش فيك تقول ماما مريض قلتلها مع ليش الله يشفيها كله ناس مريض  ومبين انها حجه بتسافر واليوم أمي تقولي شغالتك تسالني تقولي فين جده بعيد ولا قريب وكم ساعه وبالسيلره ولا طياره 
أمي على نياتها جاوبتها
قلت شكلها عندها نيه تهرب  الله المستعان