بناات جدة الله يخليكم محتاجة مساعدتكم محتارة أي مدرسة أدخل

والله تبين رأي مافي زي مدارس البيان وبس
الحلو فيها انهم تعليمهم تكنولوجي وهذا نادر في اي مدرسه تلاقيه ومرتبين ومنظمين
والكل يمدحهم
وزي انتي ماقلتي عندهم ربوت واشياء حلوه تسلي تخلي التعليم حلو
بس المشكله انتي تقولي بعيده
اذا مره مره ماتقدرين وبعيده روحي اكيد الاندلس

شكراً على لطفك حبيبتي =)
يسعدك ربي يالغلا ^^" بس دحين لو سجلت بالباص روحة
ورجعة حادووخ وحيوصلني آخر وحدة على البيت لأنه بيتي
بعيد ؟ لأنه بابا متخوف من دي الناحية ومافي أحد يوديني
إلا الباص فإيش الحل بنظركم ؟

جيبي سواق وخلي امك تكون مع السواق وتجي تاخذك وتوديك للمدرسه
او روحي لمدرسه قريبه منك

حبيبتي ارتقاء
توهم نقلوا في مبني جديد خلف حراء افينيو هاذي اول سنه لهم هناك مررررره روووووعه

حبيبتي أنا ما يهمني المبنى قد ما يهمني طريقتهم في التدريس خصوصاً مادتَيْ العلوم والرياضيات أنا أبى مدرسة يعلِّموا الطالبات بالتجارب العلمية وبإحضار المجسمات وبالأنشطة وبالرحلات التعليمية ( لمتحف ، لنادِ علمي ، لواحة علمية ، لمكتبة ) كمان أبغاها تهتم بالموهوبات مدرسة تخصص فصول للموهوبات وتهتم فيهم وترعاهم رعاية سليمة وتشجعهم على طرح الأسئلة وإثارة الفضول العلمي مو تحبطهم وتدرِّسهم بالحفظ والتلقين ، ولا تتساهل معاهم بالدرجات والتغشيش والدَّف ، ولا أبغى مدرسة تسمح للطالبات إنهم يتكلموا في الفصل والمعلمة ماتقدر ترفع صوتها عليهم ، فهمتي عليَّ قلبوو فهل " عالمي الممتع " فيها كُــــل داا ؟؟!