[ بِريـــKـطآنــUــيآ تِجمعنآ .. بنآت بريطآنيآ الحلُوآت مَلفكم الـ19 ينآآديِكمممم ]

متابعة النقاش، صفحة 269

شاركي في النقاش

سجلي الدخول لإضافة تعليق.

التعليقات

2,006

  2. @gn_oakhtha

    سكر بنات
    السلام عليكم ورحمة الله وبركاته ,, وشلونكم بنات وش اخباركم ,,اشتقت لكم ,,,بس والله اشغلتنا الدنيا والعوده الى الروتين ...وتوي افكرررررر بخرابيطنا ببريطانيا الله يذكر زميلاتي بالخييير ..ويعيد الايام الحلوه ..
    السلام عليكم ان شاء الله تكونو بأحسن حال استفسار احصل صبغه الحواجب هنا وياليت كتابه الاسم وماهيا احسن نوع في تشقير الحواجب مشكوووورين مقدما

  3. @dndon_mama

    صباح / مساء الخيرات
    كيففكم ان ششاءالله طيبين
    المهم بدخل في الهرجه ع طول انا الحين في استراليا وان ششاءالله راح نجيكم وبالتحديد نيو كاسل ومو اكيييد اهم ششي ببريطانيا بس يعني احتمال كبير كنا نفكر بماشستر بس مدري وين الخيره لنا ... المهم حبيييت اسالكم عن الدراسه هناك انا درست لغه بس ماخلصتها حملت واخذت اجازه والحضانات والمطاعم الحلال والسكن وووووواهم ششي ماتكون المنطقه كئيبه:(
    و زوجي بيدرس كيمياء اذا احد يدرس كيمياء او يعرف احد يدرس بااي منطقه تقولي كيف الوضع وياليت لو اتعرف ع اي وحده تديني ايميلها وشاكره لكم تعاونكم:26:

  4. @am_dhomy_alhlo

    دندونة ماما
    صباح / مساء الخيرات كيففكم ان ششاءالله طيبين المهم بدخل في الهرجه ع طول انا الحين في استراليا وان ششاءالله راح نجيكم وبالتحديد نيو كاسل ومو اكيييد اهم ششي ببريطانيا بس يعني احتمال كبير كنا نفكر بماشستر بس مدري وين الخيره لنا ... المهم …
    العفو وياك يا رب
    أجل دامهم صغار دوري في هالمواقع وغيرها
    واسألي مدرستهم وهذا أفضل أذكر نخلي ولدي ساعة بعد الدوام
    كان ياخذ كلاس دراما بس تراه مرة في الأسبوع وكل نشاط له طريقته
    مرة كان ينبسط



    ايييه يا نيوكاسل مدينتي الجميلة :hearts:
    أفضلها على مانشستر رغم ان مانشستر أكبر وأقرب للندن
    لكن نيوكاسل مدينة هادئة ملمومة مرتبة والمواصلات فيها جميلة زي باقي مدن بريطانيا
    لكن فيها مترو ومو كل مدن بريطانيا فيها هالميزة

    من ناحية الدراسة والحضانات ماعندي فكرة الحين لأني رجعت نهائي من سنة
    بس ممكن تحددون المنطقة اللي تحبون تسكنون فيها وتشوفون الحضانات القريبة منها أو القريبة من جامعتك

    من هالمواقع تقدرين تدورين على حضانات

    هذي كلمات البحث في قوقل وماشابهها
    playgroup
    Childcare
    pre school day nursery حضانة ماقبل عمر الدراسة
    childminder حاضنة = سيدة تعتني بولدك في بيتها وطبعاً لازم يكون لها شهادة ومرخص لها
    baby sitter جليسة أطفال تجي في بيتك وما أدري لو تندرج تحتها مهمة انك تودين الطفل لبيتها



    http://www.daynurseries.co.uk/

    http://uk-nurseries.com

    http://www.kidsunlimited.co.uk/find-nursery.aspx

    http://www.direct.gov.uk/en/Parents/Childcare/index.htm

    وهذا الموقع أنصح فيه كل البنات
    موقع اليلو بيجز الأوراق الصفراء تعرفينها اللي تجي في دليل التلفونات حقت الخدمات ..
    http://www.yell.com/s/day+nurseries-newcastle+upon+tyne.html

    تكتبين فيه أي خدمة تبحثين عنها وتحطين اسم المدينة وتطلع لك النتائج بالتفاصيل كاملة
    هنا مثلا مطلع لك أسماء الحضانات ولما تدخلين في التفاصيل يجيب لك موقع الحضانة ورقمها وتستقبل أي عمر
    ووش المرافق وموقع الحضانة الإلكتروني وغيره من معلومات

    وهذا الموقع جميل اكتبي فيه اسم حضانتك ويعطيك تقييم الناس عليها
    http://www.ratemy-nursery.co.uk/

    هنا حقت نيوكاسل لكن ما أشوف تقييم عالحضانات روحي انتي شيكي
    http://www.ratemy-nursery.co.uk/directory/nurseries/tyne-wear_c119/

    على فكرة المنطقة اللي فيها نيوكاسل اسمها Tyne and Wear


    والدراسة فيه معاهد لغة
    معهد اسمه انترناشونال هاوس
    http://www.ihnewcastle.com/
    كثيييير درسوا فيه وأي أحد يقدر يدخله ما يبي له إجراءات معقدة

    والثاني إنتو تبع جامعة نيوكاسل
    http://www.intohigher.com/uk/en-gb/our-centres/into-newcastle-university.aspx

    هذا المعهد درست فيه في 2009 وكان رائع صراحة عن نفسي استفدت
    وبعض الطلبة ما حبوه يمكن مجربين أفضل منه أو ما أدري وش المشكلة صراحة
    نسيت إجراءات الدخول
    بس اللي حمسني له انه لو تجيبين فيه درجة القبول حقت القسم اللي تبغينه خلاص يغنيك عن الآيلتس
    الكلام هذا من كم سنة ما أدري لو تغير الوضع الحين

    وأظن فيه معاهد ثانية ..
    الدراسة تعتمد على جدية الطالب أشوف مستوى الطلبة متفاوت صراحة
    المطاعم الحلال والأكل الحلال متوفر بكثرة في نيوكاسل الحمدلله
    السكن فيه أحياء جميلة و طبعاً حسب رغبتك تفضلين شقة في عمارة مأمنة
    أو بيت مع حديقته أو أو

    هذا موقع تقدرون تدورون فيه سكن
    http://www.rightmove.co.uk/

    وهذا بعد
    http://www.findaproperty.com/

    المنطقة يبي لكم تسألون أكثر وتشيكون في النت مكتوبه معلومات كثيرة عن المدينة من ناحية الأحياء المريحة وغيرها
    حنا كنا في كنقستون بارك
    kingston park
    ومرة عاجبني وموقع بيتي كان قريب من المترو اوصل له في 4 دقايق تقريباً
    والميزة اني ما أسمع إزعاجه يعني مو لاصقة فيه

    بيوتهم الستاندرد بشكل عام بيت صغير دورين
    الأول فيه صالة وغرفة طعام ومطبخ
    والثاني 3 غرف وحمام .. حمام واحد فقط للبيت
    هذا الأغلب وممكن تختارون وتدورون بتلقون بيوت أكبر وفيها حمامين وكله بحسابه
    أذكر أنا وأغلب صديقاتي نفس البيت وتقريباً نفس التصميم .. الإختلافات بسيطة مرررة

    طريقة هالبيوت مو بس في نيوكاسل شفتها في مدن ثانية

    حينا كان جميل وفيه مرافق حلوة وسوبرماكت اسمه تسكو مرة كبير
    ومجموعة أسواق تابعة للحي نوصلها مشي أو بالباص حسب وش يريحك
    إذا عندك أطفال في عمر الدراسة .. الحي فيه مدرسة من الروضة عمر 4 سنوات إلى سادس إبتدائي
    المدرسة مميزة جداً وأخذت جوائز على مستوى المنطقة
    السعوديين كثار في هالمنطقة لأن كان مقر المدرسة السعودية فيها بس أظن الحين نقلوا

    الحي الثاني اللي فيه برضه سعوديين ومرتاحين له اسمه قوسفورث وفيه محطة مترو بعد
    وفيه خدمات زي حينا وأذكر يقولون مدرستهم حلوة

    حي فانام حي مليان مسلمين من باكستان وغيرهم وفيه محلات حلال كثيرة وبقالات إسلامية
    بشكل عام السعوديين ما يفضلون المنطقة أذكر يقولون انه زحمة والبيوت قديمة
    لكن زميلتي تقول كانت ساكنة بيت حلو ونظيف والحي آمن جداً

    هذي فيها تساهيل من الله طبعاً تلقين الحي ناس تمدحه وناس تسبه أوقات يفرق شارع عن شارع
    ويفرقون الجيران يا يخربون جوك يا يصيرون متعاونين
    أذكر جيراني كان معظمهم كبار في السن محترمين مرة
    وصديقتي جيرانها كانوا مراهقين ومأذينها
    يعني مافيه قاعدة عامة

    انتي ادعي ربك ودوري زين
    وخذوا بيت 6 شهور فقط وشوفوا بعدين لو أعجبكم أو تغيرونه


    بالنسبة للتواصل راح أرسل لك إيميل قروب بنات نيوكاسل عشان تشتركين فيه
    وراح أرسل لك معلومات تواصل ثانية ان شاء الله تفيد زوجك

    وأي سؤال لا تترددين وارسلي لي عالخاص وان شاء الله أقدر أفيدك

تابعي تجارب أخرى من هذا القسم.