السلام عليكم ورحمة الله وبركاته
هذي اول مشاركه لي اتمنى تعجبكم
جبت لكم مندي بالفرن خطييير
وطعمه رهيييب اخذت طريقته من صديقتي
بصراحة انا جربت كم طريقه للمندي
وهذي للامانه احلى والذ واسهل طريقه
تتبيلة الدجاج
(انا استخدمت دجاجه كبيره بالجلد ضروري
عشان يتحمر الوجه وماتنشف الدجاجه )
1) نخرم الدجاج بالسكين خرم صغيره عشان تتدخل التتبيله
2 ) نتبلها بــــ
(3ملاعق كبيره زيت +ملعقه صغيره بهارات مشكله
+ملعقه صغيره خل + ملح حسب الرغبه +
هرد (كركم) +ملعقه كبيره ثوم +
شويه من بودرة صفار الزعفران) نخلطها في زبديه مع بعض
3) ندعك الدجاجه بالخلطه كووويس من جوا وبرا
واهم شي تزبطوا الملح
ملاحظه :
* البسوا جونتي لما تدعكوا الدجاجه
ولا أيدكم راح تنعدم باللون الاصفر وماراح يروح بسرعه
* ممكن تستغنوا عن بودرة صفار الزعفران وتكتفوا بالهرد
صديقتي جربته وتقول حلو
نجي للرز :
1) انا سويت كاستين ونص ممكن تحطوا ثلاثه او أكثر على راحتكم
2) اغسلوه كويس ولازم لازم لازم يتنقع في موية حاره لمدة ربع ساعه تقريبا
طريقته :
نحمسه في الصينيه اللي بندخلها الفرن
ولازم تخلوا مجال لنفشة الرز يعني صينيه متوسطة الحجم
1) نحط زيت +حبه بصلة كبيره ومقطعه + ملعقه ثوم
2) نضيف حبوب (هيل + كمون + قرفه + فلفل اسود )
ونتركه على نار واطيه ونخلي البهارات تتحمس مزبوط
وماينفع تحطوه البهارت مطحونه لازم حبوب زي الصوووره
3) نضيف مكعب مرقة ماجي + ملح ونطفي الناااار
4) نضيف الرز المنقوع والمصفي عليه
5) ونزود موية حاااره
عليه بأرتفاع 2 سم تقريبا او اصباعين بس زي الصوره
6) نتأكد من الملح ولو احتاج زودي
7) نغطي الرز بطبقين من القصدير ونخرمها
عشان البخار يطلع للدجاجه ويخليها تستوي
(ليش نحط طبقتين عشان يتحمل وزن الدجاجه
وماتغمر في المويه ) شوفوا الصوره
8) نحط الدجاج المتبل ونغطيه بطبقه ثالثه من القصدير
واقفليه مزبوط زي لصوره
وهنا بعد ماحطيت الطبقه الاخيره
يتبع لاحد يـــــــــــــــــــرد
