أنا وبنتي والجنوووون يجمعنا تكفون حلولكم عجزت أفهمها بهالعمر كيف لو صارت مراهقة!!!!!!

انا بنتي موتتني بالجزم هي تبي تختار جزمتها والمشكله تختارلي جزمه بوت وشتويه وكلها فرو مع فستان صيفي يطلع الشكل تووحفه ههههههههه
ولا تعاند تبي تنزل بالشارع حافيه بالطيب بالقوه تبي تنزل حافيه
برضو البجامه معلقه ع بجامه ماتبي غيرها تموتني مالبست بجامتها تبكي تبي البجامه الثانيه
هم بهذا العمر الله يصلحهم فيهم عناد

والله بنتي كانت نفس الشي ولحد الحين اخد ساعه الى نص ساعه بالتلبيس صرت ذا بطلع البسها من بدرررررررررررررري

بس كبرت وبدت تتغير لاني مره قلت لو ماخليتيني البسك راح اروح واخليك مع الشغاله طبعا رفضت لبست عبايتي وطلعت لجارتي الي جنبي
جلست ساعه ورجعت بس بعدها اتأدبت شوي

الله يصلحهم

السلام عليكم...

ممكن مثل ما قالوا الامهات مجرد مرحله وتمر ..و معروووف ان الاطفال يمرون بمرحله عناد و تعدي...بس بعد بهالعمر

مايقدرون يعبرون عن انفسهم بشكل واضح ...فمن باب الحيطه فقط انتبهي لبنتك و شوفي اذا انتي تحطينها عند خادمه او كذا

فتره طويله (اذا كنت موظفه مثلا) ..ممكن احد يعلمها حركات او تلميحات او شي زي كذا اللي يخليها تكره وقت تغيير الحفاض كذا..

اختي مابي اخوفك لكن انت تاكدي عشان تتطمنين و بعده تتعاملين معها بالطريقه الصح..

الله يخليلك البنوته و يحفظها و يجعلها من عباده الصالحين و تشوفين منها ما يسرك...

الله يعين من هالبزارين ويصلحهم يارب

حبيبتي بنتك شخصيتها قوية لا تكسري لها هذه القوة خليها هي تختار ملابسها ما فيها شي او خيريها بين خيارين وقولي لها اي تحبين نلبس؟وبالنسبة للبامبرز هذه علامات ان بنتك مستعدة للتخلي عنه اقرأي في النت فعليك ان تبدأي معها ولن تعذبك في الموضوع لانها ماشاء الله شكلها ذكية الله يخليها لك