صديقتي او الي كانت صديقتي السبب في حزني ساعدوني بلييز

انا الحمد لله كانت علاقتي معها احاول ارضي الله سبحانه وتعالى فيها يعني كل كلمة اقولها لها اراعي الله فيها حتى هي قالتلي انتي غيرتي حياتي وكان لي تأثير كبير في حياتها بس الظاهر هي ما يبين في عينها.... انا ان شاء الله راح احاول اخلي العلاقة سطحية معها واحاول اكثر علاقاتي مع البنات ومثل ما قلتي اذا راحت هي في الف بدالها انا مو زعلانة عليها انا زعلانة على نفسي واعتقد ان هذا الي بيرحني ان شاء الله اني اخلي العلاقة رسمية ومصالح لا غير

والنعم بالله انا كل يوم قاعدة ادعي الله واستغفر ان الله يريح لي نفسي ويدلني على الصواب .... ومثل ما قلتي طنش تعش تنتعش






والله يا حبيبتي انه اكثر من مرة صارت مشاكل بينا كانت تقولي خلاص تبين تنهين العلاقة اقولها لا انا ما راح انهي العلاقة الي بينا على اشياء تافهة ومستحيل اسوي هالشي بالعكس انا الي كنت احافظ عالعلاقة وصدقيني اكثر من مرة حاولت المح لها عن الموضوع كانت تسكر الموضوع وتتهرب وتقولي خلاص لا تفتحي هالموضوع ومرة قلتلها وطلعتلها كل الي بقلبي وثاني يوم ما شفت شي نفس الحالة وانا وقتها عاد فهمت انه وجودي وعدمه في حياتها واحد وهي مرة قالتلي انها وصلت لمرحلة خلاص الي يزعل يزعل والي يرضى يرضى وانها بطلت تهتم يعني بطلت افرق معاها طبعا قالت بطريقة غير مباشرة لكن انا فهمت انه عني وانا الصراحة مستحيل اذل نفسي لاحد الي يبيني يبيني والي ما يبيني مع السلامة ومن بعدها خلاص ما حاولت افتح معها الموضوع ابدا لان الرسالة وصلت...وهي اكثر من مرة وقت ما ابتعدنا عن بعض كانت تقولي انتي غير عن البنات انتي تفهميني وتفهمين مزحي وهم لا ما يفهموني حتى احسها احيانا تقولي اشياء ما تقولها للبنات كنت احسها تحب تقضي وقت معاي وتقولي شنو صار معاها لانها تعرف اني افهمها وهي تثق فيني وتعرف انه مستحيل اطلع شي بره بس انا ما عجبني هالموضوع لاني احسها تجيني وقت المصالح بس وانا ما احب احد يعاملني بهاي الطريقة

رفع

حبيبتي انتي بشخصيتك فرق عن صديقتك انتي تحبين الصديقة اللي تداريك وتسولف معاك وتدور عليك وتشغل وقتك بأسلوبها وصديقتك اهي اللي تكون صداقات وتحب تسولف مع البنات واجتماعيه اكثًر منك،، انتي لازم تغيرين من شخصيتك شوي شوي مثلاً مثل ماانتي تحبين صديقتك تسأل عنك لازم انتي تسألين عنها ،، مايصير لما تزعلين الناس تراضيك ولما احد يزعل منك تقولي عندي كبرياء وانا ماأحب احد يعرف مشاعري؟؟ يمكن كلامي جارح شوي بس انا انصحك مثل ما أنتي تشوفي عيوب صديقتك اقعدي مع نفسك وشوفي عيوبك وعدليها بشي احسن لشخصيتك ،، ولا تقعدين تأنبي ضميرك على شي وتنسين تشوفين اسلوبك،، ممكن كتمانك لبعض الاشياء يخلي صديقتك تتغير عليك وانتي تأثرتي وحطيتي في بالك ان الغلط بس منها مو منك انتي ،،، حاولي تكوني علاقات مع صديقات جدد ويكونوا كذا بنت ويكون الحوار مع بعض افضل من انك تكوني بروحك ولوحده بس وتتأثرين لما تبتعد عنك ،،، والصداقه الافضل والاحسن في هذا الوقت انك صديقتك امك او خواتك ولو تكونً من المدرسه تكون في حدود الصداقه اللي ممكن تتغير من اي شي والصداقه الحقيقية انك مثل ما الصديقة تلتمس لك العذر وتداري مشاعرك لازم انتي تدارينها وتسألي عنها لما تتغير مو تتركينها وتقولين ليش تغيرت علي؟؟؟ وهذا مثل يقول :: اللي يحبك دوم يعاتبك كل يوم ،،، عاتبي صديقتك وحاوريها بموضوع اللي مزعلك عشان تتصافا النفوس وتفتحوا صفحه جديدة واذا كان داخل قلبك شي ولا اهي في قلبها شي بدون العتاب ماراح ترجعون عدل ،، وانتبهي لدراسك اهم شي والله يحفظك

أنا مع كلام الأخت روح الورد الجوري ..

فعلا لازم تحاولي تغيري من شخصيتك شوي .. حبيبتي
أحب لأخيك ماتحب لنفسك ..
وحطي هالشي في بالك ..على قد ماتعطي وتتنازلي راح تاخذي .. وكل واحد حياخذ على قد نيته
حاولي تحسني الظن فيها وفي تصرفاتها ولاتخلي الأمور الصغيرة تأثر على صداقتكم

مايصير تحكمي على كل الأشخاص انهم حقيرين وانهم مايقدرو الشخص بمجرد مايصير أول موقف
بالعكس موقف عن موقف يختلف ...
لاتخلي فشل صداقتك مع صديقتك الأولى يأثر على شخصيتك ويخلي عندك نوع من الكبت الداخلي
بالعكس .. لازم تعودي نفسك على تقبل الأمور لأن الحياة كذا ومافي انسان يخلو من العيوب
أحيانا البعض يزل بكلمة ... لازم تسامحي عشان يسامحوك
وتعامليهم زي ماتحبي انهم يعاملوك
فربمــا المرة الجاية يكون الغلط عليك وماتلاقي احد يغفره لك

في مواقف لازم تتغاضي عنها .. لأنها تافهة وماتستاهل تقطعي اللي بينكم عشانها
وفي مواقف تحتاج منك وقفة جادة لأنها تجرح بالفعل ...



الحل الوحييييييييد لمشكلتك هو الصراحة

المفترض ماتكوني شايلة كل شي بقلبك ... بتتعبي نفسك زيادة
اجتمعي معاها في وقت مناسب ..
صارحيها باللي في خاطرك وقوليلها اللي بقلبك واختاري كلمات لبقة مؤدبة وأسلوب راقي
صدقيني ... حترتاحي وربما تسمعي منها كلام يريحك وترجع علاقتكم مثل أول واحسن
لازم تصفي نفسك واللي في داخلك .. عشان ترتاحي

حتى لو كانت صراحتك حتسبب قطع علاقتك بيها نهائيا ...
يمكن تزعلي وقتها .. لكن ماحتندمي انك صارحتيها
بالعكس حترتاحي كثيييييير

وصدقيني اذا هي عزيزة عليك ماراح تزعلي منها .. وحتصفي قلبك لها
ولو هي تعزك وتعتبرك كأخت راح تتمسك بك أكثر ... وما حتقطع صلتها فيك

أخيييييييرا ياقلبي ... واسمعي نصيحتي
غلبي جانب حسن الظن فيك ولاتخلي مجال لوساوس الشيطان انه يدخل بينكم ويفرقكم
انت لسه صغيرة حاولي تأقلمي نفسك مع اللي حولك وتحاولي تواجهي مشاكلك
ومو عيب تستشيري اختك او امك فيها
اذا موقف من صديقة خلاك تبكي كل يوم وتتأزم نفسيتك وماتبغي تبيني ضعفك لها !!
كيف حتسوي بكرة لما يكون عندك زوج وبيت وأطفال ومسؤولية ؟؟؟
كيف حتتحملي كل هالضغوطات ؟؟
ترى الحياة مو سهلة .. لكن بالمرة ماتقدري تستسلمي لضعفك ..
لازم تواجهيها بقوتك ... وتحاولي تتماسكي

الله يوفقك يارب ... وييسر أمرك ...