سفر الزوج مع الاصدقاء

السلام عليكم
اخواتي..ابي مشورتكم بالموضوع لانو تاعبني صراحه..زوجي وده يسافر مع اصدقاءه واصدقاءه ناشبينله حسبي الله عليهم تعال معنا تعال معنا .......وانا اكيد ماودي بس الحين صارلنا سنتين وانا اقول لأ..لاني اغار عليه وانا واثقه فيه كثير بس مو واثقه بلي معه..
هل انا صح او غلط؟؟ هل المفروض اخليه يسافر عادي ؟؟ هل انتم تخلون ازواجكم يسافرون مع اصدقائهم ؟؟ اذا تميت على كلمتي لألألألأ هل يطفش الزوج ويدور بديل ..؟؟
الله يخليكم جاوبوني لان السالفه كل مافتحناها نتخانق وابي اعرف الناس زيي والا انا غلطانه والا هذا من حقه يرفه شوي والا وشووو ..



ياليت تتفاعلون مع الموضوع عشان نستفيد وتستفيدون انتم لان اكيد في كثييييييير بنات نفس المشكله وياريت يا أم عمر تشاركينا لانو يهمني رايك بالموضوع:26:

25 تعليق 7,776 مشاهدة

شاركي في النقاش

سجلي الدخول لإضافة تعليق.

التعليقات

24
  1. @shtha_alorod_2

    والله ياأختي صار لي نفسك بالضبط قبل فترة ونزلت موضوع استفسر والكل نصحني اني مااخليه اسافر لوحده وفعلا اصريت على موقفي والحمدلله الله هداه وغير رايه لكن انا هذي اول مره يفكر بها الشي لكن انتي تقولين انها مو أول مره .. بس ليش ماتروحون مع بعض..
  2. @aanady_1

    قل لي من صديقك اقل لك من انت..

    اذا اللي بيسافر معاهم ناس ضايعه ولها سوالف خرابيط وصياعه ..

    فامسكي فيه بايدج واسنانج ..ولا تخلينه يوطوط وياهم..

    حتى لو انج واثقه فيه...بس كثر الدق يفك اللحام ..وان شافهم يسوون كذا وكذا بيستنكر الموضوع فالبدايه

    بعدين بيحب يجربه من باب الفضول عقب سلمي عليه...

    قولي له تبي تسافر رجلي على رجلك..

    وعاد انتي لا تسوين مناحه تدلعي عليه

    قولي له اذا سافرت انت انا بموت ...واحس ان بيصير فيني شي..وبيني له انج ما تقدرين على فراقه وانه سالفه سفرته مع ربعه هذي كبيره ..

    والله يسامحك اهون عليك تروح تستانس وانا هني اتعذب وكل ليله ابكي ..ووو

    واهم شي ركزي على كلمه "انا حاسه ان بيصير شي في هالسفره الله يخليك لا تسافر..مب مرتاحه "

    والله ان الرجاجيل ترى يخافون من الحاسه السادسه اللي عند الحريم ..

    حبيبتي...حاولي تخلينه ما يسافر بس باللين لان لو جيتي له عن طريق العناد بيعاند فيج وبيسافر ..

    والله يوفقج
  3. @bsat_alryh

    والله على حسب الاصدقاء
    اذا هم صالحين وفيهم خير وسفره داخليه فخليه يروح يرفه عن نفسه ويرجع وهو مشتاق لك
    اما اذا كانو العكس فلا والف لا ومثل ما قالت لك الاخت يمكن يتأثر فيهم
    وهنا عوضيه انت بجلسات وسفره تنسيه اصحابه كلهم
    بس لا تعانديه خذيه بالدلال واللين وادعي الله انه يكتب الي فيه الخير ويكفيه رفقة السوء
  4. @am_alaayal_1

    اخخخخخخخخ

    منو الرجال اللي بيسافر وتهون عليه حرمته مااافي بالزمن ذا

    واحلى شي لما يقولون ابي ارفه عن نفسي مضغوط

    استغرب انت مضغوط مثلا وانا حيط

    والله مدري شنو اقول انا وزوجي دايم نسولف بذا الموضوع يقول ابي اسافر اقول له درب
    اللي تودي ما ترجع يقوم يسكت مع اني اموت بتراب الارض اللي يمشي عليه

    انا من يوم كان يجيني خطاب منهم طيارين كنت ارفض اقول رجال يساافر لا

    مو عدم ثقه لا بس الدنيا صارت تخوف شرب وسكر وبنات وكلااام فاضي وناس عرايه الله
    يستر علينا
    اتمنى انه تكثر المشاركات عشان نستفيد من بعض وابي انصح الاخوات نصيحه لا قال لك الرجال انه بيسافر لا تعاندين قولي بالبدايه روح الله معاك

    بعدين حنني قلبه عليك بكم كلمه وانشالله يمشي الحال وما يمسك راسه

تابعي تجارب أخرى من هذا القسم.