انا خايفه من ربي ( هل انا مذنبه بحق زوجي ) / استوفى الردود

قسم بالله لو مات راح تحني له وضميرك راح يعذبك اللوم مش عليه اللوم على اهللك اللي جبروك وغصبوك علية يصحيك للكلية ويهاوشك اذا غبتي وين تلقي مثله يعني حريص على مستقبلك اكثر منك انتي والدنيا قصيره راح تشوفي كيف ربي راح ينصره عليك لا تقولي انا مجبورة خلاص اهلك رموك عليه وانتي انصعتي للواقع اذن عليك طاعة زوجك وعلى ايش شايفة نفسك يالطيف الطف مصيرنا جميعا لحفرة ضيقة

انا حاسه فيك ---------واذا ماخاب ظني انتي في الثلاثينات من عمرك
لان انامريت بذي النفسيه
بس بقول شي -------------
غسل ملابسه والاهتمام باكله ودواه ------ماراح يتعبك واسمك قمتي بواجبه
واللي بقلبك ماراح تتحاسبين عليه لانك اصلا ماتملكينه
الله يعوضني واياك بنعيم الجنه امين

لاحول ولاقوة الا بالله
مايبيلها كلام اكيد عليك ذنب
الله يسامحك بس

بس لنكن واقعين حتى الزوج ماله ذنب

الذنب ذنب اهلها بالكامل هم اللي اجبروها وغصبوها فليه تذنب بالشايب

وبصراحه يابعاد نصيحه اخت دامه شايب مايفكر باي علاقه حميميه على قولتك

حاولي تضبطين العلاقات الاجتماعيه كيف باقولك

بمعنى لبسه واكله وغرفته يكونو على سنجه عشره مو عشان الناس

عشان ضميرك انتي وعشان ربي يرضى عليك والاحاديث في طاعه الزوج كثيره

انا خايفه عليك ومن محبه اقولك دام ضاع عمرك بدون ارادتك حاولي الجاي يكون افضل

وحلو انك جامعيه ربي يرزقك بوظيفه تغنيك عن الكل وتساعدك على القيام بواجبات عيالك

عيالك لازم تربينهم على محبه ابوهم تكفين لاتزرعين فيهم عدم المبالاه لانهم بيتطبعون من طبعك

اذا هو متعود ومو مبدي اي ضيق من حركاتك اتوقع ماعليك ذنب بس اذا متضايق طبيعي عليك ذنب


بس بجد ليش دايم الرجال اذا حرمته ماعطته وجه يحبها ويداري مشاعرها واذا بينت له حبها واهتمت فيه يشوف نفسه عليها ويدور غيرها ؟سؤال محيرني هههه