المحرومات من الذريه كيف عايشين حياتكم.

ياختي انا مثلك متاخره لي 9 سنوات الحمدلله على كل حال ..تصدقين تمر علي ايام ابكي طول اليوم الحرمااان صعب صعب بالحييل ..قلبي يتقطع المآآ وانا اشوف السنين تمر وانا وحيده والعمر يجري وفرص الحمل تقل كل ماكبرت المرأه ..ويتقطع اكثر لما ازور نفاس وتطلع لي هي وولدها تخبيه عني او تجيبه وتبعده عني وتغطي وجهه عشان ماشوف شي منه ..هنا تخنقني العبره حتى صوتي يختفي وانا احاول اكتم في نفسي لين اروح البيت وابكي لين ارتاح ..:( واخر شي قررت ماعاد ازور اي وحده نفاس,,
ومن اصعب المواقف اللي تمر علي لما ينقصني شي ف البيت او لما يجوني ضيوف وينقص علي شي غير انا اروح للسوبرماركت اللي جنب البيت عشان اشتري الاغراض ..دايما اقول لو عندي اطفال ارسلهم لكن الحمدلله على قضائه وقدره\

والله ان من اعظم النعم في الدنيا هذي الذريه يامهات احمدوا ربكم على هذي النعمه ليل ونهار نعمه عظيمه لماتشوفين اطفالك يلعبون حواليك ..لما تلبسين هذا وتأكلين الثاني ..ولما تشوفينهم يكبرون قدام عيونك ..

بالنسسبه كيف تقضين وقتك انا انصحك وانصح نفسي اولا بالتقرب الى الله وحده واشغلي وقتك بالذكر والاستغفار والتهليل والتحميد ..وعندك النت استغليه بالدعوه الى الله انا الحين بديت انزل مقاطع دينيه في اليوتيوب ماشاء الله ..وفيه طرق كثيره للدعوه الى الله عبر النت
.والله اني احيان كثيره احمدالله على هذا القضاء لأنه يزيد ايماننا بالله عزوجل ..

ملفي ادخليه ومواضيعي وشوفي كيف حياتي
الله يعين اكتئاب وارق من الضيقه

لا إله الا الله الحليم الكريم .. لا اله الا الله العلي العظيم ..
لا إله الا الله رب السماوات السبع و رب العرش العظيم ..
لا إله إلا الله وحده لا شريك له ..
له الملك .. و له الحمد و هو على كل شيء قدير ..
الحمد لله الذي لا إله إلا هو .. و هو للحمد أهل .. و هو على كل شيء قدير ..
و سبحان الله .. و لا إله إلا الله .. و الله أكبر .. و لا حول و لا قوة إلا بالله ..

الله يرزقكم الذرية الصالحة

انا لي سبع سنين ، عايشة حياتي بالطول و العرض الحمدلله و كل ما تجيني الدورة اقول الحمدلله ، لاني افكر في غيري ما تجيهم الدورة و انا احس منهم , لما اضعف اتذكر كلام ربنا و في السماء رزقكم و ما توعدون ، ابتسم لانه رزقي عند ربي ،، و ان شاء الله راح اشوف ضنايا ،،
و بالنسبة لزوجي عادي جدا ، و لدرجة اني احيانا استشيره لو جانا اطفال في اي مدرسة ندخلهم و حتى لما نروح السوق اقووله نشتري هذه الملابس و لا هذي ، عادي فلتها على الاخر ، قولو ما شاء الله ،، و ربي يرزقنا اجمعين ان شاء الله ،ن