بنات ليه ثلاث ارباع الحوامل يبون يكون الجنس ولد ليه ليه

المال والبنون زينه الحياه الدنيا
وهالشي مذكور بالقران
فشي طبيعي يتمناه الإنسان
استغرب من بنات حواء ومن هجومهم ع الأمهات الي يتمنون الولد
سبحان الله
الله يرزقني ويرزق كل من اتمنا الولد ياكريم

انا مثلا عندي سبع بنات وزوجي وحيد ماعنده اخوان ولا خوات يارب الي في بطني ولد كامل الخلقه

عشان يستلم العرش بعد ابوه ,,,,,

الدين مافرق بين بنت او ولد بس العادات والتقاليد هي الي فرقت وفضلت الولد وعطته حقوق الدين ماعطاه اياها حتى سواقة السياره محرمه عندنا والصحابيات كانوا يمشون على الدواب ويشاركون في الغزوات مافيها اي شي لكن هنا قالوا ك لا حرام على كييييفهم يحرمون وقديييييييم ايام الفقررررر والبيوت الطين والخيام كان الولد يساند ابوه مثلا الاب يسافر يشتغل يوفر لقمه لاهل بيته والولد يمسك البيت واذا كبر يروح الولد الحين حنا في نعمه البنت تصرف على اهلها وتشتري بيت وتستلف من البنك واخوها يتبطح في البيت هذا العاقل والا يجيك اللي يسكر ويتزوج ويطلق هذا غير اللي مايعرف باب المسجد وينه معه طبعا عادي عادي ولد هذا ناقل عيبه والسواق قدام الباب ولايدري حتى عن اخته وش لابسه ولا وين رايحه يعني اتركوا عنا هرجكم الفاضي ..
والرسول صلى الله عليه وسلم كان يحب بنته فاطمه واذا دخلت عليه يقوم من مكانه يقبل بين عينيها مافضل العيال عليها هذي هي بنت ماقال ابي ولد يمسك الخلافه بعدي !! وبعدين العيال من ظهر الرجال مو من الحرمه وفيه حديث ما حفظته لكن فيما معناه ان المرأه زي الوعاء تشيل الجنين وتنزله فقط اما العيال من الرجال يعني المفروض حنا يالحريم اللي نقول رح شف ظهرك وش فيه مليان بنات انا ابي ولد لكن لان المجتمع مايدري وين ربي حاطه والعادات ذبحتهم شي طبيعي للحين هذا تفكيرهم ..

وابراااء للذمه مو كل الاولاد كذا لكن الاغلبيه وفوق الاغلبيه كذا والبنات قايمات في الاهل تصرف وتكرف تشتغل تروش تلبس ابوها وامها او اخوانها الصغار او المعاقين وتستقبل ضيوف وفوق هذا اخوها يامر وينهى عليها هذا اذا ماضربها وعاااي ولد يقدر يولع فيها لو يبي مو ولد !! والدليل شوفوا المتزوجات وش يعانون ويصبرون على ازواج اشباه رجال للاسف والموظفات اللي كل البيت عليها وتسكككت يعني الموضوع شي قديييم لازال موجود ان الولد سند وعضد وسيف ورشاش لابوه كل اللي اقوله الحمدلله الحمدلله ان ربي متعني بهذا التفكييير ولا خلاني مثل اللي وصلت فيهم حاطين تجمع يبون يحملون في ولد يااااااربي رحمتك للدرجه هذي شي مبكي ومضحك بنفس الوقت لو تجمع يبون حمل صح محد يلومهم الله لايحرمني بس تجمع اجيب ولد هو !!!!

وحبيت انبه ان انا ماعندي ولد عندي بنااااات عشان لاتقولون ماتحسين وماجربتي ومدري وش بعد بس الفرق ان انا تفكيري غييييير عن تفكير الاغلبيه هنا او في المجتمع بشكل عام وهذا من فضل ربي علي ولو زوجي تفكيره غير تفكيري صار علم ثاني لاني مستحيل اكمل حياتي مع واحد متخلللللف اصبر على كل شي الا التخلف والتفكير الرجعي مقدر اجامل فيه ابدااااا ..

اعتذر على الاطاله بس كثير كتبت رايي في الموضوع هذا وياليت واتمنى نرتقي بالتفكير بالموضوع هذا واقول لكل وحده زوجها يضغط عليها تقوله رح شيك على ظهرك انا طبيعيه جدا احمل واولد المشكله في موية ظهرك وتسوي بحث عن الحديث وتذكره له عشان يبلع العافيه ويعرف ان العلم عنده هو مو انتي ..


:)

الله يحسن خلقهم وخلُقهم ويقر عينا فيهم ويعينا على تربيتهم هذا الي نبيه

انا عن نفسي وعن زوجي الحمد لله نموووووووووووووووووووووت في البنوتات وعندي ولد وبنتين
بس الحين حنيت ودي بولد بعد البنتين رغم ان زوجي يقول جعل خلفتك كلها بنات
لان جرب تربية البنت وتربية الولد الله يصلحهم ويديهم ويرزقني بولدين توام لان حمل وولادتي صعبه