وصلــت سـن الثلاثـيـن ،،، راح عمـري ماتـزوجـت(استوفى حقه من الردود

الله يوفقك ويرزقك الزوج الصالح

الله يرزقك الزوج الصالح الحنون وفعلاً طرحك للموضوع يدل ان فيك خيررر مثل ماقالت الاخت

الله يوفقك وتفررحين قريب وتفرحين اهلك

قدر ومكتوب

لا تقولي وين حسن ظن بالله توكلي على الله واستغفري ولا تخلي تفكيريك كله زواج

انا اعرف بنات كثير تزوجوا في ثلاثين ومن رجال ما تزوجوا صحيح مو شباب لاكن عز الرجوولة ومنصب بحكم انشغالهم بعمل

عليكي بدعااءء وثقة بالله ولا تنظرين لنفسك نظره غير اللي كنتي تنظرين فيها لنفسك ..

الثلاثين عزززز الشباب لا توسوسين وانشغلي بنفسك وكملي دراستك وخلي وناستك اهم شي في الحياه ,, كثر التفكير مايودي ولا يجيب

امبيه الله يهديج ليش تفكرين جذي اشدعوه عليج

شوفي اختي انا عمري 34 والحمد الله مو متزوجة واصلا بالعكس الرياييل السنعين قاموا يتقدمون لي وانا بهالعمر صح واحد يكون مطلق او أرمل بس والله أخلاق ووظايفهم سنعة ومكانتهم الاجتماعية معروفة ويحترمون المرأة و يقدرونها و خاصة اذا كنتي انتي مقدره نفسج ولا ترضين بريال وانتي مو مقتنعه فيه علشان ما تعيشين باقي عمرج كله حسافه بحسافه

وبعدين ليش تستخسرين علي نفسج العرس واللبس الابيض والكوشه وانتي اشعليج من الناس اهم شي انتي تستانسين واللي ما يعجبه ما يشوف شر

واهتمي بنفسج و بجسمج والعبي رياضة، انا لازم تمارس رياضة واللي يشوف جسمي و شكلي يعطيني اصغر من عمري ب 10 سنين

وانا أتكلم لج عن مجتمعنا ترا وايد رياييل يهمهم روح المرأة و تفتح عقلها و ثقافتها و ثقتها بنفسها وايد رياييل تشدهم المرأة اللي بالشخصية هذي وفكري اشلون تتميزين عن غيرج بشغلج او بهواياتج

انا عندي هواية الحمدالله تعتبر الاولى في الكويت هذا علي حسب تصنيف الناس المسؤولين عندنا لدعم مشاريع الشباب الكويتي و ياربي لك الحمد فتحت لي مؤسسة وقاعدة اشتغل فيها لمشروعي وان شا الله يارب اتوسع أوصل للخليج ، أمنيتي والله

وعلى فكره انا كتبت هالشي عني لأني صج احتريت عليج وأبي احفزج واحفز البنات مابي اي بنت يقل تقديرها لذاتها و تكون حبيسة أفكار فرضها المجتمع عليها، عيشي حياتج واستمتعي بكل لحظه و دقيقة و حاولي تنجزين شي علشان تكون لج بصمة واذا ربي كاتب لج النصيب السنع راح ايي غصبن عليه


وياليت اللي ما يعجبها ردي لا تعلق عليه لأني ملاحظه في بعض البنات ياساتر لسانها والقبر