السلام عليكم خواتي ..
كيفكم من زمان عنكم بس والله أني أتابعكم بس على قولتهم متابعة بصمت
ياطويلات العمر شورن علي أنا الحمد لله تعينت معيدة وتعرفون من شروط الإعادة الابتعاث طبعا أنا ياخواتي عندي مشكلة أن ابوي مايقدر يطلع معاي لأنه مرتبط بعمله المهم أني فكرت أطلع وتكون معاي أمي وأخواني طبعا واحد بالمتوسطة والثاني بالابتدائي
بس ياخواتي كل صديقاتي انصحوني اني ماأطلع يقولون إذا طلعتي بتكونين علك بحلوق الناس الكل بيحكي فيك وش الي حادك تفتحين أبواب مغلقة عليك
أنا ماأدري أشوف أن هدفي الحمد لله شريف وأني رايحة أتعلم وأخذ شهادة بس مدري أحس أني خفت إذا رجعت ماحد يتزوجني وأخاف الناس يتكلمون علي بالشين
أنتم وشرايكم تراي والله محتارة
تكفون خواتي أي وحده تقرأ موضوعي تشور علي تتخيل نفسها في مكاني
والله ييسر لنا أمورنا ويوفقنا للخير
شاركي في النقاش
سجلي الدخول لإضافة تعليق.
التعليقات
38- توكلي على الله و سافري
الفرصه ما تجي الا مره وحده في العمر
و اذا تتركين الابتعاث عشان الناس لا تلتفتين للناس هو اول و تالي ما تفتكين منهم
و الزواج اذا الله كتبلك تتزوجين ان شاء الله - لا والله مايبغى لها كلام
استخيري وتوكلي على الله
روحي ابتعثي
والله حبيبتي نصيبك بيجييك حتى لو الناس تكلمو عنك
وماشوف فيها شي لو رحتي
هم بيتكلمون لو رحتي لحالك
لكن انتي بتاخذين اخوانك
اذ بتشوفين كلام الناس بتتعبين
ولو عندك طموح مابيوقفه احد
توكلي على الله واستخيري وروحي الله يوفقك
ويرزقك بالصالح - البعثة حبيبتي من غير كلام
وصديقاتك والله من الحسد
استغرب ان تفكيرك كذا وانتي معيدة
هذا وبعد ماجاء المعرس احسبك محتارة بين المعرس والابتعاث
ياحليلك تحسبين حساب
اقولك من تجربة البعثة وانتي مغمضة
وبالعكس بيزيدون خطابك الراقين والمتفتحين واللي عليهم السنع
ويمكن ينشن عليك واحد من هناك
وبكل الاحوال المعيدة لها فرصة طويلة انها تكمل قبل مايحولونها ادارية , يعني اذا مرة خايفة اصبري شوي يمكن يجيك معرس قبل - استخيري
والله يكتب لك الخيره يارب
والزواج قسمه ونصيب وقسمتك ونصيبه محد ماخذها غيرك
يمكن ترجعين وكلا يبيك لأنك موظفه مشاءالله - والله يا عزيزتي هالموضوع يعتمد عليك
أنتي وش هدفك الأكبر حاليا على هالأساس قرري
لو ربي كاتب لك زواج راح تتزوجين حتى لو قعدتي عمرك كله برا
والناس ما تركوا اللي بالقبور في حالهم
أنا معاي ماستر وأمنتيتي أكمل لو حصل لي الفرصتين باختار الأفضل والأضمن طالما ما في أحد تقدم لك كملي دراستك ولا يمر عمرك وتتغير ظروفك ويصعب عليك السفر وانتي تدورين رضا الناس
مواضيع مشابهة
تابعي تجارب أخرى من هذا القسم.