شاركي في النقاش

سجلي الدخول لإضافة تعليق.

التعليقات

792
  1. مشكووووووووووووووووووووووورة الجدول و عالمجهوووووووووووووووووووود يا قوارير
  2. @hnyn_alfhd

    arooma
    مشكووووووووووووووووووووووورة الجدول و عالمجهوووووووووووووووووووود يا قوارير
    السلام عليكم ورحمه الله00

    مساء الخير والاحساس والطيبه00
    اخباركم 00
    ام عبدالرحمن 00
    هاه بشري جات خدامتك والا لسا00
    نونى000
    يارب ان شاء تأكدلى انها بنوته لانى بصلراحه ابى بنت00
    اروما00
    الله يبارك فيك00
    اما بالنسبه لنوم00احس هو نفسه من قبل لااحمل ماتغير شي00انام 1 بالليل واقوم 12 او 11 الظهر00
    ساره00 مشاء الله مشتروات العافيه وتقطعينهم بالعافيه00 ومشاء الله على بنتك تحب الزين00وصابونه جنسون ان شاء الله ابشتريها00 بس هو خواف00

    ضاع اسمى0

    000 اهلين فيك 00سلامتك من الكحه الله يعينك وش اللى شاغلك الله لايشغلنا الا بطاعته00

    اما عن الحركه نفسك احس فيها بجهه اليسار دايم واحيانا اذا كنت جالسه بالارض احس انها تضرب بفخذى00 يعنى لاتحاتين0

    قوارير00
    الله يبارك فيك00 ماتتخيلين وش كثر فرحت بس ماعلمت الازوجى وماراح اقول الاحد ابخليها مفجأه00 والشنطه اللى منزلتها مره حلوه00
    وحمودى ياقلبى انتبهى لايجيه جفاف كثري عليه المويه والعصائر0


    ماميتو لحمادينو00 اليوم موعدها00 وينك من جد نحاتيك00يارب تسمعنا عنك الاخبار الطيبه00
  3. السلام عليكم،
    والله بنات قاعدة احاتي شلون بكمل شغل لي حزة الولادة؟؟؟
    ابي ارتاااااااااااح في البيت ابي انام؟؟
    زوجي يحن علي ليش ماكو.... صارله جم يوم
    ليش مايقدرون التعب والأرهاق الي احنا فيه>>> باط جبدي ودي يحس فيني من غير ماتكلم
  4. @rsyl

    قواريـر
    شخباركم حبيباتي ماماتو لحمادينو حبيبتي طمنيني عليج شصار معاج؟؟ لا تسكتين على نفسج روحي تطمني و طمنينا حنووووونه الف مبروك حبيبتي و يالله السوووووووق ملياااااان وردي ما تنتبهين الا و انتي ماخذه بس ملابس خروج وورديه و المحفظه فاضيه خخخخ…
    السلام عليكم
    شأخباركم بنات؟

    أمس دقت علي مديرتي وقالت لازم أجي يوم دوام زيادة عندي اوراق وتقاريرها ما خلصتها.. :(
    يا فرحة ما تمت! ما صدقت على الله أرتاح وأتمدد وأستانس..ونسقت جدولي هالأسبوع.. لكن الله يعدي هاليوم بخير.. شكلي بروح بإذن الله يوم الثلاثاء.. وبكرا عندي اجتماع مع شغلي الثاني.. وعندي موعد في المستشفى الظهر الساعة 2.. ويمكن أسوي سونار رباعي إذا لقيت موعد بإذن الله..

    =============

    حنونة

    الروب مع الملح خليه على وجهك شوي بس يمكن 5 - 7 دقائق بس وبدون فرك.. وفائدته أنه يمتص الدهون اللي في الحبوب.. ركزي عليها... وراح تحسين بحرقان خفيف طبيعي لكن إذا زاد على طول اغسلي وجهك لأن فيه ناس عندهم حساسية ببشراتهم يتأثرون بسرعة..
    وبعدها تغسلينه بموية باردة وغسول (أو صابون)..
    هذا القناع فائدته مثل المقشر.. يمتص الدهون وينظف البشرة..

    بعد ذلك مباشرة..
    عندك قناع ثاني: موية ورد باردة مع شوية نشاء تخلطينهم زين، وبعدين اغمسي قطنة فيها.. وامسحي وجهك واتركيه ربع ساعة واغسليه بموية باردة لحالها..
    هذا فائدته علشان يغلق المسام المفتوحة ويشد البشرة.. مثل التونيك..

    وإذا تبين حطي كريم ترطيب بعدها لأن وجهك صار نظيف خلاص.. ممكن تحطين أي كريم للوجه.. وتصيرين كذا إن شاء الله :27:

    وندوري إذا ما يحب الصابون اشتري له غسول خاص للأطفال لا يسبب دموع فيه من نونو أو جونسون.. يكون صابون سائل.. إذا حسيتي أنه ضروري أو بشرتهم دهنية..
    أنا بناتي أستخدم لهم صابون عادي لكني ما أغسل الوجه كله علشان ما يدخل في عيونهم.. أغسل الخدود (يا قلبي على خدود جودة اسم الله عليها) ..
    وما أستخدم الصابون دايماً.. لأأني أروشهم كل يوم.. خلاص يكفي..
    أغسل وجوههم غالباً بالماء فقط.. والصابون للأيدي..

    إيه صح..
    بأسألك عن أختك مسكينة يا عمري من أمس أفكر فيها..
    كيف تزوج عليها وليش؟ الله يصبرها يا رب..
    لكن حاولي تخففين عنها وتبينين لها أن الوضع عادي وأمر مقبول.. وغيرك أسوأ منك..
    لأن حالتها النفسية تؤثر على عيالها يا عمري.

    تدرين.. يا أختي رجالكم يا القصمان مب هينين.. الزواج الثاني عندهم مثل الموية.. :07: :22:
    أمي من عشرين سنة وهي تقول لأبوي رح أعرس وريحنا.. وهو مب راضي.. يقول أعوذ بالله.. مره ثانية بعد؟؟!! :09: خخخ.. شكله تعقد من الزواج خلاص..

    صحيح.. شأخبار عريب بنت أختك يا عمري؟ الله يشفيها يا رب ويعافيها.. دايم تجي على بالي أتخيلها مثل بنتي وبعمرها..

    =============


    نوني..


    شركة الشايع ما غيرها حقت الماركات البريطانية آوت فت..ووالس وغيرهم.. ؟
    على التعتيق فكرتي بالبنفسجي؟ وإلا الأخضر.. أختي حطت بنفسجي موف حلللللو مرة ما شاء الله.. وأخوي الثالث حط أخضر تفاحي فاتح روعة.. بارد وطفولي..
    عموماً إذا أمني شايفة الفكرة وحاطة اللون في بالك أطيد بيصير حلو بإذن الله..
    طيب فكرتي بورق الجدران..؟؟
    أنا حطيت لغرفة بناتي طلعت رووووعة :32: تبارك الله مثل غرف الأحلام اللي كنت أتخيلها في طفولتي.. لونها وردي كأنها غرف الأميرات اللي في الكتالوجات..
    صراحة ورق الجدران يعطي نظرة ثانية وكشخة للغرف وفيه ألوان وأشكال تجنن عند محلات الديكور..

    طيب بأسألك ولد زوجك عايش معكم الحين وإلا بس يجي زيارة وإلا كيف؟
    والبنت شأخبارها؟ وشلون علاقتك فيهم؟

    =============

    قوارير

    الشنطة حلللللوة مرة ما شاء الله.. أنا أحب السادة.. ما أحب الحركات والصور الكثيرة والخرابيط..
    فيه منها كحلي أو لون ثاني؟
    مشكورة على الجدول يعطيك العافية..

    =============

    أم عبد الرحمن

    أهلين.. شأخبارك وأخبار شيوخة؟
    أنصحك بشراء الكتب الدعوية بلغة خدامتك.. وجهزي لها.. كود ربي هيدها للإسلام على إيدك.. ويصير خير لك من الدنيا وما فيها..
    عندنا مكاتب دعوة الجاليات فيها كثير..
    وأنتم بعد عنكم ما شاء الله مكاتب دعوة حلوة.. اسأليهم وجهزي كتيبات وأشرطة لها وعطيها بالتدريج.. أتركيهم في غرفتها بدون ما تقولين لها اقري أو اسمعي..
    والله يعطيك من خيرها ويكفيك من شرها..

    =============


    أروما

    هلا والله.. اشتقنالك.. شأخبارك؟ وشأخبار الاختبارات والنتائج؟

    =============

    توتة أخت بطة

    صادقة والله مهم جداً تحفيظ الأطفال القرآن منذ الصغر.. وانا أصلا ً مدخلتهم مدارس تحفيظ الصباح الحمد لله..
    لكن المساء بالنسبة لي صعب جداً جربته.. متعب.. خاصة أني أكون مرتبطة بمناسبات وارتباطات وغيرها في الليل.. وصعبة ما يرجعني الباص إلا قبل أذان العشاء وأنا حامل.. علشان كذت قلت ودي بصباحي.. لكن ما أدري.. يمكن أسجل مسائي..
    الله ييسر لي مواصلات وطريقة للتنسيق بيني وبين بناتي..
    والقاعدة النورانية حلوة للأطفال وبسرعة يتعلمونها..

    =============

    سارة 511

    يوه..
    استغفر الله الطلعة مع البزارين تحوم الكبد وتصدع الراس.. :icon32:
    ما تشوفين شي.. بس تشوفين هذا وش يبي وهذا ش يبي..!!
    آيسكريم.. ذرة.. عطشان.. حمام.. فيني النوم..
    وأحياناً يحرجونك شوي داخل المحل يلمسون الملابس أو يتخبون في الفترينة.. :30:
    أنا صراحة حتى لو ما سووا شي لكن أكون متوترة..
    لحد الآن ودي أطلع السوق طلعة مثل الناس وأشتري على راحتي مني قادرة..
    كل مرة أدخل نشتري ذرة آيسكريم فشار موية.. وندخل الحمامات مرتين ونطلع خخخخ :freak6:
    إن شاء الله طالما جاء سواق أهلي بإذن الله ودي الأٍبوع الجاي أطلع الضحى للسوق أحسن وأروق..
    ومبروك عربية البيبي..

    =============

    ضاااع اسمي

    هلا والله.. سلامتك ما تشوفين شر..
    وعليك بشرب الموية الدافية ترى مافيه شي يوقف الكحة مؤقتاً مثلها..

    انا أيضاً هالحمل مب راضي يتحرك سبحان الله.. هذا وضعه من شهر..رجوله تحت يسار.. ورأسه يمين السرة .. وما عنده إلا الرفس أو التمغط.. أما الحركة مب راضي يتحرك من مكانه سانتي واحد..
    أنا متعودة اسم الله عليهم في اليوم يغيرون أماكنهم ثلاث مرات.. مرة فوق يمين تحت يسار.. هذا لا..
    مرتاح ومتيعجز يتحرك..
    عادي.. أهم شيء السلامة والعافية.. الحمدلله..

    صح.. إلا شأخبارك شغالاتك؟
    والله كلما أتذكر قصتك معهم أضحك.. هم وسرقاتهم.. وما شاء الله عليك صابرة عليهم..
    سوي نفسك محقق جنائي :cool: ودوري زين في غرفهم..
    وديهم أي مشوار لبيت أهلك.. أختك.. قولي لهم اسبقوني مع البزران.. وأنا بروح بعدين..
    حتى السواق خلي ولدك يفتش غرفته مضبوووط...
    ولو أني شاكة في الأولى لأن السرقات بدت قبل لا تجي الثانية مثل ما تقولين.. ولله أعلم..

    =============

    الراجية.. ماماتو لحمادينو.. راعية مبدأ.. شهد..

    وييييييييييييينكم؟ نفتقدكم..




تابعي تجارب أخرى من هذا القسم.