وشلون عايشين من دون خدامه

بنات انتو مرره شايلين علا الخدامات اصابع ايديكم مو سوا وفي ناس تحتاج الشغاله مهما نظمت وقتها ولا سوت اذا كانت موظفه فهي محتاجه شغاله واذا كانت راعيه عزايم ولا زوجها حق عزايم كثيره فهي تحتاج صراحه وفي حريم لها قدره معينه وطاقه محدده ماتقدر على كل شي وزوج واطفال وطبخ ونفخ لاتستهينون بهالامور اذا بنت ابرسول عليه الصلاه والسلام تعت وطلبت من ابوها خادم وهم مو زينا سيراميك وتحف واستقبال وطبخات وحلا اشكال وانواع وفوق هذا لازم يجي وانتي توب من الى نظيفه ومتكشخه وطابخه وملبسه عياله ومنظفه ولازم تكونين مبتسمه ولا تبرطمين ولا تشتكين ولا تمرضين وهي شايله كل شي على راسها المسكينه ولا طاحت اول شي يسويه يتزوج عليها انا مو مع الشغالهةولاني ضدها لكن الي تقدر تجيبها وتمسيها على نظام وتكون مفتحه عيونها ليل ونهار وماتخليها تمسك اطفالها تجيب ليش لا وزوجها ملحقه عليه ماهو طاير واللبس اصلن اذا سار معك اطفال بتتقيدين ماراح تاخذين راحتك ومو معقول بتكونين طول اليوم لابسه لبس مشخلع والزوج مو طول اليوم بيقابل وجه زوجته يانايم ياياكل يايقرا ياعلى النت ان جلس ساعه زين والوحده تحدد للشغاله لاخلصت شغلها مكان تحلس فيه لاتاخذ راحتها فالبيت خاصه لاسار الزوج موجود والمخلص مخلص بالشغاله ولا غيرها والخاين خاين بالشغاله ولا برا والي تقدر تستغني عنها تجيب اجهزه وتعود اطفالها على الهدوء والترتيب يكون احسن ويكون هو يتعاون معها مو ظيف شرف اما اذا مو متعاون لا والله تجيب يروح اليوم وهب تراكض ومايجي العشا الا هي منتهيه مسكينه حرام ووقت الطلعات الحين ماعادو يبغون اطفال وانا اولهم صراحه ابغا نجتمع نروق نسولف مو اجلس ياولد خل ياولد اسكتي يابنت راحت الطلعه واحنا ازعاج لكن حرام ينتركون مع الشغاله والله انا ماعندي شغاله ومرتاحه رتلت اموري ولله الحمد لكن متوهقه بسالفه الطلعات خاطري اطلع بدونهم مره ارتاح �� لكن الله لايحرمنا اجر تربيتهم والصبر عليهم وانتي اذا تقدرين خليهم عند ابوهم ساعه ساعتين تروقين وترجعين اخس لازم ناخذ فتره هدوء منهم شوي نجدد الطاقه

والله قريبتي مدرسه من زمان وماشالله بيتها فيلا كبيره وعندها اطفال بس ماشاالله ماعمرها دخلت بيتها شغاله وبيتها يلق من النظافه وعيالها دايما يفتحوا النفس من نظافتهم وكشختهم. الي حواليها كان دايما ينقدوها يقولوها جيبي شغاله كيف عايشه كذا. وبصراحه هيا انسانه منظمه وقتها عشان كذا استغنت عن وجود شغاله هذا مايعني انها مكروفه طول اليوم بالعكس كل جمعه عائليه اشوفها ومره مرتاحه ماشاالله