لقاء الأحبة---تتمه---

تكرر عشان المنتدى شاطر بس عاد انا شطبته

ايمان اما عن الكتل ما تسألي
جنابنا انهرت من العصي والقشاط ههههههههههه بس شوا كنا نخاف من النظرة ونفهم شو بدها ماما او بابا من نظرتهم ولآ لما يجينا ضيوف ياسلم على الادب الي بنزل علينا خخخخخخخخخ
وماما قبل بسلف تتوعد لنا ما بدها تسمع النفس لا وتقولنا بدي الابرة ترن تنسمع
بس عنجد مش كان الجيل القديم اكتر ادب ويحسب الف حساب لكلمة امة او ابوة
اليوم الجيل الجديد يتعيدي الكلمة مية مرة ويادوب يرد عليك هو بكلمة
او بردلك ايها الف هههههههههههههههه

اميرتي لين :

يعني في ناس بتضرب شايفة !!! في بنات قالوا لأ مافي من هالتعذيب .

وانا بصراحة ما ممكن اسلك هالطريقة اللي سلكها اهلك معك يعني مثلا قبل لا ييجي ضيوف أقول الهم بدي الكل يسكت .
لأ بالعكس بقول لكل ولد شو واجباته واحد يضيف وواحد يرتب وواحد يظل يشوف الضيوف لو بدهم تيشيوو مثلا .

يعني بشركهم بالموضوع .
ابني الكبير اصلا صار عارف لما في ضيوف على طول بيقول جيبي لي الحلويات أو الفطاير ارتبهم بالصحون .
واحد بيقول انا بولع شمعة المبخرة .



يعني في شغلات بشوفها لحد الآن حواليني ما بتحملها من امهات بيضربوا اولادهم على ذنب لا يعتبر ذنب أصلا يحتاج للعقاب .
في غلطات فعلا تحتاج للعقاب .

مثلا لو الولد لعب بكوولر المي أضربه ؟؟؟؟؟؟؟؟ ليش ينضرب وهو بالعكس بيمارس حبه للماء بمسك الولد وبقول له روح اسبح شوي بالبانيو ( وانا شفت ام ضربت ابنها 5 سنين بالشبشب ( ريتها ماكليته إن شاء الله ) لنو ابنها بيلعب بالمي .

يعني لو للضرورة تقول له تعال امسح الأرض وساعدني اما شبشب ؟؟؟؟؟؟؟؟؟؟؟؟ شو هادا حتى الحمار بينضرب بالسوط مش بالشبشب .


في كتير حوادث بشوفها خصوصا بالمطاعم :
ولك اسكت
يا بنت انخرسي
ولك اقعد على فقارك

هو ضل للولد نفس ياكل والا يتسمم بعد كل هالاحباط من اهله ؟؟؟؟؟؟؟؟؟ والا هي سياسة سد نفس حتى تخف الفاتورة ؟؟؟؟؟؟؟؟؟

كان الأولى يتأكدوا من المطعم فيه قسم للأطفال أو شو نوعية المطعم مثلا .



والله لو لبكرة اسولف ما بخلص عن اللي بشوفه من التعامل مع الأطفال ببلادنا ان شاء الله يربوا ولادي برا وبعدين نرجع لأنو صعب كتير صعب .

بنص الفطور اللي هو يادوب مكلف ليرة مصاري الولد بياكل حمص بتبدا الأم:
ولك خلص
بيضك ملص
بيكفيك متل البغل
والولد بيلحق حله لقمة ورا لقمة قبل لا تجيب له الشبشب.





العقاب واجب ما اختلفنا
بس كمان الذنوب مختلفة من ام لأم .

في أم لو ابنها عملها على حاله وعمره ست شهور قال بتضربه تخيلوا ؟؟؟؟؟؟؟؟؟؟؟؟؟؟؟؟ شفتها وبتقول الله يقطع شرك ما غنت هسا عملتها هو أني فاظية لحظرة جنابك ؟؟؟؟؟؟؟؟؟؟؟؟؟

وجنابك يختي شو بيعمل ؟؟؟؟؟؟ بدك تتفرجي على التلفزيون والا تسولفي مع الجارات ؟؟؟؟؟؟؟؟؟؟؟


ويا ريت كل وحدة تكتب لنا شو نوع الحماقات التي يرتكبها ابناؤها وتعتبر ذنوبا تستحق العقاب ؟؟؟؟؟؟؟؟؟؟



ابني عنده لاب توب ( بيلزمه للدراسة طبعا ) طيب ومرة اجيت أفتحه بدي أشوفه لقيته مخربه سكرت عالموضوع وما قلت اشي لحد الآن لكن لو مرة طلب مني لما تبدأ الدراسة يفتح اللاب توب بقول له افتحه لحالك وشوفه بيعرف انه خربان وخلاص ما راح اجيب له واحد لمدة معينة ( من وقت ما يكتشف حاجته الحقيقية للاب توب لنفرض 6 شهور ) يتمرمر خلالها .


لو مثلا نسي ينظف الحمام وراه او نقط مي على أرضية الحمام لما يغسل ايديه .
العقاب : مسح الماء ولو كتير كتير بفرض عقاب تاني مثلا يحط الجاربات بسلة الجرابات ( لأني لعلمكم ما عنديش تسفيط للجرابات بعد ما راحت الشغالة في درج عادي فيو كل الفردات واللي بدو جرابات بينقي وبيلبق جراباته )

أو من العقوبات : يفرغ غسالة الصحون ويحط الصحون عالطاولة ( عمره ستة تقريبا )

الصغار مافيش عقوبات قاسية بس اذكر اكمن مرة اضطريت أعض !!!

ولكن لازم يعرف الولد شو الذنب الذي ارتكبه مش بس عقاب .
واحلى شي بالعقاب يكون نافع متل يطالع الزبالة على غرفة الزبايل أو يمسح السيارة يعني في فايدة .


وطبعا كل أم غير بتختار المناسب .

وانا ترى بستفيد كتير من تجاربكم وبطبقها كتير بس بدون ضرب ولا اهانة

ترى في شغلة بالشفاطات على انواعها الكهرب واليدوي .

المشكلة يمكن عادية بس هي ملاحظة مني انا .

لما تبدئي بالاستخدام بيكون الحليب ينشفط ويرش رش بالعلبة المخصصة وبيكون من فتحة والا 2 والا 3 .

ماشي ؟؟؟؟؟؟؟؟
بعد ما تستخدميها كتير بيصير لما تشفطي بيصير أكثر من خزقة ( فتحة ) يطلع منها الحليب 7 مثلا وبتصير تتعبأ بسرعة وكتير يعني ربع ليتر حليب بسرعة بتعبيه بس المشكلة كثرة الخزوق ( الخروم )

ويمكن لهالسبب بيصير الحليب يشر شر يعني يهرهر يعني يتسرب ( لاك ) من الصدر ووأنا عني طول الشهور الأولى لازم القطن الخاص اللي من الصيدلية تبع تسرب الحليب ومن عقدتي من التسررب عندي الآن أكمن باكيت بدات اجمع وقت التنزيلات لسنوات جاية .
والله سعره مش رخيص كنت بالأردن بابني الأول وكل باكيت و3 دنانير وشوي يعني حق 3 جاجات بهداك الوقت ويادوب يكفن يومين .

اتاريها الخلفة بدها مصاري.

وبالنسبة لنقاش الأولاد لنا :

انا علمت ولادي اني أمهم وخلفتهم من بطني وربنا سخرني لخدمتهم وتربيتهم ولازم يحترموني وأن لي اوقاتي الخاصة ودوري أيضا بالدلال مثل الخروج مع صديقاتي ولو ساعتين بالأسبوع .


بس :
ما بمنعهم يخالفوني بالرأي أبدا ابدا .
ىخر نزلة تسوق ابني الكبير اختار ملابسه لوحده واختار مجموعة كبيرة 7 طقوم للصيف ورجع وقال لي خلصت ( طبعا بيعرف الحساب وبيعرف القيمة )

قلت له يلالا أشيك على اختياراتك طلع كل اللي اختاره ملابس رياضية أو الرسومات اللي عليها رياضية أو كلام او أرقام وبس .
قلت له لازم تنويع شوي مش كله رياضة ؟؟؟؟؟؟؟
وفي بعض الملابس ألوانها متشابهة وقفت معاه وقلت له كيف راح تعرف هالبلوزة وين برمودتها ؟؟؟؟؟؟ بيشبهوا بعض صح؟؟؟؟؟؟؟؟؟ رجع طقم.

في طقم غالي ما بيسوى بس لأنه ماركة معينة قلت له هذا غالي لو ترجعه بتاخد 3 بداله . قال لأ بدي هاذا ( مادا غاسكار ) انا داري فيلم قال عن الغابات اسمه مدغشقر .

وأصر وأخذه ورجع بداله كثير .

وقلت له خلاص هذي ملابسك للصيف ولو صار الجو بارد بالأردن ما تقول لي كله البلايز نص كم وحفر ؟؟؟؟؟؟؟؟ قال طيب برجه بشتري اشي كم طويل .
وبدل وغير حتى لقينا الفلوس فعلا على قد الملابس.


يعني بصراحة ما بقدر وما بتجرأ أشتري ملابس واقول له البس هو خروف ؟؟؟؟؟ احط له هالعشب وهو ياكل ؟؟؟؟؟؟؟؟؟؟؟

ما عودته على تقبل كل شي مني ولا راح أعوده في فرق بين الاحترام والتقدير وبين حرية الاختيار ضمن المعقول والمقبول عرفا ودينا .

يعني مرة قال لي ماما بدي شعري من قدام يوقف لفوق .
قلت له طيب لازم تحط جيل عليه بس ترى الجيل بيعمل حساسية او أي ضرر ما دخلني .
قال لأ خلاص ما بدي أصلا مش حلو كتير بس حبيت اجرب.



لازم في نقاش وحوار وتبادل للآراء دايما ولو ساعة باليوم .
ومش لني بشتغل ما بكلم ولادي بالعكس بكلمهم أكتر من بعض صاحباتي اللي رغم انهم ما بيشتغلن بس طول اليوم بالمطبخ والزيارات .

يمكن طريقتي غلط ويمكن فيها شوية صحة ودايما بحاول أشوف الناس واتجمع بالأمهات اشوف آراؤهم باستمرار .

مرة ابني بوسط مجموعة من الناس صاحبات جداد الله لا يعيده من موقف اجا وقال تعالي شوفي هذا الولد ( الخرية ) وقالها الكلمة 5 مرات بصوت عالي الكل صفن .
قال مالك بتتطلعي هيك ؟؟؟؟؟؟؟؟؟؟ بعرف معناها لا تخافي معناها ( شيت ) ( كاكا ) اليوم عرفتها بالمدرسة بس انت ما قلتي لي عنها .

وكل هاذا بصوت عالي صراخ ودموعه نازلة.

انخزيت انشليت ما عرفت اقوم واخذته وقلت له عيب وحرام وبقطع لسانك قطع يا الله احساسي كان رهيب .

المرة اللي بعدها ما أخدته معي لنفس المجموعة تركته .
انهبل انجن وقلت له انها عقوبة هذي للكلمة العيب .

وطبعا احنا ما بنستخدمها أصلا ولا بنلفظها بس المدرسة .

وهل صار يكرر كلمة من اصحابة الجانب ( أووه شيت ) على كل شي لو نقط مي على حاله / لو اجت دعاية بنص المسلسل المفضل ) وحذرته لو قالها مرة تانية بعاقبه .

بس الولد قال لي طيب شو معناها ؟؟؟؟ حرام والا عيب ؟؟؟؟؟؟؟؟؟ قلت التنين .