أم زوجي بكره بتجي تقعد عندي و زوجي طلعني من غرفتي عشانها>>استوفي الردود

لاتندمي احتسبي الاجر بكل كلمه وكل لقمه وكل لبس صدقيني حطي ببالك تجيك حسنات واجر من رب العالمين بس لاتتضجري ولاتندمي ولاتستني مدح او شكر من احد

المشكله ع طول نفكر بعاطفتنا وحرام ومدري ايش لو انها امي .. ومن الكلام !! وبعدها نندم
لو فكرتي قبل بمسؤليتها وانتي عارفه كل شي عنها وفيها .. ولا استعجلتي
بناتها واولادها اولى بالكلام ماحد قالها تعالي اكيد يدرون ان مزاجها صعب ؟ ولو انه عقوق !!
بس صراحه مدري وش دخلك تقولين خلها تجي !
طلعك من غرفتك وروحه وطلعه صعبت عليك !
بس الله يعطيك ع قد نيتك ..
باذن الله بسيرها لك لان قصدك الخير والبر فيها عكس اولادها ..

مو أنتي اللي سويتي نفسك الزوجه الصــالحه اللي مافي أحد مثلك وقلتي لزوجك جيب أمك

خلاص تحملي وسوي اللي يرضيهم خليك قد كلامك والا كان سكتي من أول

الله يجزاج خيررر
بس انا من رايي ان انتي وزوجك ترحون بتتها تسكنون عندها
قولي له اكيد امك ما ودها تطلع من بيتها وحنا بنسكن عندها لين تجيها الخدامه
لان ما راح ترتاح اذا غيرت فرشتها وانا بعزم اهلي لان ما عندي وقت ازورهم ومشتاقه لهم بالحيل وبجوني والله هي الي بتقول بقعد في بيتي ابرك وبتخاف تجي بيتك
وخصوص ملابسها
اتفقي مع زوجك قولي له انا علي ثلاث وجبات باليوم فطور وغدا وعشا
بلاضافه للتنظيف البيت كامل
وما عندي وقت للغسل الملابس والكوي
قول لخواتك ياخذون ملابس امك يغسلونها
او ودي ملابسنا انا وانت واعيالنا وامك المغسله
انا بيكون الشغل علي دبل الان امك نظام اكلها يحتاج وقت وتحضير ما تاكل زينا
وبخصوص موضوع اهلك انتي عزميهم ع بيتك مافيها شي
بالعكس اذا قلتي هالكلام قدام ام زوجك يمكن ما تجي تسكن عندك
وبخصوص القهوة فهمي زوجك من الحين قولي له انا علي ضغط كبير
خل اخوانك يجبون قهوتهم معاهم ويشغلون حريمهم شوي
وقبل ما تبدين كلامج قولي له حبيبي الله ما يستحي من الحق وانا من طيب اصلي وحبي لك مرحبه بامك لكن كذا كذا
وبخصوص الشغاله
خل اخوانه يقطون قطيه تجبين خدامه تساعدك لو ع اميه ريال
ماراح تضر
والله يوفقك