شاركي في النقاش

سجلي الدخول لإضافة تعليق.

التعليقات

792
  1. @bnt_tyb

    noni103
    السلام عليكم، رسيل>>> اللون عجبني لاهو بناتي ولاهو ولادي ولد زوجي يجي بالويك آند وعلاقتي فيه رسمية مثل ماقلتلك حاط بيني وبينه ابوه وفوق كل هذا زوجي يقولي انا اربي وانتي تخربي>>>بالدلع يعني اقوله مهما قلت وصرت زينة بتم مرة ابو وثقيلة والبن…
    الحبيبات الكروشات ما هي الأخبار اتمنى ان تكونوا بخير .

    الحبيبة حنين

    ألف مبرووووووووووك على البنوته ويارب يتمم عليك بخير وعافية وتشوفين العروسه بالسلامة .


    الغالية ام عبد الرحمن

    الف مبرووووك على عبد الرحمن الله يتم لك على خير ...وعلى البركة الخادمه اسال الله ان يرزقك خبرها ويكفيك شرها وأحرصي بارك الله فيك على دعوتها وأري الله من نفسك خيراً فهي باب رزق جاء لك فلا تضيعيه ..

    الحبيبة رسيل

    تسلمين حبيبتي على النصائح الرائعة بارك الله فيك .

    الحبيبة نونو

    احرصي بارك الله فيك على صحتك والدنيا لاتخلوا من الكدر فأنت احرصي على ابناء زوجك وراقبي الله فيهم وسيعطيك الله اضعاف ما عملتي واعلمي انك مهما عملت فستظلين بأعينهم زوجه أب فلا تنتظري منهم جزاء وابتغي عند الله الثواب لا حرمك الله إياه ..

    بنات انا اخباري والحمد لله بخير ولكن اليوم جائني الم شبية بالطلق في ظهري جعلني ابكي منه ثم بعد ذلك نزلت معي مويات اعتقد انها تقلصات ولكنها جاءت هذه المرة مبكرة ..دعواتكم لي ..

    الحبيبات باقي الكروشات لا تزعلوا لعدم ردي عليكم الان ساعود إليكم قريباً :26: :26: :26:
  2. @rsyl

    noni103
    السلام عليكم، حزينة>>> صدمتيني والله بس وربي وربك انه لا هو ولا امه بيسلمون من الظلم الي ظلموكي اياه وبعدين من صج بتروحين عرسه؟؟؟غريبة؟؟؟ والله الغريبة انه امه تدق وتقولكم انه بيعرس ومرته مالج شغل فيها يمكن يكونو اقنعوها بشي وبتلقى شي ثاني…
    السلام عليكم

    سعيدة على طول

    الله يفرجها عليك يا رب.. ويكتب لك كل خير..
    حبيبتي.. لا تحضرين الزواج.. ما له داعي..

    وتصرفك كان رائع أنك ما رديتي عليه.. إذا بيجي الطلاق خليه يجي منه وبري ذمتك..
    لأنه من النوع العنيد أتوقع لو بتطلبين الطلاق بيعاند وبيمرمطكم في المحاكم.. الله يهديه..
    أتوقع لو تتركينه بيطلق من نفسه..

    لكن حطي في بالك أنك ما تتنازلين عن الحضانة لو على جثتك..
    أبداً لا تتنازلين.. ترى طفلك أهم من الكرامة والكبرياء.. حرام ينحرم من حضن أمه..
    حتى لو ساومك على الطلاق مقابل الطفل.. ارفضي.. وحينها ممكن تطلبين خلع والله ييسر لك..

    وإذا على تصرفه مع المعهد.. كيف عرف باسم المعهد ورقمه؟؟ مين قال له؟
    أنتي خلي تصرفاتك كلها تتم بسرية.. ولا يدرون هو وأمه عن شيء..

    والليسن لازم موافقة الزوج؟ غريبة..

    وصدقيني البنت هذي اللي ماخذينها أكيد ماخذينها مسكينة قروية ويمكن ما درست.. واختاروها يتيمة علشان تصير في حاجتهم وتصبر وما تتكلم وما تطلب شيء..
    يعني لا تنقهرين.. وأتحدى تطلع مثل وصفهم.. وبتشوفين هالشقراء.. بتطلع لك صفراء نحييييفة.. وفيها شيبتين.. خخخ.. يعني لا تنقهرين يا عمري ولا تضيقين صدرك من كلامهم.. إذن من طين وإذن من عجين..
    واستمري يا قلبي بالدعاء وقيام الليل.. "ومن يتق الله يجعل له مخرجاً"..
    والله أني أدعي لك الله ييسر لك اللي فيه الخير لك..

    حبيتي هدي أعصابك وروقي.. وكبري عقلك عنهم.. خاصة أنك حامل..
    وأنا ألاحظ أنك ما شاء الله تغيرت كثير وصرت أهدأ وأصبر وهذا شيء رائع ..الله يوفقك يا رب ويزيدك حكمة ويسعدك ويقر عينك بما فيه خيرك يا رب العالمين..

    =================

    نوني

    هلا والله.. حبيبتي.. معلش تحمليهم..
    تخيليهم عيالك.. أو تخيلي نفسك مكانهم وفي ظروفهم.. تخيلي فعلاً مشاعرهم..
    يشوفون أبوهم متفرق عن أمهم.. ومع مرة ثانية غير أمهم.. شيء مؤلم.. :44:
    أنا أدري ما لك ذنب.. لكن ولو احتسبي الأجر من الله..
    يعني مو بس تصبرين عليهم.. حاولي تكسبينهم لكن بدون ما تضغطين على نفسك..
    يعني جيبي لهم هدايا..
    ناديهم بأسماء دلع..
    سولفي معهم..
    البنت مشطي رأسها.. خذيها معك الجمعية.. اشتري لها أشياء تحبها..
    وتبسمي لهم دايماً.. واسألي عنهم وعن أحوالهم..
    ترى هالأشيا ءالبسيطة مهمة في كسب القلوب..
    وذول أطفال مهما كان ما يحملون حقد إلا بسبب تأثير أمهم.. وصدقيني لو تأكدوا من حبك لهم بينسون كل شيء ويحبونك..
    والله أني أرحم كل عيال الطلاق وأعتبرهم مثل الأيتام مساكين..

    وإذا على الولد.. لا تتعبين نفسك ولا تقهرينها.. علشان غرفته..
    لا تخلين أبوه واسطة بينك وبينه..
    أنتي اجلسي معه وسولفي معه بكل صراحة..
    "فلان وليدي.. بأقول لك شيء ولا تزعل أنا حسبة أمك.. أنا مثل ما تدري حامل وتعبانة وما عندي خدامة وظهري يعورني.. يا ليت قبل لا تطلع ترتب الغرفة.. لو على الأقل تشيل القراطيس والورق.. وترتب سريرك.. وأنا بإذن الله بأكنس وأنظف الباقي..
    وإذا ما تبي أو ما تقدر ترتبها.. على راحتك.. لكن ترى أنا ما راح أقدر أرتبها.. والله تعبانة.. بأخليها مثل ما هي.. لكن هاه! لا تزعل علي.. هذا اتفاق شرايك؟"

    صدقيني..
    إذا صارحتيه وسويتي معه اتفاق بيكون أريح لك وأريح له وما يصير فيها زعل لو خليتي غرفته مثل ما هي للأسبوع الجاي..

    وفعلاً كلامك أن غرفته تنزل للدور الأرضي صحيح..
    أقنعي زوجك يغير غرفته لتحت.. لأن صعبة ولد شاب ما شاء الله يجلس جنب غرفة أبوه وزوجته..
    ما راح تقدرين تلبسين.. ولو سمع شيء حلو بينكم بينحرق قلبه مسكين..
    أحسن تكون تحت.. لكن شرط أنكم تجلسون في الصالة اللي تحت يعني تصيرون جنبه.. مو يصير لحاله كأنه ضيف في بيت أبوه مسكين..والله يأجرك يا رب ويجعل ما تفعلينه لهم في ميزان حسناتك..

    =================

    حنونة

    قريت قصة أختك.. والله قطعت قلبي..
    الله يصلح زوجها يا رب ويهديه ويعوضها ويثبتها ويبرد على قلبها.. ويرده إليها ردا ًجميلاً..

    =================

    أروما..

    خخخخخ.. خوفتك هاه؟
    لا فعلاً شكل الفيوز ضارب عندي خاصة مع اختبارات قوارير وأم حمني.. أنتي موظفة أجل؟
    أذكر أنك ما تشاركين بالخميس والجمعة علشان ما عندك نت صح؟

    =================


  3. السلام عليكم،
    رسيل>>> ياحبي لك في الله
    والله اتوقع لو اقعد اسولف معاج سنين مابشبع وماشالله احسج خبرة في امور الحياة
    والله حبوبة انا بنظفها اليوم وخل يجي بقعد اكلمه واسوي الي قلتي عليه والله يكتبلي الي فيه الخير
    وبخصوص الغرفة الي تحت هي كبيرة واجد واصلا قايلين بنقسمها لغرفتين بس زوجي ناوي يسويها غرفة للأجهزة مالته وغرفة استقبال
    عاد انا فكرت فيها لا يقول اني تمللت من ولده وهو مايجي غير بالويك آند>>>قلت خليه حالياً مابي اكلمه بالموضوع بس بكلمه لو قرر انه يقعد في البيت على طول
    البنت حبوبة مستحيل تقعد عندي>>>خصوصا عقب المشاكل بين زوجي وطليقته= امها
    والله تسلم وهي عند الباب تقولين كهربا بتمسكها
    وانا مثل ماقلتي والله حنونة عليهم لاني تربيت مع اخوي من ام ثانية والله امي ماحسستنا بفرق وانا مابي ولدي يحس بفرق ويعيش بعيد عن اخوانه بدون تواصل
    كافي فرق العمر مشالله الولد 14 سنة والبنت 12 سنة يعني فرق كبير بينهم وبين الي بيجي

    انا اليوم بروح اغسل البيت وبنظف الصالة وغرفته
    بس ابي طريقة افهم زوجي اني صج اتعب من هالشي وابي يكون صارم شوي مع ولده بخصوص هالشي؟؟؟مو كافي تعب الحمال؟؟؟صاير ظهري يذبحني وزوجي يسويلي حركات تنرفزني واقوله حرام عليكي تسوي فيني شذي مو قادرة>>>مدري حسباله استهبل او اتدلع>>>يقولي دلعج زايد
  4. arooma
    صباح الخير يا حوامل
    هلا خواتي شخباركم ؟

    أدري مقصرة معاكم والله بس لا تتحروني ما أقرى ردودكم بالعكس أنا متابعة لكم دايما بس متعايزة أرد ووالله قلبي معاكم ...


    اليوم عندي امتحان اكسل وإن شاء الله يعدي على خير أنا ما أدري كيف المرة السابقة عدت ونجحت لأنه البنات مزعجات ويتكلمون وايد مع إنه إمتحان ..

    واليوم خالتي بإذن الله جاية مع بنتها من السفر بيكونون موجودين وأنا بكون في الإمتحان الله كريم ...

    بخصوص سالفتي مع زوجي فالكل معزوم على زواجه :) والله ما أمزح راحوا وخطبوله وحدة من اليمن وأمس كانت عمتي تكلم أمي بالتلفون وقالت لها البنت شقرا وحلوة ويتيمة وما أدري شو ويوم أمي قالت لي قلت لا يكون بيتزوج باربي وأنا ما أدري من ألحين قاعدة أفكر شو بلبس في حفلته :)

    تدرون زوجي شو سوا أمس؟ كنت في المعهد مال الكمبيوتر وأكلم الأبلة فقالت لي إتصل زوجك وقال عندكم وحدة إسمها فلانة بنت فلان هذي زوجتي وما استشارتني بخصوص إنها تدخل الدورة وأنا مو راضي وأريدها تطلع فقالت له الحرمة إنه زوجتك مو صغيرة والمعهد ما يستقبل رجال وما في اختلاط عاد أنا استحيت يعني حسيتها مو حلوة كأنه يشوه صورتي بس سكتت عليه لأنه مسكين عقله صغير ...

    وهو قبل 4 أيام يمكن اتصل بأمي يناقشها بموضوعي وماخذ راحته عالأخير فأمي قالت له ليش ما تطرش لها مسج على تلفونها ؟ المهم طرش لي مسج ويقول لي فيه إنه يلعن أبو البيت اللي يفرق بين الطفل وأبويه ومن هالكلام ...بعد كم ساعة رديت عليه وما أدري ليه حسيت بحرقة في قلبي وأنا أكتب قاعدة أبكي قلت له أنا ما أريد أفرق بين حد بس إنته مو راضي توفر لي بيت وتحسسني بالاستقلالية وأنا ما طلبت شي يغضب الله عشان ترفض تسويلي إياه ... رد علي بمسج وقال لي يعني تريديني أطلقج ؟ عاد أنا ما رديت عليه وكرر السؤال 3 مرات كأنه يقوللي قولي أيوة بس أنا ما رديت عليه بالعكس قمت وصليت استخارة وأحس إن قلبي بارد من ناحيتهم هو وأمه ...

تابعي تجارب أخرى من هذا القسم.