مواقف الغباء والفهاوه لاتنتهي <<اتحفونا بفهواتكم الزوجيه

ههههههههه 
مواقفكم حلوه 

انا استحي اتكلم مع زوجي مراااا 
بالذات اذا جينا نبي نتفاهم ع موضوع معين 

مع اني متزوجه لي سنه وشوي الا اني اذا جينا نتفاهم اتلعثم بالكلام تقولي بنت في رابع ابتدائي خصوصا لابحلق فيني بعيونه اضيع الهرجه ههههههه

قبل فتره كنا متزاعلين وجا يبي يتفاهم ويراضيني وقاعد يقولي انتي سويتي الشئ الفلاني وانتي قلتي كذا وفعلتي كذا صح كلامي والا مو صح طالعت فيه قلت له (كلامك صديق )هههههههههههه وفطس ضحك وانا فشلت

ابغى اقول كلامك صحيح في نفس الوقت ابغى اقول كلامك صدق طلعت كلامك صديق هههههههههه

واللحين يعايرني بالكلمه كل ما تذكرها 
المشكله وقتها كنت كاشخه وحاطه رجل ع رجل 
ورافعه حاجبها ههههههههه قسم فشله ..

ههههههه والله ضحكتوني ربي يسعدكم
اما انا كنت راجعه من ملكت ولد عمته ومتكشخه وحركات نزلت من السياره الا واهجد على وجهي وتشقق فستاني وركبتي انجرحت ونزل دم ههههه عاد هو مانزل من السياره ولا تكلم يوم ركبت ولا ضحك يعرف إني خجوله وحب يرقعها

قصة وفا ياكثر طيحاتي لاتعد ولا تحصى ههههههههه 

يوم تزوجت بالقوه لازم البس عبايه راس 

اول مرا طحت في المجمع وزوجي جنبي هههههه فوتت درجه وتشقلبت في العبايه 

ومرا كنت طالعه من عزاء بعيد الشر عني وعنكم واطيح في الشارع قدام الناس ههههههه الرجال جنبي قالوا بسم الله وواحد جا يبي يساعدني ويشيل شنطتي شاف زوجي جا وراح 
زوجي يقول الناس حفظو وجهي من كثر طيحاتك ماتعرفين تمشين خخخخخخخخ

ههههههههههههههههه مواقفكم تضحك انا مشكلتي في السمع كم مره اتفشل من زوجي بسبة ذا الموضوع انا وحده من اذوني تعبانه والسمع فيها ثقيل مره يسالني وين الشماغ قلت شغال شغال لاوبعد اعيدها بعيد شوي عني افكره يسال عن التلفزيون اذا شغال ماسمعت الى شاغ ومره كنا بالسوق وعجبتني تنوره قلت هاه واش رايك تصلح عليك ترى مليت هههههه بغيت اقول علي مليت مالقيت شي يعجبني وكان جنبنا حرمه وزوجه جلسو يضحكون وهو زعل ورحنا البيت وهو مبوز ههههههههههههه

هههههههههههههههه
اضحك الله اسنانكم