عندك بنت كتكوته؟؟؟؟؟ خلطات للبنات... كل ام تدخل ضروووري

السلام عليكم اخواتي....


صار لي يمكن اكثر من سنه ما دخلت عالم حواء.... من بعد ما كنت ربة بيت اربع سنين الحين صار لي سنه و اشوي موظفة.... او بالاصح مدرسة للمرحلة الثانوية :icon29:

سوري قلت لكم قصة حياتي :icon30: الزززززبدة يا حلوين اليوم عندي طلب مختلف....

لكل ام لبنوته حلوة.... هل عندكم طريقة للاهتمام ببشرة و شعر بنتك؟؟؟

انا بنتي عمرها 4 سنين و لاحظت انها من المدرسة اسمرت اشوي و ركبها اشوووي غمقوا...


ابغي جدول من خلطات طبيعية و سهلة نتبعها عشان نهتم بالكتاكيت الي عندنا.... و الي عندها بنت و تسوي لها خلطات تفيدنا...


و شكررررررا

8 تعليق 3,016 مشاهدة

شاركي في النقاش

سجلي الدخول لإضافة تعليق.

التعليقات

8
  1. @amly_aldayaa

    ماتحسين ان بنتك صغيرة على الخلطات
    هو حلو تهتمين في بنتك
    بس مو لهالدرجة تسوين لها خلطات وعمرها 4 سنوات !!!!
    انتبهوا على أطفالكم لا تخبصون في بشراتهم
    ومايوصلون للمراهقة إلا بشراتهم صايرة سيئة
    خلوهم يعيشون طفولتهم بس لا يطلعون في الشمس كثير
    وهم شي يكون جسمها صحي وتشرب حليب أهم شي
    على فكرة أنا مو متزوجة لسى بنت
    بس ألاحط في جارتنا أجنبية كذا تسوي لبناتها الصغيرات
    أهم ماعليها تحافظ على أكلهم وتشربهم حليب
    صايرة بشرتهم حلوووة وشعورهم ماشاءالله لأن تغذيتهم جيدة
  2. @aml_555

    وحدة تقول قبل كل ترويشة تدهن اجسام اطفالها زيت زيتون واجسامهم زي الزبدة ماشاء الله تبارك الله
  3. @moslyna

    انا بنتي عمرها ٤ سنين ادهن ركبتها بجلسوليد وليمون ولي فتره اهتم فيها
    ولما احممها احط لها شويه ديتول العنايه الشخصيه مع مويه واكبه على جسمها كتشطيف اخير
    بالنسبه لشعرها احسه خفيف مره ومو راضيه تخليني اقصه تحب الشعر الطويل فديتها
    صرت استخدم لها خلطة هاجريه اللي فيها سدر وان شاالله يجيب نتيجه ويتكثف
    مع ذلك انا مااهمل التغذيه الداخليه من فواكه وخضروات ومع انها ماتحب الحليب الا اني ساعات استبدله بحليب النكهات تحبه اكثر من الساده

تابعي تجارب أخرى من هذا القسم.