والده من اسبوع بكريه ويتيمه جعل من ترد علي بالجنه

ابشركم ولدت الحمدلله
بس المشكله ان نفسيتي صارت دماااار وصار عندي وساوس وخيالات تشائميه وضيق صدر
وانا مو قادره ولا عارفه ارتب اكلي وحاجات النفاس .. اي اكل ثقيل مثل المطازيز والعصيد الي فيه حلبه ع طول استفرغه
والمشكله ان ولدي بس يستفرغ وتعبان اشوي حتى لو اعطيه من صدري يرجع على طول وانا انوع له مره من صدري ومرد صناعي .. بس والله قطع قلبي استفراغه وهوه عمره اسبوع بس
ربي يفرجلكم ويسعدكم ويجعل لكم من كل هم فرج ومن كل ضيق مخرج ويرزقكم من حيث لاتحتسبون
ساعدوني ع الحل ريحوني طمنوني ياخواتي مالي الا الله ثم انتم

25 تعليق 2,202 مشاهدة

شاركي في النقاش

سجلي الدخول لإضافة تعليق.

التعليقات

25
  1. @ghrsh_tot

    اختي حاولي تنظمين وقتك والاكل اغصبي نفسك مرة مرتين على شوي شوي وتعودين وبالنسبة للوسواس اذكري الله وصلي على النبي وحافظي على الاذكار وولدك وضعه طبييعي اصبري عليه لولاقدرالله استمر يستفرغ اسالي دكتور وغيرو الحليب والله يتمم لك بخير ويشرح صدرك
  2. @matt_frhty

    اولا الحمدلله على سلامتك

    وثانيا لازززززم تهتمين في اكلك زين ومو شرط يكون مطازيز او عصيده مدام نفسك ماتتقبلهم غيري
    كلي مصابيب والا خبزة فرن والا خبز خفيف مسح على الصاج مع كشنة لحم او دجاج او كبده
    ومره سوي مرقة لحم او مرقة دجاج مع خبز بر وحطي فيها اعشابك اللي تبينها
    اهم شي يكووووون اكلك بر لانه مفيد للرحم

    وخذي علبة زبده وذوبيها وحطي معها دقيق بر وقلبيها على النار مدة 3 او 4 دقايق بعدين حطي عليها تمر ومويه تغطي التمر واستمري قلبيها الين يذوب التمر مررررره واذا ثقلت طفيها مررررررررررررره لذيذه ومفيده للنفاس
    وتقدرين تسوين منها كمياه كبيره وكل مره سخنيها بالميكرويف وكليها سوا مع قهوه او لحالها

    وولدك حاولي ترضعينه من صدرك تقريبا 10 دقايق بعدين شكريه لين يطلع الهوا من بطنه
    وكل مره شكريه بعد الرضاعه الصناعي كل ماخلص نص الرضعه ورتبي رضعاته كل ساعتين او 3 رضعيه وان شاءالله ماعاد يرجع معك
  3. @am_alsloan

    بالنسبه للنفسية دايمن كرري (لا اله الا انت سبحانك اني كنت من الظالمين ) وحاولي ما تجلسي لوحدك
    وانا مريت ببكري بحالتك فتره وتعدي ان شاء الله
    واكلك قسميه لا تاكلية كله ولا تشربي مع الاكل ماء
    وولدك اعطيه الحليب ضد الاستفراغ موجود في الصيدليه
    ولا تشربيه حليب كل شوي عشان لا يستفرغ موشرط كلما بكي يعني جيعان ممكن يكون ممغوص وممكن يكون يبي ينام ولا تنسي تجش+ئيه
  4. @l_o_l_o_h

    أختي أذكري الله وداومي ع الأستغفار وكما قالت أختي غرشة توت نظمي أكلك ولاتهملين صحتك انتي نفاس
    وطفلك اذا الحليب مو مناسبه روحي لدكتور يغير له نوع الحليب ويااااكثر ماغيرنا بحليب اطفالنا لين وجدنا اللي يناسب أهم شي باستشاره طبيه
    واذا اقنعتي نفسك من الداخل انك بخيير وأمورك تمام وربك رازقك من واسع فضله بتتغير نفسيتك
    بس هذا الشيطان أعوذ بالله منه يعبي في راسك ويضيق نفسك ويخليك تكتأبين 
    وآسفه طولت عليك ومبروووك المولود والحمد لله على سلامتك

تابعي تجارب أخرى من هذا القسم.