بنات الله يسعد كل وحده ترد علي قبل الساعة7ص
السلام عليكم بنات الله يجزاكم خير بنتي بثنوي وكان امس عندها اختبار تقول جيت انا ومجموعة بنات بس باقي الفصل مااكتمل تقول جالسه اراجع الماده تقول مو بس انا في غيري تقول جت المدرسه اخذت الكتاب وارمته باالارض تقول اقولها وش معنى انا كل البنات ماسكين الكتاب تقول قلت لصديقتي هاتي الكتاب قالت المدرسه لا خليه مرمي تقول جت ورمت المويه بيدها من علي الطاوله واضربتني في ظهري تقول قلت لها خير لاتمدين يدك قالت اطلعي برا يامتخلفه تقول بعدين رجعتني وجالسه احل تجي تتريقي علي خطي تقول خط وحده معاقه تقول رحت الاداره واشتكيت عليها قالت الوكيله اصلا هذا طبعها واحنا تعبنا معها خلاص بنكلمها لك وبنتي مقهوره وتبكي تقول دايم تدقق علي حتي لو البس اكسسوار تحاسبني وتجيب لي المراقب وباقي البنات لا وتقول لي تعالي معي للمدرسه وتفاهمي معها انا صراحه مادري كيف راح اعاملها اجيها باسلوب ولا اشد عليها المدرسه هذي مادرس بنتي ومعروف عنها حقت مشاكل عند بنتي وحده بالفصل عندها اعاقه برجولها تناديها يامعاقه وتقول للبنات اضحكوا علي المعاقه ودايم اللفاظ هاالمدرسه ووجع وعمى