شاركي في النقاش

سجلي الدخول لإضافة تعليق.

التعليقات

84
  1. @om_tamara

    انا في ولادتي الاولى رحت المستشفى في الكشفية الاسبوعية حقت الشهر التاسع وكشفت عليه الدكتورة لقتني ٢سم وكتبتلي زيت خروع من الصيدلية وقالتلي اشربيه وتعالي بكره
    رحت البيت وشربتو مع توت وبعدها بكم ساعة والمغص يجي بس مش منتظم
    وفجأة الاقي نزل مني الدم وعلى طول عالمستشفى طبعا بكرية وما اعرف خفت اني استنى اولد على نفسي وانا في الطريق معايا المصحف واقرا في سورة مريم
    رحت المستشفى لقيوه ٣ سم ودخلوني غرفة الولادة وممرضة تدخل والتانية تطلع وكل شوية تجي وحدة تكشف عليه من تحت تشوف كم سم اخر شي صرخت على وحدة منهم وقلتلها اقسم بالله لو دخلتي يدك فيه لاقطع اصباعك انفجعت وخرجت ماعاد شفت دي الممرضة نهائيا
    وقاعدة على نار بعدها بكم ساعة جاتني القابلة تبغى تشوف كم سم لقتو ٥ سم قلتلها خلاااااص ابغى ابرة الظهر وماشاءالله مافي ١٠ دقايق الايجي دكتور التخدير ويحطلي هي ولله الحمد فرررررق مو طبيعي والله انها رحمة من الله
    المهم صارت الساعة ٤ عصر الا تدخل علية دكتورتي والممرضاتوخلاص كشفو لقيو ١٠ سم والحمدلله ولادتي كانت جدا سهالة بس في مشكلة للأمانة بخصوص ابرة الظهر وقت لمن تقولي الدكتورة ادفعي ما ادري ايش اسوي ويخاصموني ويزعقو وماني قادرة اتحكم بالدفع نهائيا الافي الاخير قدرت وبنتي الله يحفظلي هي ساعدتني وكانت سهلة في نزولها
    وخيطتني وسوت كل شي وانا ماشاءالله برضو مني حاااسة
    بس اللي عذبني الخياطة صرت اقول لامي ليش ماقلتو قبل ان الم الخياطة كدا حرام والله غشيتوني
    احسها كاني احد شارطني بموس وحط فوقو ملح وليمون والله ما اكدب هذا احساسي كان طول العشرة الايام اللي بعد الولادة وياريت لو عندكم يا بنات نصايح لدا الالم الفظيع كيف الواحد يخففو لاني والله كنت مني قادرة اقعد ولا ارضع بنتي ولا اسوي اي شي في حياتي مرررره عذاب ومو بس في بنتي الاولى حتى ولادتي التانية كانت نفس الموال
    والحمدلله وماشاءالله ربي رزقني باجمل واغلى بنتين في الدنيا والله يجعل اللي في بطني ذكر سليم معافى صالح وبار ياااارب العالمين