والله يا ام سوسو الدوره اثرت فيني كثير
كنت مسويه جدول له سنه عندي ع الثلاجه مو قادره امشي عليه ابداً والسبب حجم الجدول احسه مليان كلام فاضي
بعد الدرس الثاني سويت لي جدول وكان بسيط جداً وحطيته في ورقه ولونها وحطيتها بجانب التلفزيون بغرفه بنتي لانه اكثر مكان اناظر فيه ..<< لان جلستي مع بنتي
والعنايه بالجسم وتدليل النفس صار له طعم ثاني وصار يعطيني حيويه بالاول كان الزيت والقناع ع البشره مثل الامر والواجب بس اللحين صار متعه وتنفيس
والامور العاجله والمهمه صرت احاول اتهرب هالاسبوع من النت ومن التلفون عشان ما اكون في غير هام وغير عاجل
اللي احاول الوصول له ابي الامور المهمه وغير العاجله تسيطر ع يومي لان فيها متعه وتحقيق اهداف واستفاده من الوقت
ان شاء الله اذا دخلت من اللابتوب اعرض صوره جدولي
اليوم وانا ابي اقوم من النوم الفجر كنت كسلانننه لكن اتذكر كلامك واقول في نفسي لازم اقوم انا الكل يعتمد علي لازم اقوم انا الرئيسه هنا بالبيت قعدت اعزز نفسي عشر دقايق عشان ابعد الكسل والنوم عني واقوم
الف شكر لك غاليتي ام سوسو اثرتي فينا وافدتينا كثير
(الأسئلة والمناقشات +حل التمارين ) دورة كيف تديرين مملكتك بنجاح ؟
متابعة النقاش، صفحة 172