ماهو الاسلوب الامثل مع / زوجة اخي تخبي عنا ..معدل

خلوها في حاله وهيا حره اذا بتخبي او تتكلم خاصه لما يكون شي يخصها ماعليكم منها

يا أختي الله يهديك وش لكم فيه حياتها وهي حره تعلمك ولا ما تعلمكم
الان وش ضركم انكم ما تعرفون اسرارها ما اتوقع فيه ضرر ممكن يصيبكم اذا ما عرفتوا
واذا قصدك على انكم تسمعون من الناس عادي سوو نفسكم تعرفون الخبر وانتهينا
والله عن تجربه ان قضاء كثير من الحاجات بكتمان يخليها تتيسر عكس اذا عرفوا الناس حتى اهل الوحده ما هو لازم يعرفون كل اخبارها
بقلك تجربة احنا اذا سافرنا بالبر ما نعلم احد لحد ما نوصل للمنطقه الي فيها اهلنا والحمد لله كل امورنا متيسره
وفي مره خبرنا بسفرنا والله انفجر علينا الكفر وهو والله جديد ونجينا من موت محقق ياربي لك الحمد صحيح ان كل شي بقدر الله لكن الواحد يعمل بالاسباب ومن بعدها ما عاد خبرنا احد بسفرنا
فانا من الناس المؤيده لقضاء الحاجة بسرية وكتمان طالما ان الامر ما فيه فايده ان الناس تعرفه فليش انشر خصوصيات في كل بيت نصيحة اتركوها في حالها ولا تتدخلون في حياتها حتى ما تفتحون على نفسكم باب مشاكل

على كيفها حبت تخبر أهلا وسهلا .. ما حبت تخبر علينا وعليها حفظ الله

الله يفرج همكم يارب ..!