بنتي وزياده وزنها فجاه ......... دخيلكم عطوني افكار

السلام عليكم
شحالكن خواتي ........ عندي بنت عمري ست ونص وفجاه زاده وزنها صارت تلبس بنطلونات مقاس 10 سنوات ومسويه كروشه حتى صدرها بدى بارز ..... انا مب مصدقه انها صارت جيه على عمرها كانت رشيقه واي لبس البسها حلوه عليها بدون مايبرز جسمها والحين كل مالبسها لبس يبرز جسمها وهالشي انا ماريده
وبالنسبه للاكل ماتاكل وايد مقالي اكثر شي تحب الفروت والخضار المشكله ماشي عدالنا حديقه او شي اقدر اشركها فيه وماشي وقت ترجع 3 ونص من المدرسه



لا تبخلون عليه بافكار اخليها تتحرك صاير كسوله وكله تقول تعبت ماقدر اباها تنزل وزنها شويه ومحد عدالنا يهال تطلع تلعب عندهم منطقتنا يديده ......... ضميري مانبني انه زاد وزنها فديتكم لاتبخلون عليه بالافكار هيه عندها اخت اصغر عنها عمرها سنتين ونص واخوها الكبير عمره 11

22 تعليق 6,917 مشاهدة

شاركي في النقاش

سجلي الدخول لإضافة تعليق.

التعليقات

20
  1. @art_designer

    الله يكون بعونك بس انتبهي للاكل واحرصي يكون صحي وماتكثر من النشويات والشبسات والشوكلت يعني السعرات الحراريه بوجه عام

    ولو توديها لدكتوره تشوف الهرمونات وتطمني لايكون مشكلة صحيه لاسمح الله الله يحفظها لك ويقر عينك بها وبأخوانها
  2. @aamry_lhthat

    صادقين البنات اذا اكلها طبيعي يعني ماتكثر مقالي ونشويات وشبسات وشوكلاته

    فاكيد الغده او الهرمونات مسؤله وديها لمستوصف ع طول لاتفكري كثيير

    دعواتك

تابعي تجارب أخرى من هذا القسم.