السلام عليكم
انا ابغا رايكم بموضوع
انا جدتي راحت لشيخة بالرياض وتقول انها معروفة وكويسة ودلوها حريم عليها
وراحتلها جدتي عشان تقرا على عمتي وهيا تقرا تستفرغ الله يكرمك الشيخة
وبعدين ماقرات قران تقول عمتي كانت تتكلم كلام غريب مو مفهوم وبعدين ترجع تتكلم عربي
وقامت جدتي سالتها عن ابويا لانو اوضاعه مو تمام له فترة كذا
قالت جدتي جلست تتكلم كلام غريب وقالتلي انو عمته ام زوجته سوتله سحر وشربته وقالت كلمة بول مدري ايش تقصد
وقالت انو هيا بتوقف في طريقه وطريق عياله خذو من اثرها
وانا مستغربة والله وحابة احد يفيدني هذي شيخة ولا عرافة
لاني خفت وشكيت مافي شيخ يقول مين سوالك سحر او عين
وتتكلم كلام مو مفهوم بس عندها حريم كثير يتعالجو عندها
واعطت عمتي علاج المرة واشياء تقول انو مقري عليها
جزاها الله خير اللي ترد عليا
:)
الموضوع مغلق