تزوجت 3 مرات تعبااانه نفسيا

مساء الخير
اخباركم بنات

انا تزوجت 3 مرات

ولله الحمد كلهم كانوا طيبين وكريمين

زوجي الحالي فيه كل الصفات الزينه
ماشاااء الله قولوا تكفون

كريم حنون طيب لكن فيه عيييب انه مايخليني اصل قرابتي

اهلي اي وقت ابيهم يوديني لكن يزعل اذا رحت لاعمامي عشان كنت متزوجه ولد عمي

واخوالي لاني كنت متزوجه اخو زوجة خالي

تعبت اي عزيمه يمنعني :frown:
بس اذا جايين عند اهلي اعمامي او اخوالي عادي

تعبت منه ودي اصل رحمي يقول بالجوال يكفي

وش رااايكم اكلم امي تكلمه لاني تعبت وانا اطلبه
وهو يحب امي مررررره ويحترمها ولايرفض لها طلب



وجزاااكم الله خير

مع العلم عندي بنت وحده


الله يهديك يادانية وش هالرد والله ماني مبسوطه اني تزوجت 3مرات بس نصيب
الاول جلست معاه 7سنين ولاحملت قال بتزوج وما اقدر افتح بيتين والثاني كان مسحور وتجدد سحره كل ما تعالج تعبت معاه وتطلقنا
والثالث هذا زوجي جبت منه بنت
ليه ياختي هالاسلوب وش سويت لك

104 تعليق 23,126 مشاهدة

شاركي في النقاش

سجلي الدخول لإضافة تعليق.

التعليقات

100
  1. @mgnon_shaaolty

    يااختي كفااية تعب وكفااية اللي انتي فيييه نصيحه لك من قلب والله ماعرفك ولاتعرفيني بس ابي لك الخير

    طيعي كلااام زوجك وامشي معااه بالسياسة خليه يمنعك خليه يسوي اللي يبي داامه انساان محترمك ومقدرك واخلااااقه معاااكي كويسة ان شااء الله راح يطخ لكن الحيااة يبيلها صبر وتذكري مافيه شئ يظل على حاله تعالي له مرة مرتين باللين والطيبه والكلمه الحلوووووة
    وربي لاتجيبين راس اسيااده


    لاتدخلين امك ولاتدخلين اي احد من اهلك بحياااتك خلااص تعلمي وحاولي تتمسكين فييييه علشان حياتك معااه ودامه اهم شئ يخليك تروحين لاهلك واعمامك وخوالك موجودين نعمممممه وفضل وربي لو احد غيره كاان منعك عنهم مرة وحده

    لاتخسرين زوجك علشان طلعااات ومامنعك تروحين بيت عمك الا من باب الغيييييييييييييييره ويمكن يشوف شئ انتي ماتشوفينه الرجال نظرتهم غير
    وانا قلت دامه طيب وحنوون واخلاقه مرة اوكي بيتعدل بس يبيله مدرااة اكثر ودلع بزياااده

    الله يخليه لك وياارب تكون اخر زيجه لك وتستمرين معااااااااه لمدى الحياااااة
  2. @hrfalghla

    من رايي لاتدخلين الوالده بمشاكلكم روحي لأهلك بالوقت اللي تحسين هم فيه ويكفي إنك تشوفينهم هناك وكلميهم وسلمي عليهم بالجوال
  3. @decision

    مانافعك لا اعمامك ولا خيلانك
    مانافعك الا زوجك
    مدام مامنعك من اهلك اصبري ولو طنشتي الموضوع هو راح يسمحلك مع الوقت
    لاتزنين لانه اذا شافك مصره راح يرفض
    بعدين قولي الحمد لله انه يغار عليك ويحبك الف ماشاء الله تبارك الرحمن
  4. @mona_raja

    استديمي العافية وطاوعي زوجك مو لازم تزورين احد المراة مو كل يوم لها رزوج حنى بنات ماتزوجنا وحن صاكين الثلاثين وزود اخزي ابليس وحافظي على بيتك

تابعي تجارب أخرى من هذا القسم.