نصائح للبنات قبل زواجهم........

السلام عليكم

يقولون احلى ما في الزواج ايامه الاولى وهو ما يسمى بشهر العسل

وانا اسميه شهر الدلع

في هذا الشهر تكثر الروحات والجيات للمطاعم

وخاصه اذا كان الزوج مسوي فيها متمدن

ما غير يجرجرك من مطعم لفندق

هذي كم نصيحه من اخوك القروي مثلك

اذا وداك زوجك لمطعم في ايام العسل الاولى:


1-- الأول لازم تعرفين إن الشوكة والسكينة يمسكونها مع الطرف
يعني مهوب مع الوسط ولا مع البوز كنها خنجر ولا من فوق طبعًااا

2- الخبز:

اذا جابوه لكم مهوب تفشلينا تمسكين الخبزه بيديك الثنتين وتقسمينها نصين كنك عند فوال والا تدعسين خبزه وش كبرها في فمك كنك بتدخلين شريط كاسيت.. لا تقطعين الخبزه بالسكينه شوي شوي وتاخذين منها قطع صغيره مع الحمص او غيره بزعمك نفسك مسدوده


2-الشوربه
الله يرحم والديك تكفييييين
الشوربه جزء مهم في جدا.. اشربيها من غير صوت حاره بارده بدون صوت .. ولا تقعدين تنفخينها كنك واحد ينفخ حجر الشيشه ..
وطبعا بالملعقه مهوب ترفعينها كنك تشربين حليب خلفات في غظاره؟؟
وتتركين ثلث الصحن مليان مهوب تلطينها لط كنك جايه من الصومال


4- الرز
تاكلينه بالشوكه .. ايه بالشوكه مهوب بالملعقه .. ويكون اكلك كنك تبوسينه مهوب تاكلينه.. وانسي اللقم اللي تدلقمينها في بيتكم ولو مؤقتا

5-المكرونه
هذي بعد بالشوكه مهوب بالملعقه
تلفينها على طرف الشوكه وتحطينها في فمك وانتي ساكته وبدون صوت.. والا ترى ما تدرين الا الهيئه طابه في بطنك انتي وزوجك اللي ما له ذنب



6-السمك..
تشيلين اللحم عن الشوك وشلون مدري..
واذا خلص مهوب تقلبين السمكه للجهه الثانيه عن الشفاحه انتي ووجهك
والا تدرين وش تبين بالسمك؟؟؟
بيخرب كل شي.. تقطيعه غثا واكله غثا .. قولي له انك ما تحبين السمك وافتكي لين الله يفرجها
والا قولي له اني كلته مره وشمتن ريحته امي وحسبتني سكرانه خخخخخخخخخ


7-الجمبري

اذا شفتيه.. هذا اذا عرفتيه اصلا.. طالعيه بقرف وسوي فيها انك مالتن منه في بيتكم ولايعتن كبدك منه وافتكي منه.. الا ان كانه مقشر وجاهز كلي لك حبتين وبعد ما يغصبك عليها



8-البطاطس
مهوب تخمين منه بيدك وتسفين.. لا خذيه حبه حبه بالشوكه وتاكلينه وانتي خانقتك العبره انك خربتي برنامجك الغذائي<<<<ايه هين



9-الفاكهه

لو اكلتي فاكهه فيه بذور مهوب تقعدين تتفلينها بوجه الرجال.. طلعيها من فمك بالراحه وكنك تمسحينه وحطيها بمنديل بدون ما يشوفها -ok-


10- الحلى

طبعا ارفضي رفضا قاطعا انه يطب بطنك الا ان كان زوجك حلف بالطلاق ان تاكلين.. وفي الحاله هذي اذا كان الحلى كيك مثلا بطرف الشوكه تاخذين لك ريحه منه عن الحلف بس والا انتي سعابيلك تخرخر من جوا



11- اذا خلصتوا حطي يدك على بطنك ..اللي يا حياتي تقرقر من العينات الخفيفه اللي كلتيها وقولي له الله يهديك خليتني اخرب برنامجي الغذائي ..لازماوقف اكل اسبوع

بعدين تاخذين الفوطه اللي دايم على الطاوله مدري وش سنعها وتبوسيها ينقال لك تمسحين خشتك برقه ودلع

12- بعدين تستاذنين منه انك بتروحين لدورة المياه تضبطين مكياجك وترتبين نفسك
واول ما تدخلينها تسكرين الباب

0
0
0
0
0
0
0
0
0
0
0
0
0
0
0
0
0
0
0
0
0
0
0
0
0
000000
0000
00
0

وتطلعين المطبق والفلافل اللي موزيتها بكيس في الشنطه

وتسفينها سفا مبرحا


وبالهناء والشفاء


واخر شي اتمنى لكي شهر عسل كله سعاده وهناء
تحياتي

منقوووول

14 تعليق 1,446 مشاهدة

شاركي في النقاش

سجلي الدخول لإضافة تعليق.

التعليقات

14
  1. @mtaa_alhdyth

    ههههههههههههههههه
    مع أني معرسة منذو مبطي , بس تليقفت عشان أتذكر أيام زمان ,
    حلللللللوة ,
    يسلموووووو .
  2. @alaml111

    هههههههههههههههههههههه ههههههههههه ههههههههههههههههه
    اسكتي بس خليها مستوره لاتفضحينا
    يسلموووووووووووو

تابعي تجارب أخرى من هذا القسم.