السلام عليكم ورحمة الله
هذا الكلام اسمعه كثير من اللي حواليني (بتطيحين من
طولك) و(بينهد حيلك) ( عمر الشغل بالبيت كان رياضة
وصحة) ( بتعجزين قبل وقتك) ( بتهملين نفسك و زوجك)
( ما ينفعك احد اذا طحتي - اهتمي بنفسك
وحبيها) ( بتستغنين شهر وبعدين بترجعين تقدمين)
سامحوني اخواتي على هذي الكلمات بس هذا اللي
اسمعه وما كتبت الموضوع الا علشان آخذ الكلام من
افواهكم انتم اللي عايشين الوضع
فهذي العبارات تضيق الصدر وخلتني مترددة مع ان لي رغبة
شديدة في الاستغناء عنهن
اخواتي اللي استغنو عن الخادمات من فترة ما هي قصيرة
هل كان شغلك ببيتك لوحدك تأثير سلبي على صحتك
وشبابك
يعني هد حيلك واهملتي نفسك وصار عندك آلام بجسمك
وظهرك
ولا على العكس صحتك شفتيها تحسنة عن يوم كانت
عندك خادمة وتشوفين نفسك انشط من أول ونفسيتك افضل
وبالنسبة للزوج حس باهمالك له وانك ما تفضين للجلوس
معاه ولا التسنع له ولا السهر زي يوم الخادمة موجودة
ولا العكس ما تغير شي وصرتي تهتمين فيه اكثر وهو مرتاح
اكثر من عدم وجودها
كل اسئلتي هذي لاني ودي استغني عن الخادمة مليت
من وجود غريبة في بيتي ومتحمسة من كثر ما قرأت من
اللي استغنو عنهن بس مترددة
ردودكم باذن الله بتخليني اتخذ القرار باذن الله
ابي تجربة اللي مستغنية من سنة واكثر والعائلة كبيرة
انتظر ردودكم وتجاربكم أخواتي في الله لا تبخلون علي
واحتسبو الاجر بطرح تجربتكم
أحبكن في الله:39:
شاركي في النقاش
سجلي الدخول لإضافة تعليق.
التعليقات
93- السلام عليكم ورحمة الله
اختي حجر القاعده في الأمر قناعتك انتي
انا بدون خادمه لفتره طوييييله بفضل الله
بالتنظيم وتقسيم الأعمال المنزليه كل شي يكون تمام
اعني انك ماتقومي بالبيت كله دفعه وحده خاصة اذا كان كبير زي وضعي
كذا تتعبي تتعبي بقوه
لكن لما تقسمي اشغالك وتمشي على تقسيمك صح
امورك بتكون تمام
وما ح تقصري مع زوجك
ولا مع نفسك
خصوصا اذا عرفتي كيف تعوضي نفسك وتكافئيها بعض الايام
انا كنت ماشيه كذا ومرتاحه الحمدلله
وانتي عارفه هموم الخادمات
طبعا بالنسبه لي تغيرت اوضاعي وتوظفت
بعد الوظيفه مااستطعت امشي بنظامي مضبوط
واحس اني تلخبطت جدا
لأن معظم اعمالي كنت اعملها فترة الصباح
لكن مع الوظيفه صرت اطلع صباحا وتغير الوضع
///
زبدة الكلام
اذا عرفتي كيف تقسمي اعمالك
وكان زوجك وهالشي مهم جدا
كان متعاون وراغب هو بقاء البيت بلا خادمه
سيعينك كثيرا ( نفسيا ع الأقل ) وان لم يتعاون فعليا
ومهم ايضا
انك تعودي اطفالك اذا عندك اطفال على انهم يكونوا مسؤولين عن افعالهم
بمعنى يحسوا
انك انتي اللي تتعبي في البيت ف لازم يتعاونوا معك
كل منهم حسب عمره
ولا تقولي صغار ما يعرفوا
ترى التعويد مهم
واولا واخيرا
استعيني بالله
ولا تنسي التسبيح قبل النوم
وفقك الله واعانك
وبارك لك في وقتك وصحتك وجهدك - رفع
- صراحة احنا من صغرنا ماعندنا شغاله
تو امي جابتها يوم كلنا تزوجنا
والحمد لله عايشين احلى عيشه ولاعجزنا ولاشي
وحتى كل جماعتنا مافي بيت عنده شغاله
مدري احس الشغله تعويد انتو تعودتو على الشغالات عشان كذا صعب عليكم تستغنون - أنا ما عندي ًمن ثلاث سنوات موظفة وعندي اربع اطفال
البداية كانت صعبة لكن مع الوقت فهمت اللعبة ولعبتها
تكتشفين انك تحطين في البيت اشياء كثيرة مالها داعي
تتخلصين من ادوات والعاب وكراسي وملابس تشكل
عبء على البيت
تستغنين عن أشياء كثيرة كنت تحسبينها ضرورية
مع الوقت يتعود سكان البيت كيف يعتمدون على أنفسهم
ويشيلون من تحتهم ويستهلكون أشياء أقل
تخلق في البيت حياة جديدة تعتمد على الثقة بين الجميع
يخلق أناس أكثر انتاجية وفهما لقانون الحياة
أكيد بتتعبين لأن الوصول إلى كل هذا يعتمد عليك
كتب الله لك الخير في كل أمورك - والله يالغالية أنا من يوم كنت في بيت أهلي شغالة
وتزوجت وعندي شغالة وجلست مدة طويلة ماتروح وحدة إلا الثانية جاية قبلها
بحكم أن عندي اطفال تؤأم وصغار وجو ورى بعض
اللي بينهم شهور فقط !
وبيتي كبييييير فيلا دورين
ومن فترة وبعد ماشفت بلاويهم
قررت استغني عنهم
وتوكلت على الله واستخرت وقررت واستغنيت عن الخادمة
وسفرتها .. صحيح في الأيام الأولى من سفرها فقدتها
لكن والله العظيم ماتتصورين الراحة النفسية اللي احس فيها !!
ومع الوقت نظمت وقتي وتعودت اشتغل لوحدي وفي مملكتي
واحسست والله بعد رحيلها بقرب زوجي مني
وأنة يرحمني ويتنازل كثير عن طلباتة اللي كان معتادها
وبإرادته !
اصبح جو البيت جو الفة وترابط ودفء !!
والحمد لله لا اهملت نفسي ولا نهدت صحتي !!
بالعكس اصبحت عندي لياقة بدنية عالية وأفضل من قبل !
اصبحت حركتي خفيفة في بيتي
نظمت وقتي وعملت لي برنامج ثابت للتنظيف !
وعندي شيئين اثنين لااااايمكن أني اؤأجل اعمالهم لليوم الثاني !!
غسيل الملابس والمطبخ !
بصراحة وصدق .. ارتحت جداً على هالطريقة والتنظيم
اي ملابس ترمى على طووول احطهم بالغسالة وعلى الدولاب على طول
بتلاقي حمامي على طووول نظيف ومرتب ومعطر
وكذلك المطبخ الدواليب ما احوس فيهم ارتب كل شيء بوقتة
والمواعين على طول اغسل اي شيء يكون في المجلى واحطة في السلة
واحيانا انشفة بسرعة وارجعة واحياناً بنتي اللي بخامس الله يحفظها
تأخذ المطبخ عني وترتب المواعين
وتغسل الأرضية وتمسحها تحت أشرافي
والحمد لله الحياة ماشية
صحيح احياناً تتعبي بشغل البيت بس
والله تعب له لذتة !
واهم شيء الراحة النفسية والحمد لله
مواضيع مشابهة
تابعي تجارب أخرى من هذا القسم.