₪Ξ❤Ξ»¯−_ღ أحلى تجـمع للحوامل الرابطات (ربط عنق الرحم) الـثامن والعشرون ـღ_‗«Ξ❤Ξ二₪

انا خايفه حدي مثلك nmomo55 بس كيف يعني قصر طول عنق الرحم عندك ولا لان الداخلي اوضح ياليت بفيدونا المجربات
خفت انا والله انا بالسونار اللي ع البطن تقول لي كل مره 3.3
يعني اذا سويت الداخلي بيكون اقل؟! :(
انا خايفه ومتوتره بقووه اخاف مااعمله واندم واخاف اني اعمله اووف مشتت فكري
بس ان شاء الله ارتاح بكره بعد مااسوي السونار
والله يتمم لنا يااارب

الله يجزاك خير ي لحظة حلم
انا دخلت الاسبوع ١٥ على حساب اول يوم دوره
يا الله من جد خاايفه ومرعوبه بس هي قالت لي لو كان عندك عنق الرحم قصير او لين كان من لما نزل ماء الجنين في الاسبوع ١٤نزل الجنين معاه تقول لي ان مافي مشكله ف عنق الرحم لان لما نزل علي الماي كانوا ينتظروا ان البيبي ينزل وطوّل مانزل الا بالاسبوع ١٨
بس انا لما نزل نزل بروحه
ادعو لي بنات
اللي فيه الخير يسويه رب العالمين

نمومو
بحكيلك اللي صار معي....
انا حملت ولما وصلت السادس جاني طلق وولدت ومات البيبي الله يشفع لي فيه
بعدها بفتره حملت ولما وصلت بداية الثالث رحت للمستشفى على اساس راح يعملو لي ربط فلما طشفت علي الدكتوره قالت عنق رحمك وطوله مره طبيعي وماتحتاجي ربط بعدها دخلت على استشاري وقال لي نفس الكلام ماتحتاجي ربط لان عنق رحمك كويس ......صدقتهم ورجعت للبيت
مرت الاشهر ولما دخلت السادس جاني نزييييف وطلق وولدت وتوفي البيبي الثاني (الله يجعلهم شفعاء)
يعني صرت ضحية دكتوره ودكتور فااااااشلين انا ماادري ايش راح يخسرو لو عملو لي ربط!!! لكن قدر الله وماشاء فعل
في حملي هذا اللي اسأل الله ان يتممه غيرت المستشفى فلما حكيت لهم عن اللي صار لي قررو لي ربط على طووول وربط في نصف الشهر الثالث وعسى الله يتمم لي ولكم على خير..
الخلاصه//:/::::::
١-صلي الاستخاره صدقيني ربي ماراح يضيعك
٢-انصحك وبقوة انك تساوين ربط صدقيني العمليه جدا بسيطه ومافيها الام وكله يهون عشان البيبي
فكري بكلامي واستخيري ربك

طيب ضايعة

انا اول حمل نزل الموية ثلاث ايام او اكثر وانا مادري ان هذي مويه احسب افرازات ولارحت ولما رحت الدكتورة غبيه ولا كشفت واهطتني تحاميل وبس

وزاد الطلق والدم ولما رحت قالو ولادة خلاص وولدت

شوفي انتي لما نزلالجنين بالاسبوع ١٨ هل جاك طلق والم قوي والا نزل الجنين فجاة؟؟ والا نزلوه بطلق؟

لان برايي لو نزل بالم خفيف او بدون الم فانتي تحتاجي الربط مليون بالمية وبدون اي نقاش

والله يكتب لك الخير والدكتور الكويس ويتمم للجميع ياااارب

السلام عليكم لكل اللي مترددين لعمل الربط (ضايعه بهمومي )اتمني ان تكون قصتي تساعدك تتخذي قرار .....انا اجهضت الاول 17 اسبوع وكله كان عندي نزيف ..ففي الحمل الثاني مافي نزيف فالدكتور قال الاجهاض صار بسبب النزيف وقال خلينا نتابع عنق طول الرحم بواسطه المهبل في كل مره الطول ممتاز 4سم واكثر تري انا في امريكا وفي احسن المستشفيات بعدها في ليله مافيها ضو قمر حسيت بالم عند 17 اسبوع لما رحت المستشفي شافوا ان عنق الرحم قصر فجاه حتي صار 1ونص سم فسوو لي ربط علي السريع استمر الربط 3 اسابيع وانفتح لان سويته متاخر وقدر الله وماشاء فعل والحمد لله علي كل حال ...الحين سويت ربط عن طريق البطن و***** الله ربي يكمل علي وعلي كل خواتي في هذا القروب بالحمل السليم المعافي ................صلي استخاره .......ودايما في هذي الحياه في قرارات انتي تتخذيها بنفسك وعلي مسؤوليتك .......وحتي الدكتور اذا اصريتي علي شئ ماله دخل .....وحطي في بالك هذا ولدك وهذا جسمك وهذي حياتك ....خليك شجاعه في اي قرار انت تاخذيه لانك انت وحدك عارفه مصلحتك وين .....استعيني بالله في كل خطوه تسويها ........وقولي يارب دبر لي فاني لا احسن التدبير و***** الله الله يلهمك بلي فيه فايده لك ......اتمني اني اكون ساعدتك