زيارة النفاس ..عيادة مريض ام عاده اجتماعيه متكلفه ( موضوع للنقاش)
متابعة النقاش، صفحة 6
شاركي في النقاش
سجلي الدخول لإضافة تعليق.
التعليقات
28- موضوعك روووووعه حنا من زماااان مبطلين هدايا نهدي بأول ولاده وبس والباقي زياره مغربيه ولا عصريه وبس واخذ معي يا ك يكه او حلى والحمد لله وعن نفسي ما احب اتكلف ولا اهتم بتوزيعات ولا غيره لانه كله تكاليف على الفاضي
- الموضوع جميل لكن عندي تعليق على كلمتك
مره ماحبيت كلمتك ام الزوج تطفح
معليش بس عيب هالكلمه تقال بحق امراءه كبيره جايه بيتك كضيفه
مع احترامي لك بس الجمله داخله غلط بالموضوع
تعليقي على زيارات النفاس
طبعا الان في شكلين دارجين من الزيارات
الشكل الاول الناس البسيطين الي يجونك ب اي وقت وجايبين قهوتهم وغداهم وعشاهم
وممكن حتى مايتصلون قبل او يتصلون قبلها بساعه ساعتين
والزوار من هالنوع ممكن يجونك بعد ولادتك بيومن ثلاث ويقهونك ويوسعون صدرك
ويطلعون
النوع الثاني يكون استقبال بعد ماتولد الوحده بشهر يتجمعون عندها اهلها واهل زوجها وتقابلهم مره وحده
طبعا بالحاله الاولى ناس جايينك وتوك تعبانه فشي طبيعي ماراح اكشخ ولا اتكلف ولا شي
اما بالحاله الثانيه تكون الزياره بعد شهر او 25 يوم فعادي الوحده تلبس جلابيه ناعمه او فستان بسيط وتستقبل ضيوفها بالمجلس من غير سرير ومفرش وخرابيط
بالنسبه للاستقبال نتعامل معه كا اي مناسبه يعني نجهز حلا وقهوه ومعجنات وعصاير لضيوفنا لان غالبا الوالده هي الي تحدد يوم الاستقبال
بالنسبه لي افضل الاستقبال وماعندي مانع اتكلف واجهز ضيافه
ولا الطريقه الاولى كل يوم وحده جايتني
انتي تخيلي مثلا وحده والده فبيتهاوعيالها يدرسون ومشغوله مع البيبي وكل يوم وحده زايرتها
وتخيلي هالوالده بشقه مثلا وزوجها بالبيت مو قادر ياخذ راحته بسبب دخله وطلعه الحريم
والا وحده عند اهلها وعندها اخوان يدرسون وابوها موظف وعايشين بروتين منظم
وفجأه ينقلب هالروتين وضيوف طالعه وضيوف داخله شي طبيعي بيكون الوضع مزعج لهم
لكن وضع الاستقبال اريح وافضل بالنسبه لي طبعا
يوم محدد يكون ويكند الرجال طالعين ومشغولين بهاليوم والاطفال ماعندهم مدارس ونجتمع من غير ضغوط
ومنها الوالده تكون ارتاحت واستقبال الضيوف مومتعب لها
هذي وجهة نظري قستها على ظروفي وشخصيتي انا
لكن في ناس تفضل الطريقه الاولى - اول غير الحين
اول يجوون يزورون بكل وقت
الصبح يجيبون الفطور ويقومون بالبيت
وممكن تطبخ لك الجاره
ويدزون غداك وغدا عيالك
لو انت نفاس ببيتك
اذكر ان امي نفست بالبيت والله يديم النعمه
نحتار بالاكل من كثره شي ناكله وشي نوزعه
وشي نحطه للثلاجه احتياطا ههه وشي نكبه
واغلب الهدايا كانت فلوس كلن حسب مقدرتها
وحده تلف لك بالمنديل 100/200واذا كلش كلش 500
واذا بنوته قطعة ذهب صغيرونه
الاهل هم اللي يهادون بالملابس وتجهيزات المواليد
يعني خواتها يجيبون الملابس وحده تجيب السرير
العربيه وهكذا ..
الحين صار نظام الاستقابال بالمواعيد
تخيلو شفت بيت حاطين ورقه ع الباب
موعد زيارة بنتنا فلانه (ام فلان) يومي الاحد والاربعاء من الساعه 5 م الى 9م
؟؟!!
زيارة مستشفى مو بيت هههههه
صحيح الوالد يبيلها ترتاح بس عيب
موب سلمنا هالشي نقول للناس لاتجون الا بهالمواعيد
ثم لاحظي ان العالم ينكبون عليك هاليومين
بيزدحم البيت ع الاغلب
ماحبيت الفكره .. الشهر الجاي بتجيينا اختي تنفس ببيت اهلي
واكيد الزياره مفتوحه
واليوم رحنا خذينا لوحده ولدت سلة كاكاو ب260 وحطت امي بظرف 200 ريال
وقررت ماتزورها.. بس بتوصلها لباب بيتها .
السبب ان ماشاءالله ناسها واااجد
وماودها بكره تكلفها بزيارة اختي بنفاسها .
مواضيع مشابهة
تابعي تجارب أخرى من هذا القسم.