اكل غدانا

مرحبا حوائيات انا متزوجه من شخص مطلق وعياله ساكنين لحالهم مقابلين شقتي وماعندهم شغاله وانا قايمه فيهم بصراحه ابغا الاجر من رب العالمين اذاكر لهم واغسل ملابسهم واكويها للمدرسه وطيبه معاهم مره احيانا نتغدا جميعا واحيانا لا يقول اعطي الادي لحالهم المهم وعنده ولد مررررره مدلعه مو صغير عمره 15 سنه وانا اتغاضى كثير بس احيانا اخذ بخاطري من مواقفه الغبيه اذكر لكم هالموقف وبالله عليكم يزعل ولا لا اليوم قالي اعطي الاولاد غداهم لحالهم واعطيتهم وطبعا كله بحساب يعني اذا اعطيتهم ابقي بس حق نفرين لي وله المهم هما اتغدوا ولما جهزت غدانا نادى ولده المدلل تعال انت اتغديت قال لا يابابا انا قلت له ليش ماتغديت مع اخوانك قال مالي نفس وقاله ابوه طيب اتغدا معاناوالله غدانا شويه بس حق نفرين وانا كنت جوعانه لاني مافطرت خلاص دمي فار ليه ماتغدا مع اخوانه وثانيا الوقت ماايسمح دايم بعد الغدا زوجي يطلبني xxxxxxxاسفه ع هالكلمه واساسا يادوب نجلس مع بعض هذا الوقت وطول الوقت الباقي اولاده عندنا في الشقه وانا زعلت وقتها وعصبت قمت من الغدا وتركته هو وولده ويوم خلصوا غدا قال زوجي لولده خلاص روح عند اخوانك وانا يوم جيت الم الغدا قال زوجي ليه ماتغديتي قلت تركت الغدا لولدك انا سويت اللي علي واعطيتهم غداهم ليه الدلع هذا وثانيا ليه مايتغدا مع اخوانه وتميزه لحاله ياانهم كلهم يتغدوا معانا يابلاش تجيبه لحاله والولد اتعود دايما جالس عندي لحاله عن ا خوانه الباقين مدلع بشكل يجيب المرض وزوجي الان زعلان مني مايشرب حتى الشاي من يدي وبصراحه خلاني اكره ولده هذا من تعامله البايخ وصار هذا الولد هو سبب مشاكلنا 3 مره نتخاصم بسببه بالله شي يقهر ولا لا وكيف اتصرف مع زوجي واحسسه اني على حق وانه غلطان واكبر غلط اللي تاخذ واحد معاه عيال حياتها تكون كلها نكد وتركبها مسؤوليه قبل وقتها ....

154 تعليق 20,533 مشاهدة

شاركي في النقاش

سجلي الدخول لإضافة تعليق.

التعليقات

147
  1. @ord_tshryn_1

    الاب راحم ولده ومايبي يحسسه بالنقص ويحاول يعوضه فقدان امه بالذات هالفتره خلاص كبير ومقبل على مراهقه

    واصلا كبير المفروض يجلس معكم

    لو ولدك مكانه بتحسين نفس الاحساس وتعاملينه نفس زوجك الان

    والله لا سمح الله لو ولدي فاقد ابوه لا ادلعه اكثر منن كذا

    ولدددددي قطعه مني
  2. @rog_shfaf

    مادري والله ماحس انه قضيه لو ولدك الي ماتغدى كان عسل على قلبك اكله
    ابوه ماتقدرين جردين مشاعره الابويه من ناحيت ولده مدلعه ميزه هو حر اهم شي ركزي على حقوقك انت
    ومنتي مجبوره تطبخي لهم بما ان زوجك حاط لهم شقه منعزله عنك خلاص خليه يجيب لهم خدامه علشان خلاص يصير زوجك يخصص له وقت مع عياله ولك المبيت علشان ماتشفوفين الولد المدلل وانت وافقت على شخص عنده عيال لازم تحملين لان له سلبيات وله ايجابيات اذا حتسبتي وعتبرتيهم مثل عيالك
    والله يسخرك لهم ويسخرهم لك
  3. @am_lyn_odym

    والله يجزاكي خير ويكثر من آمثالك
    بس طنشي ولاتشيلي صحيح حركته تنرفز
    بس ماعليه الله يأجرك آن شاء الله
    ولاتخليني هل الولد سبب مشاكل بين
    زوجك الله يبعد عندكم كل شر
  4. @klb_mnksr

    لو فكرتي زين وين المشكلة تزيدي الرزق واجد وربك مايضيع أحد بيتغدى ويروح لشقتهم والله ياأختي الموضوع مايسوى بس أنتي تدققين واجد
    عموما أدعي ربك يصلح حالكم ويبعد المشاكل والله الدنيا ماتسوى

تابعي تجارب أخرى من هذا القسم.