حبيت افضفض

الله يسعدكم ياللي رديتو علي حسيت من ردودكم اني مو لحالي خصوصا اني مره كتومه ولا احد من اهلي يدري عن ظروفي معليش غبت عنكم بس غصب عني
بعد ما ولد بنتي المريضه صرنا ندور علي بلد العلاج فيه مطور عشان وضعها مره معقد المهم رحنا علي بلد اوروبي لان زوجي مولود بالهادا البلد ومن حق بنته تاخد جنسيه هادا البلد والله انا اكتب لكم وابكي لمن اذكر اول ما رحت علي البلد والله يا اخواتي مافي اصعب من الغربه فكيف اذا كانت في بلد كفار ولغه غريبه وجو جدا صعب التاقلم عليه وغير دا كلو بدات بنتي العلاج والله اياااام من اصعب ايام حياتي كانت تطلع من عمليه وتدخل عمليه تانيه كانت مده كل عمليه اربع ولا خمس ساعات وهي عمرها اقل من سنه كان صعب علي كل مره اسلم علي بنتي قدام غرفه العمليه قبل لا ياخدوها مني وانا ما ادري تاني بشوفها ولا لا وكنت انام معاها في المستشفي بالشهور وزوجي يجي نص ساعه كل يوم ويقول والله انا ما اتحمل المستشفي ما فيني اجلس معاكم في كل مرض بنتي كنت انا المسؤله عنها كنت اتمني انه يساعدني شوي بس سبحان الله قلبو مره قاسي لا بالعكس كان دايما يصارخ ليش سويتي وليش ما سويتي كنت احس الغربه ومرض بنتي وكمان زوجي كلهم علي المهم الايام مرت وبنتي اتحسنت الحمد لله بس كانت تحتاج ادويه مره كتيره واهتمام اربع وعشرين ساعه زوجي صار يسافر كتيييير يجلس معانا شهر ويرجع بلدنا يجلس اكتر وفي كل مره يرجع بقصه غراميه وجواله مليان رسايل حب واخر مره سافر رجع من السفر وقال لي خلاص انا ابغي اتزوج والله مره اتصدمت لمن سالتو من هي قال وحده كان يحبها من زمان وعمره ما حب غيرها كلامو مره طعني يعني سبحان الله قد ايش اتحملت عصبيته وضرب واهانات ومرض بنتي ما كنت اطلب منه ولا شي وحتي تنازلت وعيشت مع اهله وبعد دا كله كدا يجازيني والله احس اني مره مقهوره تصدقو انا عايشه مع اهله بس زوجتو التانيه اول شي راح جاب لها بيت سامحوني اخواتي طولت عليكم بس احس قلبي محروق

كان الله في عونك

ياعيني عينك. 😭
والله حزنتني قصتك الله يشفي بنتك ويخليها لك ويفرج همك ياارب

طيب كيف وضع اهلك المادي ؟؟؟
ان كانو ميسورين الحال ارجعي لاهلك وعيشي معاهم كملي دراستك وتوظفي
تعيشين عمرك كله مع واحد مايحبك لييييش؟؟؟؟؟
اسأل الله العظيم ان يفرج كربتك ويعوضك عاجلاً غير آجل ويشفي بنتك ويحفظها لك ويجعلها باره فيك من عباده الصالحين
وثقي ثقه تامه بإن الله ماينسى عبده وكل شي يصير بحكمه ومستحييييل يدوم الحال
ان مع العسر يسرا ان مع العسر يسرا