مرت حماي ناويه تموتني ..... لحقوا علي : (

السلام عليكم

بصراحه طفح الكيل
أنا عايشه بأمريكا بحكم شغل زوجي وأخوه اللي أكبر منه يدرس بنفس بمنطقتنا
واحنا تونا جدد على المنطقه هم قبلنا جايين
مشكلتي مرت أخو زوجي ذبحتني ما أقدر أسوي شي إلا قلدتني والله مت منها
وكل سوالفنا توصل لزوجها تخيلوا أنها تقوله حتى سوالف الحريم الخاصه حيل اللي تصير بينا
و الله ذبحتني أقلب مشاكلنا أنا وزوجي بسبتها وكل ما أقعد أسولف معاها تعلق على سوالفي بأسلوب بايخ ما عندها أي نوع من الأتكيت في الكلام
تصدقون تنقل لزوجها سوالف عني أنا ما أسويها وزوجها صار يكرهني
المشكله أنه ينقل لخالتي أم وزجي كلامها والله ما أدري شنو الفكره اللي كونتها عني
ويوم تدخل شقتي تعلق عليها بأسلوب بايخ حيل أنا أدري أنها محتره بس دمي يفور منها

أدري بتقولون ليش معوره راسج بعدي عنها
بس أنا ما أقدر كافي أنا احنا بغربه وبعدين وزوجي واجد يحتاج لهم تدرون تونا جداد وهم أدرى بالمنطقه والعاده أخوه يمشي معاملاتنا والأوراق
والله مشكله
الله يخليكم فكوني من شرها
دورولي حل:(



تقبلوا تحيات جلاله الملكه

11 تعليق 2,377 مشاهدة

شاركي في النقاش

سجلي الدخول لإضافة تعليق.

التعليقات

11
  1. السلام عليكم
    اختي لا داع لمقاطعتها الواحد ما بصدق انه يجد صديق له في الغربة كما ذكرت .
    ولكن انا تواجهني بعض الاوقات صديقات من هالنوع ...
    وتراني ان سمعت كلمة وفي بيتي ما عجبتني اردها عشرة وافحمها ولا عاد اخليها تفتح فمها...
    اعمليها مرة وما عاد بتسمعي صوتها ويا ريتك ذكرت مثال على تطفلها عليك .
    وبيضل هذا اخوه ما فيه يمنعه من زيارته انا مقدرة نفسيتك .
    وصديقيني يمكن لو ما كانت عم توصل لبيت حماك لكان الامر عادي لكن انها تعمل لك صورة مو منيحة فهذا حقك في الدفاع عن نفسك وتفهميها من اولها انك ما بتستسيغي هيك حركات .
    وربنا يوفقك.
  2. @bdr_algory

    انا اقول لاتعطينها وجه بقولك على شئ
    انا رحت وزوجي نزور اخوه
    والله لايععيدها من زياره
    زوجته هبلت فيني بس باسلوب مؤدب حرمت ازورها مره ثانيه
    باللللللللللللللللللللللللللللوب حكيم هبلت فيني قولي كيف
    ماتقدرين تمسكين عليها شئ
    انا لما زرتها رزعتني بالصاله شوي وجت ورحبت وهلا ومسهلا وراحت لودها تغير له وتصد تجلس ساعه ماتقدرين تقولين شئ
    شوي تصد تروح تصلي وماتقولين شئ من حقها تصلي طبعا وتطول وهكذا تغط عني بحجت ولدها والا صلاه والا زوجها يبي شئ بس باسلوب مكممؤدب خلاني احرم ازورها بس محترمتها بنفس الوقت فهمتيني
  3. @bintalnoor

    لو مكانك يا اخت ملكه اخذها على جنب واوريها النجوم بعز الظهر من ركل وبوكس واشتغل شوي كراتيه انزين بعدين اقولها ونا ماسكه بزمارة رقبتها ان سمعتك تتحشيت ولا تغلطين ولا تكذبين علي ادفنش بالحيا وبعدين عادي اخلي نفسي كوول ولا كاني سويت ...ما عليه هاها سامحيني ما ارضى بالظلم ويقهرني ذا الشئ وما عندي غير افرد عضلاتي
  4. @ord_alkhzam

    حبيبتي الملكه
    خلك رسميه معاها ولاتكثرين الروحات والجيات عندها ترا اكثر المشاكل من مرة الحما الله يكفيك شرها,
    وبعدين بسرعه تعرفي على ناس غيرها علشان ماتحتاجينها في شئ,,,,,,,,,,,,,,,,,,,,,طنش تعش,,,,,,,,,:27:

تابعي تجارب أخرى من هذا القسم.