ولدي بيكمل 4 شهور وللحين كل ساعتين يصحى ويجنني بالليل.. نصايحكم يا امهات :(

يالبى قلبك
تبين تنامين ولسه عمره 4 شهور

يالبى قلبك والله

هذا الطييعي ويصحى مو دلع لا جوع

اصلا اذا كملوا ساعتين ودقيقه نايمين استغرب اقول ليه ناموا هالدقيقه زياده ههههههههههههههه

خاصه انك ترضعينه طبيعي احمدي ربك نمتي ساعتين

لسه على خمس ساعات استني لحد ما يصير عمره 6 شهور و فكري فيها

وترى ماله شغل بنومة النهار لسه على ترتيب النوم لسه

اللي يصحيه الجوع وينام بسرعه لانه يبي النوم بس الجوع صحاه

الله يخليه لك ويخلي لك ابوه ويجمع بينكم على خير ورضا

ولدي عمره سنه ونص وللحين بالكثير إذا كمل ساعتين نايم. ...ويصحى معدل اربع مرات او خمس في الليل واحيانا كل نص ساعه خاصة مع التسنين صاير مو مرتاح بنومه ...ومن يوم انولد وهو كذا نومه متقطع وخفيف واي شي يصحيه ..في البدايه كنت مكتئبه جدا من قلة النوم ...لكن مع الوقت إتأقلمت على الوضع ...في البدايه كنت اخليه في سريره لكن لانه يصحى كثير صرت اتعب واتعذب وانا اقوم من سريري كل شوي ..وصرت أخليه جنبي ........يعني لازم تصبرين ومع الوقت تتأقلمين ..ويكبر أبنك ويصير يطول بنومه ....

احس ولدك البكر ومدلعتيه لو جا وقت النوم روشيه حمام دافي وغيريله ومسجيه ومهديه زييييين واربطيه اهم شي المهاد وخليه بسريره يصيح لين يقول امين رح تتعبي اول فترة وبعدين خلاص ينام بروحه

الله يعينك كلنا مثلك بس صرت اخلي بنتي تنام بالنهار بس ماتطول بالنوم ساعه بالكثير واصحيها بمعدل ثلاث الى اربع غفوات في النهار وبالليل تنام نوم متواصل ماتصحى بس لاني كل ساعتين اصحى قبل ماتصحى اعطيها رضاعه وترضعها وتنام ...... اتمنى اكون افدتك

نفس حالتي الله يكون في العون
لسى بدري على تنظيم النوم بعدين ما دام انه يرضع طبيعي ساعتين بالكثير ويقوم واذ ككثر اربع ساعات وهذا نادرا
بعد السته شهور يبدا يتعدل النوم شوي
المشكله فينا بعد قلوبنا ما تتحمل صياحهم يعني بصراحه ما اقدر اخليه يصيح لين يقول امين ياليت اقدر الا اقعد اهزواهز وبعدين اتوهق ما ينامون عيالي الا بالهز ودي اتخلص من هالحاله عندي ولد عمر سنتين لين الحين ما ينام الا بالهز