موقف مع الشله

مساء الخير. فيه موقف كريه شفته وهو اننا كنا مجموعه جالسات كلهم متزوجات الي كبري وفيه اصغر انا عمري فوق الثلاثين انا عادي عندي انا الحمد لله ما اتحسس من ها الشي لان ربي بيعطيني الي اتمناه لاني واثقه به بس الي قهرني تخيلو وحده قالت نكته والله العظيم قمه في قلة الادب ما ادري كيف قالتها والي رفع ضغطي ان وحده من الجالسات اصغر مني بواجد توها متزوجه ضحكت قالت عيب ترى معنا احم احم بيننا انا عرفت قصدها يعني بيننا عزابيات والعزابيات بس انا وثنتين في المتوسط احس حركتها سخيفه ومالها داعي قلت بنفسي بلعكس يستعاب على الي متزوجه انها تتكلم في ها الامور اكثر من الغير متزوجه وبعدين قولتها احم احم حنا محنا عايشين في العصر الحجري مانعرف شي اصلاً حنا نعرف احياناً شياء اكثر من امهاتنا قسم بلله قهرني حركتها اكثر من قهري على ها النكته السخيفه يعني مافيه احترام لوجودي ما فكرت اني اكبر منها ما فكرت اني يمكن اعرف اشياء اكثر مماتعرفها هي والادهى والامر اناها ابداً صارت ماتعطيني وجه نهائي تعاملني كني في المتوسط تجاوبني برسميه واذا كنا نتكلم انا والمجموعه بموضوع عام جت وغيرة الموضوع الى المواضيع الي عن الحمل والولاده وغيرها ودائم كلامها عن زوجها والرومانسيه وغيره وتعطي الباقين كلهم وجه وتضحك معهم الا انا تصتصغرني وفي المقابل بقية الشله ماشاء الله عليهم محترمات ماقد حسسوني ابدا انهم متزوجات سواليفنا عامه ووناسه معنهم بخير وزي الملكات بس ماعندهم ها التفاخر واستحقار الي اقل منهم ابداً والله اني وانا جالسه معهم ما احس باي شي يضايقني الا ها الادميه حاولت اتقرب منها ودعيت لها ان الله يهون عليها ردت قالت امين من ورى خشمها