شاركي في النقاش

سجلي الدخول لإضافة تعليق.

التعليقات

53
  1. @rkb_alaghrab

    ..صباح الخير ..



    تعرفين ليه ما قدرتي التأقلم مع الطلاق ..
    لـ انك مش مؤمنه بـ ان ما اصابك هو أرادة رب العالمين .. فقط لا غير ..!
    من وأنتي فـ بطن أمك ..!
    هذاني مطلقه وكثير من الاخوات .. ولله الحمد عايشين حياتنا بـ العرض والطول ..!
    ومتأقلمات بشكل ممتاز وكأن ما فيه شئ صار ..
    ويحسب لنا الف حساب فـ بيوت اهالينا .. وفـ أي مكان اجتماعي نروح له ..
    حرام عليك خمس سنوات تعذيب منشان رجل .. والله ما يسوى عليك ..


    ×

    تصدقين بـ الرغم من ان انا احب طليقي بجنون .. والى الان .. يعني
    تقدرين تقولين بينا قصة حب .. كـ انثى ما قدرت اطلعه من قلبي ..
    لـ اني احبه حيل .. وعمره ما مر علي يوم ما ذكرته .. وتذكرت أدق التفاصيل الي عشتها معه ..
    وعمري ما حطيت راسي على المخده بدون ما اتذكره ..
    بس مع ذلك عمري ما حسيت بـ الشعور الي بعض الاخوات يمرون فيه ..
    لـ ان نظرتي لـ نفسي جدا أيجابيه ..
    ولـ اني عارفه أن مش كل المتزوجات احسن مني .. وان فيني عيب ..
    قد اكون أفضل من الف وحده متزوجه .. لكن الله ما أراد لي الاستمراريه فـ هـ الحياه لـ حكمه يراها هو ..
    وأنا لا أستطيع ادراكها ..!

    ×


    والله ما ينقصني ولا أي مطلقه .. لا دين .. ولا جمال .. ولا علم .. ولا أي شئ كان ..
    الحمد لله .. كل شئ عندنا بفضل رب العالمين .. يعني العيب مش فيني ..!
    وقد لا يكون في المطلق نفسه .. العيب .. فـ الحياه التي الله سبحانه وتعالى رأى بـ انها ما تصلح لنا مع بعض ..!
    لـلأختلافات الكبيره أو الصغيره فينا كـ أشخاص ..!

    ×


    انا معك في ان الطلاق مؤلم .. لـ ان ما فيه أنثى تحبه على وجه الارض ..
    وأيضا ما فيه رجل يحبه .. !
    لكن اذا كان أرادة رب العالمين .. قولي لي وش السواة .. ما لك الا الصبر ..
    واتركي منك السلبيه عيشي حياتك ترى الحياه مش رجل وبس ..!
    أبدا عمرها ما كانت كذا .. اشغلي نفسك .. والله ي اختي لو كثرت مشاغلك ان تنسين فكرة الطلاق بـ المره ..!

    ×


    هـ الايام الواحد منا ي الله نفسي نفسي .. ما فيه وقت حتى ان الواحد يحك راسه ..!
    ما نصدق يجي الليل نطقطق على هـ النت شوي وننام ..
    تصدقين هذا وقت فراغي الوحيد .. واسهر لين 2 بـ الرغم من أن وراي دوام اليوم الثاني .!
    بس كثرة المشاغل الهتنا كثير !
    المهم وسعي صدرك .. واعتبريها فتره وتعدي .. واسعدي نفسك بـ نفسك ..!

    ×


    واذا كانت الضروف تحتم عليك العيشه معه فـ نفس العماره فـ اصبري .. وش يعني ..
    مش انتي تركتيه .. يعني أنتي ما تبينه .. همشيه ولا كأن صار بينك وبينه عشره ..!
    وان كان هو الي خلاك من نفسه ادري انه رح يكون الوضع اصعب عليك شوي ..!
    اذا كان بمقدورك الخروج لمنزل اخر .. فـ هذا افضل لك مدام كنتي كذا ..
    وان لم يكن .. فـ اصبري لـ وجه الله .. ولعل الله يحدث بعد ذلك أمرا ..!
    وفقك الله لكل خير واسعدك ووالديك ..!
    ي هلا والف غلا ..!



    ..ركب الاغراب..
  2. @bylsaan

    صاحبة الموضوع
    الله يسعدكم يارب

    ركب الأغراب تسلمين ياقلبي كفيتي ووفيتي كل كلمه قلتيها صح

    بس يارب يقدرني
  3. @anth_taashk_almsthyl

    انا مطلقه من سنه تقريبا وعندي ولدين بعد والله طلاقنا ماكان لسبب كبير بس قدر الله وماشاء فعل ، طبعا تطلقت بعد اكثر من سبع سنين زواج .
    خطب بعد الطلاق على طول وماتوفق وحاول يرجعني والله ماكتب لنا الرجعه وبعد سنه كمان خطب وملك وماتوفق .
    وشئ طبيعي بعد الطلاق تحسين بتانيب الضمير وتتعب نفسيتك انا ماحسيت بالشئ هذا الا بعد ثلاث شهور من الطلاق مهما كان العيب من الرجال بس الوحده تحس انها هي السبب طبعا كلامي للي جربوا الطلاق ، لان اللي ماجربوا يقولون والله ماتعب عشان واحد باعني ومن ذا الحكي بس اللي جرب غير عن اللي ماجرب ، انا مع اني كنت مصره على الطلاق بس بعد الطلاق بكم شهر حسيت بتانيب الضمير ولوم النفس واني غبيه واني واني واني لو سويت كذا ماكان صار كذا بس بعد ماصحيت من الحاله اللي فيها عرفت ان كل افكاري غلط وقتها .
    وتصدقين ماقتنعت اني مو السبب الا اللحين قبل كم اسبوع يعني بعد سنه وشوي اقتنعت اني مو انا السبب لاني فكرت بعقل .
    يعني فيه حريم كثير يزعلون ويطلبون الطلاق بس الرجال مايتسرعون في الطلاق ويخليها عند اهلها يمكن سنه بس انا يوم افكر انه على طول طلق بعد المشكله واعتقد ماكان فيه شئ اسمه مشكله المهم طلق بعد اسبوعين من المشكله وعلى طول راح المحكمه وطلع الصك وقبلها خطب اقول طيب وين العشره وين اللي كان بينا يعني اذا الوحده فكرت بعقل بتعرف قيمة نفسها ، بس اكثر البنات يفكرون وهم نفسيتهم تعبانه ، بس نصيحه اول ماتحسين ان نفسيتك بدت تتعب تقربي من ربك وعن تجربه والله وشوفي العجب بعدها انا احس ان طليقي ماتوفق مرتين في خطتبته من تقربي من ربي لان دعيت ربي كثير والحيت وانا موقنه بالجابه والله يابنات ربي استجاب دعوتي بعد اسبوعين من خطبته وفسخ الخطبه وجا بيرجعني .
    طبعا الكلام يطول عن الموضوع هذا وياليت يكون لنا احنا يالمطلقات موضوع خاص فينا للفضفضه .
    بس اذا ممكن اختي سؤال ليش هو ساكن معكم في نفس العماره ؟ وايش حسيتي يوم تزوج ؟ لاني انا يوم سمعت بخطبته تعبت نفسيتي ماادري ايش بيصير لو سمعت بزواجه ؟احس خلاص بارضى بالامر الواقع والله اني ادعيله ان الله يوفقه ويسعده .
    ونصيحه مني اسمعي الشيح عبد المحسن الاحمد عن الرضا وعن كل شئ يخص الشيح والله بترتاحين ماادري ليش سبحان الله كلامه يرحني ، وكمان اختي لو عندك مشكله او شئ فيه موقع استشارات للمحرزي والله بينفعك انا طلبت منه المساعده مرتين طبعا كلها كانت بخصوص نفسيتي بعد الطلاق والله استفدت كثير .

تابعي تجارب أخرى من هذا القسم.