السلام عليكم يا أخواتي
جيت احكيلكم مشكلتي مع سلفتي المتعبة حيل و عسى يا رب وحدة منكم تقدر تلاقي لي حل أو ع الاقل تكون مرت عليها هالاشكال 0
بأختصار يا بنات سلفتي جننتني ما صرت اعرف ايش اسوي معاها احترت عن جد احترت احسها تراقب زوجي بكل حركاته و الله على ما أقول شهيد أن حتى خدامتي لاحظت هالشي لدرجة انها تكلم خدامتي عنه وكيف أن هو احسن أخوانه ما أشوفها ولا أسمعها تتمدح فزوجها كثر ما تتمدح فزوجي
أعطيكم مثال فمرة كنت أمشي معاها بليل يعني بدون أنارات وجات سيارة من بعيد قلت لها شكله احد جاي عدنا قالت لا هذا زوجك ما عرفتيه قلت لها لا والله لان سيارته تشبة سيارة فلان قالت لأ في فرق سيارة زوجك فيها كذا و سيارة فلان فيها كذا انا فتحت عيوني و استغربت منها قلت لها ما شاء الله حافظة زوجي اكثر عني عبالي بتستحي ع وجها لكن لا والله زي ما هي
وهذا من غير انها دايما تحاول تخليني اكرة اهل زوجي انا ولله الحمد علاقتي فيهم طيبة بس دايما تقولي ترى فلانه تكلمت فيك وقالت كذا و فلان قال كذا لدرجة اني كرهتهم خلاص وعلمت زوجي بكلامها قال مستحيل اهلي يقولون كذا بس هي تغار منك وتبي تخرب علاقاتكم وفعلا انا واجهت الانسان اللي تكلم عني و حلف ما قال وكان مستعد يواجها بس انا ما بغيت اسوي مشاكل و احتسبت الاجر عند الله وكذا مرة اواجه اللي تكلمن عني ويطلع كلامها كذب بس هي مصرة على حركاتها و قلت حسبي الله عليها
شورو علي شو اسوي معاها تكفوووووون
الموضوع مغلق