شاركي في النقاش

سجلي الدخول لإضافة تعليق.

التعليقات

42

  4. @aafoy_sryh




    جزاك الله خير ...موضوع في الصميم
    انا ما يعجبني بالمرة حال كثير من العوايل في تعاملهم القاسي مع الخدم
    تعامل بعيد كل البعد عن الانسانية ...ضرب و تجريح و اهانة و تكبر و فوقية ...كلها سلوكيات ما انزل الله بها من سلطان
    رحت لبيوت و شفت بعيني المرارة اللي عايشين فيها الخدم في هذي البيوت
    تجيكي وحدة من جامعتها و ترمي اغراضها عند باب البيت و تطلع لغرفتها و تنادي الخدامة و تقولها روحي جيبي اغراضي من تحت يا غبية!!
    وحدة رحنا لها و خلتنا لما اكلنا و شبعنا و اعطت الخدامات بواقي اكلنا مع انو كان فيه اكل نظيف!!
    في العيد لما عيدنا في الاستراحة جات وحدة مع خدامتها و خلت الخدامة تشتغل طول الليل في المطبخ
    و لما جينا احنا البنات نساعدها قالت لا خلوها تشتغل احنا دافعين لها فلوس!!
    و وحدة عزمتنا عندها و لما جا وقت الاكل قلنا لها خلي الخدامة تجي تاكل معانا قالت لا مكانها المطبخ تاكل فيه!!
    و غيرها من المواقف اللي لو اعدها ما راح اخلص!!
    قبل ايام نزلت الاخت بنت زيد موضوع تتكلم فيه انو زوجها زعل من جيرانها
    لانهم ارسلوا لو صحن كان الاكل فيه محيوس
    بعض العضوات قالوا لها المفروض ما يرجعو ...كان اعطاه لخدامه او سواق او اي واحد من العمالة اللي برى!!
    صراحة استغربت ردود الاخوات... يعني الوحدة ما ترضى لنفسها تاكل اكل محيوس بس الخدم عادي عندها
    الواحد يحب لغيرو ما يحب لنفسو
    مدري متى الناس تفهم انو هذول الناس امانة عندنا و لازم نراعيهم و نهتم فيه مثل ما كان الرسول عليه الصلاة و السلام يهتم في انس بن مالك رضي الله عنه
    الوحدة فينا تقوم فيها الدنيا و ما تجلس لو احد غلط عليها بكلمة ... فما بالكم بهذول الناس اللي كل يوم يتعرضوا لاهانات و تجريح و اشياء الله بها عليم
    نزعل منهم و نكرههم لما يحقدوا علينا و ننسى انو احنا بايدينا زرعنا هذا الشي فيهم!!
    المفروض نشكر الله على النعمة اللي عايشين فيها ... مرتاحين في بيوتنا و بين اهالينا و ما نشكي من مرارة الغربة زيهم
    مو نتبطر على النعمة و نشوف انفسنا فوق الناس
    الله يهدي الجميع لما يحب و يرضى

تابعي تجارب أخرى من هذا القسم.