بنات تكفون ادخلوا اسمعوني

السلام عليكم 
بنات انا امر في فتره اسال الله ان يعيني على  تخطيها 
انا اختي الصغيرة انخطبت والله انا فرحانه لها ...والله يوفقها ويسعدها لكن ما تتصورن قد ايش احس نفسي مهانه والكل ينظر لي نظرة شفقة وعطف وعاد تعرفون المجتمع ونظرته وانا راضيه بقضاء الله وقدره لي لكن كيف اتعايش مع الوضع وكيف أكسر حدة نظر الناس لي .. بنات شايله هم الزواج كيف احضره ..شايله هم تلميحات الكلام من اللي حولي بناااااات انا مره منهاره واحس أني عانس ومخنوقة وربي نفسي أموت ولا أعيش هاللحظات بنات انصحوني خففوا عني كيف أتصرف في الزواج  بنات والله ان فيه ناس قريييبن مره انهم رموا علي كلام بطريقة غير مباشره أني خلاص ماعاد لي بالحياه  او بمعنى أني صرت حثاله ولا لي اي اهميه اه ياربي قلبي يتقطع وأبكي على حالي انا أملي بربي ومقتنعه ان الحياة مؤ زواج لكننننن مشكلتي نظرة الناس لي . وخصوصا المقربين اه كلام زي السم لكن ابلع وامشي .. وانا من داخلي منهاره ...
تكفون أدعو لي معكم ممكن وحده منكم لو أقسمت على الله لابرها 

37 تعليق 3,221 مشاهدة

شاركي في النقاش

سجلي الدخول لإضافة تعليق.

التعليقات

35
  1. ياقلبي حاسة فيك وربي
    انا اقول لك شلون تتخطين هالمرحلة بنجاح إن شاء الله

    اول شي انتي من داخل لازم تكونين قوية وادعي الله يرزقك القوة والثبات
    لان لو كنتي واثقة من نفسك وحاسة فعلا ان هذا شي عادي راح ينعكس هالشي على تصرفاتك ونظرة الناس لك

    الشي الثاني واقوله لك من خلال معايشتي لثنتين من قريباتي تزوجو اخواتهم الصغار قبلهم
    الاولى كانت في الحفلة ترقص ومبتسمة وهذا شي جميل انعكس على نظرة كل الناس لانها بينت لهم انها فرحانة وسعيدة

    الثانية كانت تجهز مع اختها كل شي خطوة بخطوة معاها في السوق وهذا الشي خلاها تنشغل عن همها بتجهيزات اختها

    وابشرك الثنتين الان متزوجات ماشاء الله


    يعني انتي اهتمي باختك وتجهيزاتها وفصلي لك فستان حلو وفخم وارقصي وانبسطي بالعرس

    ولو وحدة قطت عليك كلمة كذا والا كذا ناظريها نظرة خليها تكره نفسها وردي عليها لا تسكتين
    قولي والله انا راضية بوضعي والحمدلله
    او قولي ما شكيت لك الحال
    او قولي الزواج مو كل شي بالدنيا وبيني لهم انك مبسوطة بالعزوبية والحرية
    وادعي لاختك قدامهم ان الله يوفقها ويسعدها عشان لاحد من المريضين يفكر انك غيرانه منها او شي

    ولا تتحسسين ياقلبي ابد الزواج ماله عمر
    سمعنا عن بنات في كلللل الاعمار يتزوجون

    انتي بس ادعي الله بقيام الليل ان يرزقك زوج صالح ويرزقك معه السعادة والراحة

    الله يوفقك يا اختي ويسعدك وين ماكنتي
  2. @aloaaaaan_3

    الله يسعدك ويرزقك ويشرح صدرك ويشغل الناس عنك

    واسئل الله ان يرزقك زوج تقي نقي غني ياخاف الله فيك ويسعدك
  3. @ordh_bla_lon

    صاحبة الموضوع
    ياااااااارب والله أني اكتب لكم ودمعتي على خدي
    معتبر تكم أخوات لي ومتنفس أفض فض فيه
    ياارب ارحم ضعفي وقلة حيلتي
    والله أني أنهرت تماماً وثقتي بنفسي صارت صفر وصحتي راحت والكل ملاحظ ونظرة الشفقة عذبتني حتى أمي لمن تدعي لي أتعذب اتعذب اتعذب خلاص نفسي اصييييييح بأعلى صوتي وأقول يااااااناااااااس ارحمووووووووني
    خلاص كرهت الزواج وكرهت كل شي الفرحة انقتلت في نفسي على أني كنت احلم مثل اي بنت وتخطط ايش اجهز وكيف يكون فستان فرحي لكن اللحين كرهت كل شي لان نفسي طابت وعافت الزواج وكيف اصلا بيكون لي وجه افرررح اه ياربي لك الحمد حتى ترضى
    انا تحطمت انا انتهيت
  4. @ordh_bla_lon

    صاحبة الموضوع
    **رومانسية**
    ياقلبي حاسة فيك وربي انا اقول لك شلون تتخطين هالمرحلة بنجاح إن شاء الله اول شي انتي من داخل لازم تكونين قوية وادعي الله يرزقك القوة والثبات لان لو كنتي واثقة من نفسك وحاسة فعلا ان هذا شي عادي راح ينعكس هالشي على تصرفاتك ونظرة الناس لك …
    الله يسعدك اختي رومانسيه
    كلامك ريحني لكن اعرف نفسي انهار بسرعه ويبان علي
    لكن الله كريم

تابعي تجارب أخرى من هذا القسم.