السلام عليكم...
والله مدري من وين ابدأ الله المستعان :ohplease:... يلا ماراح اطول عليكم..
هو انسان طيب حنون نوعا ما تقريبا مومقصر معي
احس مابيني وبينه جديه يعني حياتنا مع بعض كأننا اطفال وهو مزحه ثقيييل لدرجة انه بعض الاوقات يجررررح بكلامه لدرجة انا كنت بالبدايه استحي وماارد لكن دحين انقلب التجريح مننا احنا الاثنين زي مثلا يكون التجريح بالشكل والملامح وشخصيات بعض تجريح في تجريح وكل هذا واحنا نمزح بس انا مررره اتضايق من هالشي واذا صرنا جديين تهاوشنا ..
ومن زود الميانه الناتجه عن المزح الغثيث والثقيل صار لدرجة يقط الميانه معي قدام امه امه حاليا عندنا لظروفها الصحيه وبتروح
يعني مره دف راسي قدام امه وانا مرره انحرجت قدامها عاد هو من النوع اللي يحاسب ع النظره ونبرة الصوت يعني اي نظرة اطالع له فيها يفسرها استهزاء ولا نظرة تهديد ونبرة الصوت ياويلي لو اتضايق وارفع صوتي شوي يقلبها زززعل ونكد يعني لما دفني من راسي طليت فيه نظره على جنب وهو فسرها من كيفه....
تخيلوا اذا تضايقت من شي ولا حسيت بشي يبان على وجهي مايبغاني اتضايق يتضايق هو ويزعل وهو مايدري اصلا اش فيني !!!!.اوقات ممكن الشي مايستاهل اني اقوله لاني مابغا اضايقه او اكثر عليه شكوى . يزززعل زعل الله وكيلكم وفوق الزعل يقعد يجرح مثل التجريح اللي قلتلكم عليه ومايكلمني عاد انا هنا اتضااايق وتنقلب هوشه لانه يزعل وهو مايدري اش فيني اصلا واذا سألني اش فيكي؟ يسأل بنبره حاده وهو مستعجل يعني عن الملامه !!
ودايم يتكلم عن شكلي يقول انتي مو حلوه على ايش شايفه نفسك هههه طبعا هذي نتيجة الزعل التافه اللي هو يسويه بس تدرون اقسم بالله انه مايهز فيني شعره واحس كل مايقول كذا تزيد ثقتي بنفسي ههههه انا الحمدلله بشهادة الكل حتى هو دايم يقول انتي وااااثقه من نفسك .. وانا الحمدلله متوسطة الجمال واذا تزينت ماشاء الله حلييييييوه:35:ترى هذا كلامه عني وهو رايق هههه واذا زعل انقلب علي الحمدلله والشكر بس ..
المهم الشي اللي ضايقني مرررررررررررررره صار امس انا الدورة بتجيني قريب وتعرفون عاد النفسيه الزززززززفت وفوق هذا والله من اول ما اصحى لحد ماانام وانا اراكض اطبخ وانفخ له ولامه الله يكتب الاجر بس المهم انا دخلت غرفتي حسيت اني مضايقة شوي ومشتاقه لاهلي ونفسيتي زفت وحاسه بالام اسف ل بطني ورحت اريح شوي بعد عشر دقايق جا زوجي وسألني اش فيك قمت بكيت وقلت مشتاقه لاهلي قام هداني وقال يلا مسحي دموعك وتعالي لاتخلين امي لحالها وهو جالس عندها !!!!؟....المهم جيت بسرعه وانا لسى الضيقه فيني وباين على وجهي بعد شوي قامت امه قام قلي انتي نفسيه بس ماده البوز وجزاء لكي ماراح تروحين لهلكي لخليكي تجلسين هنا يعني زي اللي موتي حره وانقهري ....
ومن هذاك اليوم حاط دوبه ودوبي لو بس اتضايق وكاني ارفع صوتي شوي قام وزعل ونكد علي عيشتي حتى اليوم لما صحيته لدوام قال انتي اش حارق رزك اتأخر ولالا اول مره يقولها وبعدين يلا انقلعي انقلعي ؟؟ مسكككككين ..... قلت يالله صباح خير قال اقولك لايكثر وانقلعي .........ويطلب مني اغراضه لدوام واذا جبتها له قال وجه فقر مسكككككككين وانا والله بغمكاني ارد ومو خايفه منه ويحترم غصبا عنه بس ماحبيت تكبر السالفه وامه موجوده..........................................
يارب كملنا بعقولنا .....
اسفه طولت عليكم بس والله من لحرررره
تكفون وش الحل وهو الحين منتفخ وزعلان ؟؟؟:07:
شاركي في النقاش
سجلي الدخول لإضافة تعليق.
التعليقات
35- حبيبة قلبي والله ما أدري ايش أقول،غير اصبري،والله يفرج همك،وييسر كربك.يآآآ رب.
ونصيحة من اختك استغفري كثيييير،وكررري دعاء الكرب.
- ربنا يكون بعونك وييسر امورك
- حياتكم مفتقده الاحترااام المتبادل
حلو نمزح ونضحك ومستهبل لكن بحدود الاحترام
والمفروض من بداية حياتك فرضيت هالشي ع زوجك
الله يعينك ويسخركم لبعض - الله يعينك اكره ماعلي المزح ذا النوع ومع الصبح توه قبل شوي زوجي يستهبل علي مع هالصبح وربي زعلت وتهاوشت معه مع انه حاجه ماتسوى
وما شا لله عليه لا يكل ولايمل وحتى هو رايح الدوام مايعوقه شي
ونصيحتي لاعاد تجارينه في المزح حاولي تحطين حد
ابتسمي وقولي خلاص انا تعبت نفسيتي ومعاد اتحمل - انت متاكده عايشه مع زوج او مع اخوك
برايي لازم الزواج يكون فيه احترام وانتقاء للكلام .......الغموض والاحترام والرزانه مع دلع ما ادري كيف اوصف هي سر الحب بين الزوجين
زوجك حاطك زي اخته او صديقه ........خوفي يتعود
برايي لما امه تروح لبيتها انت روحي لبيت اهلك خليه يشتاق لك واذا كلمتيه كلميه بحب ودلع ورقه وابتعدي عن حركات الدفاشه راح يتعود
مواضيع مشابهة
تابعي تجارب أخرى من هذا القسم.