اللي يجيهم صدااع نصفي مثلي تعااالواا الله يخليكم

نفس الحاله عند أمي الله يشفيها ماخلت شي ماسوته تحجمت وسوت اشعه للراس وكل شي سليم بس من يوم هي صغيره الحين بنهايه الاربعين عمرها ودائما يجيها مانفع معها شي  الله يشفيها دعواتكم لها 

هلا اختي الله يشفيك ويعافيك
انا كنت اعاني زيك بس انتبهي لنقطتين
حبوب منع الحمل تسبب الصداع النصفي فتركتها
شيكي على فيتامين د نقصه ترا يسبب صداع فظيع
انا رحت للدكتورة منيرة البنيان بالحبيب اللي بطريق الملك فهد
قالت اذا يجي اكثر من مرتين بالشهر تعطيك علاج يمنع النوبه نهائيا
بس اذا يجي مره او مرتين تعطيك مسكن قوي زي حالتي استخدمته مرتين ماتحملته
كان منوم ينومني حوالي ٦ ساعات وسببلي كتمه غير الخمول طول اليوم فتركته
ولما بطلت حبوب منع الحمل خف عني كثير ولله الحمد
حاولي تبتعدي عن القلق والضغوط النفسيه لانها من مسبباته
والله يشفي الجميع يارب

الملفوف
اعرف وحدة شفاها الله من الصداع النصفي بعد معاناة طويلة
استخدمت هذي الطريقة

طريقة المعالج الصمعاني لمعالجة فتاق وهوى الرأس وهو احد المعالجين الشعبيين المعروفين في نجد نحضر ملفوف طازجه من السوق وليست من الثلاجه ثم ناخذ منها 6 ورقات وتوضع على الرس بحيث تكون على شكل طبقات فوق بعضها البعض ويركز على جوانب الراس والخلف ثم يرتدي المريض قبعتين من الصوف ثم يربط بقطعة قماش ويشد عليه كل ليلة والصباح ينزعها
ويستمر لمدة شهر بحيث يكرر المريض الطريقة كل مساء وينام وفي الصباح ينزعها.

الصداع النصفي( الشقيقه ) صديق العائله الصغير والكبير يشتكي منه لافكس ولا اضاءه ولا اصوات ولا روايح ولا ازعاج هاذي كلهااا تزيده انا كنت اخذ يومين طريحة الفراش وقسم بالله ابكي بكا منه الين يارب لك الحمد رحت لدكتور مخ واعصاب وصرف لي حبوب اسمها ( كفر غوت ) هاذي الحبوب تخليك تستفرغين وبعد الاستفراغ يروح الصداع تدريجي المهم جلست سنه وانا ع الحبوب ذي كل مره يزيد الجرعه ومنعني من ( الببسي والجبن باانواعه والفاصوليا والشكولاته ) المهم نسيت هاذا الصداع يارب لك الحمد والشكر اختفا يجيني الصداع الخفيف اكل بنادول ويروح ... المهم الجيوب الانفيه لها دور وكان يقولي اذا جاك الصداع فكي شعرك لاتمسكينه لا بشبصات ولا شي خليه مفلوت وافركي فروت راسك ع خفيف ومنعني من الاضاءه وقت الصداع ومنعني من الصوت وجميع الروايح العطريه واذا اخذت الحبوب لازم غرفه ضلام ومكيف واسترخي