ابي وحدة تساعدني بتنظيف بيتي

مساء الخير

كيفكم

صراحة انا بيتي مرتب بس مشكلتي من زمان مامسحت

السراميك والكنب وووو

ودي انظف بس الكسل لاعب فيني لعب

ابي وحدة تساعدني بتنظيف بيتي تعطيني جدول مثلا

بيتي عبارة عن 3 غرف وصالة ومطبخ ومخزن وحمام

وش استخدم للسراميك وللكنب وللطاولات الخشبية ؟

والله كريم

9 تعليق 1,430 مشاهدة

شاركي في النقاش

سجلي الدخول لإضافة تعليق.

التعليقات

9
  1. @hlaoynat

    السيراميك استخدم التايد والملوركس مره بالاسبوع والمطهر يومين بحكم عندي بزران
    الكنب موبي للأقمشه ينظف ويزيل البقع والريحه حلوه
    والطاولات بفوطه ناشفه امسح ثم بفوطه مبلوله بماء وبس
    ما أخب الخلطات والحوسه
  2. نصيحه اختي لاتنامين بالليل الا كل بيتك مرتب تقومين وانتي مرتاحه تسوين غداك وترتبين عيالك
    فخصصي يوم بالاسبوع للبيت اتعبي فيه وارتاحي وباقي الايام ترتيب خفيف او اذا توسخ مكان من عيالك تنظفينه وداومي على قول سبحان الله والحمدلله ولااله الا الله والله اكبر٣٣مره وبتشوفين العجب وهذي نصيحه النبي صلى الله عليه وسلم لفاطمه والله يعيننا بهالبرد على الكسل
  3. الاسبوع هذا ابتدي
    الثلاثاء كنسي البيت كله بمكنسة كهربائية
    الاربعاء مسحي شبابيك البيت بممسحة وملمع زجاج والتلفزيون والمراياات وشاشة الكمبيوتر واي شي زجاجي
    الخميس مسحي الطاولات والكنب اما ببخاخ الزجاج او ببخاخ الخشب
    الجمعة راحه هههههههههه
    السبت كنسي البيت مرة ثانية بمكنسة كهربائية لانه امداه يغبر شوي
    الاحد مسحي السيراميك كلللله
    الاثنين غسلي الحمام
    الثلاثاء مسحي دواليب المطبخ

    وهذا اسبوع من التنظيف العميق اللي بيريحك شهر باذن الله خصوصا اذا ما جا غبار

    طبعا هذي الاعمال الاضافية تضيفينها على شغلك اليومي من الطبخ وغسيل المواعين والترتيب بشكل عام

    وبعد هالاسبوع خذي لك راحة وصيري كل يوم خصصي لك شي
    يوم الثلاجة يوم مكيفات الغرف يوم المراوح والشفاطات يوم الشبابيك يوم درج محيوس تفضينه وتمسحينه وترتبينه
    عاد الدروج كثير خصصي لك كل يوم واحد او اثنين

    وبالتالي بتحافظين ع بيتك لامع على طول

    والله يرزقك الذرية الصالحة يارب

    دعواتك

تابعي تجارب أخرى من هذا القسم.