اللي تعرف طرق التخزين تساعدني

مالك الا دولاب تفصلينه بالمجلس او غرفة الحريم تحطين فيه الاغراض
او دولاب اضافي بغرفتك للحوسة هذي
والشامبوات وكذا بالحمام

وانتو وين جلستكم؟؟
تصير الدراجة والالعاب بمكان جلستكم

فصلي دولاب في غرفة الحريم وخلي له اقفال ويكون زاويه ونص يشيلك كل شي وافرزي كل شي تحسي انه مر عليه سنه ماتستخدمينه طلعيه حتى لو جديد انتو وين جلستكم والغسيل انشري على حبل

انا نفس الشي بيتي شقه
ثلاث غرف وصاله ومطبخ وحمامين
مجلس رجال صغير وغرفة نوم وصاله صغيره وكنسلت مجلس الحريم خليته غرفه العاب ومنشر وكذا
والصاله سويتها جلسه وحطيت تلفزيون ونظمتها واذا جاني حريم استقبلهم فيها

الشكوه لله هذا نظام الشقق لازم نتنازل عن بعض الشي

انا عندي لك افكار لتخزين
اول فكره صالة الحريم اذا تقدرين تغيرين الكنب فصلي كنب وخليه من تحت دولاب بمفتاح يعني لما تشيلين مخدة الكنب تحصلين تحتها دولاب وخزني فيه هذي شفتها عند وحده من جارتنا
ثاني فكره انا جربتها بس غيرتها لان غرفتي كبيره وانا الحين بتزوج وسويت نفس الفكره في غرفة نومي لانها مره مفيده تفصلين دواليب مرتفعه يعني نفس دواليب المطبخ اللي مرتفع بس خليه مرتفع اكثر اذا زوجك طويل قيسي عليه ارتفاع الدولاب وتصير في غرفة النوم على جدار كامل او نص جدار حسب حجم الغرفه عشان مايعطيك منظر موحلو وفصلي معها سلم صغير عشان تقدرين تاخذين الاشياء ولو تفصلين واحد في مجلس الرجال لاغراض زوجك يكون صغير لانك تقولين المجلس صغير
في الحمام فصلي دولاب مرتفع وحطي فيه الكريمات والعطور والشامبو
الدولاب المرتفع يوفر مساحه من تحته ومساحه في المكان مايضايقك في مكانه لانه مرتفع اصلا
ودراجة بنتك خليها بالصاله واذا جاك احد حطيها بالغرفه
والسرير حق النوم دخلي تحته الاشياء الزايده اللي ماتستخدمينها في الوقت الحالي
هذا من تجاربي في بيت اهلي بس الحمد توسعنا عقبالك
الله يوفقنا جمبع

الله يسعدكم يااارب

بالنسبه انا لي ما اقدر الغي مجلس الحيم لان الناس كثير بيجووني

وقعدتنا في مجلس الرجال كل الوقت وفي مجلس الرجال حاطه دولاب فيه كتب زوجي وطابعته واغراضه تبع المدرسه
بس فكرت دولاب لسقف كثثير حلووه والله يوفقكم ويوسع علينا عاجلا
ماراح انساكم من دعايي