:huh:
اهلين حبيباتي
ولدي ماشاء الله عمره 8سنوات ..
وعندي ولد ثاني عمره 3 سنوات وصاير الصغير الله يهديه شرس شوي بتعامله مع اخوه
المهم الاحظ الكبير يتغاضى عنه بس يوصل لدرجة يضربه وبعنف وحاولت اشرح لولدي
حديث الرسول عليه افضل الصلاة والسلام ان الرجل هو اللي يمسك نفسه عند الغضب
لانه يقول لي ان الصغير يعصب به ويطلعه من طوره وكنت ابي اشجعه يتماسك نفسه
... السالفه اللي احرجني فيها الله يصلحه وقفت ساكته وعارفه خطأي ...
انو لما ازعجوني ضربت الاثنين وانا معصبه عليهم وزعلت وانا حامل وماكنت كذا قبل حملي
بس صايره مره عصبيه من حملت الله يعين ,, بعدين الكبير قال لي لما ضربته ؟؟؟ ماما ..
مو انت تقولين الرسول عليه الصلاة والسلام قدوتنا!! ليش تضربينا والرسول عليه الصلاة والسلام
يقول اضربوهم لعشر وانا لسه ماوصلت 10.....
:huh::dry: هنا سكت انا.. وكمل الله يصلحه يقول لاتطلبين مني اتمالك نفسي وانت ماتقدرين
تسمعين كلام الرسول...
انا يابنات ماعاد لي وجه .. وحسيت ان اكبر خطاء هو اننا احيانا نغلط بافعالنا ونزعل منهم ونطلب منهم
اكبر من عمرهم !!
تنبهت لهالشي وحسيت ان افعالنا جد هي اللي تربي اولادنا
وادعوا الله ان يرزقني برهم ويحفظهم وابنائكم ويرزق كل محرومه يارب العالمين ,, وادعوا الله ان يعيننا على تربيتهم التربية الحسنة السليمة وان يتجاوز عنا ..
موضوعي للمشاركه معكم وامتاعكم وفائدتكم ,,, اتمنى ماتحرموني واولادي من دعواتكم الطيبه
لاإله إلا أنت سبحانك اني كنت من الظالمين
شاركي في النقاش
سجلي الدخول لإضافة تعليق.
التعليقات
12- الله يصلحه ويخليهم لك ويرزقنا ويرزقك بر ابناءنا
- ماشاء الله تبارك الله الله يحفظهم لك ويجعلهم من عباده الصالحين
حلو انك تربطين حياتهم بسنة المصطفى صل الله عليه وسلم
الله يوفقك ويهون عليك حملك
ماعندي مشاركه للاسف لاني ماتزوجت بس عجبتني فطنة ولدك - يفداه قلبي.. نورتيني ! الله يعوضك خير ولايحرمك الاجر
رتووووو .. تسلمين الله يرزقك يارب - بصراحة ما شاء الله اعجبت بولدك
الله يحفظه ويبارك فيه
ما شاء الله ربيته تربية صح
وما فيها مشكلة انه نتعلم من عيالنا ومن اخطاءنا
خبريه انك اخطأتي وعادي انه الانسان يخطئ بس يتعلم من خطأه
واعتذري له وقولي له انك ما بتضربينه مرة ثانية
الله يخليه لك - ماشاء الله لاقوة الا بالله
الله يصلحهم ويزقك برهم
الله يهدينا لتربية ابنائنا التربيه السليمه
مواضيع مشابهة
تابعي تجارب أخرى من هذا القسم.